المسافة 5 ساعات مثل ماخبروك الأعضاء
الطريق سيار وسهل ومريح ومن المطار الى طريق برشيد - سطات - مراكش - أكادير
والطريق السيار جنب المطار مباشرة
إذا حاب تسافر بالسيارة الأفضل تستاجر سيارة بدل ماتطلع مع سيارة اجرة لأنها أفضل وأوفر وأريح وتكلفة الإيجار اليومي من 300 درهم الى 400 درهم + 400 ديزل + 250 درهم مصاريف الأداء والاكل
المجموع بيكون من 950 الى 1050 درهم شامل السيارة والديزل وإذا بتسلم السيارة لما توصل راح ينقص من المجموع الكلي ثمن الديزل 200 درهم لأن التعبئة بـ 200 درهم تكفيك من المطار لحد أكادير
المميزات : تستفيد من السيارة بمشاويرك وتعرف البلد أفضل والتكلفة أقل والديزل راح يبقى فيه أقل من النصف يعني بيكفيك من 5 أيام الى اسبوع لو بقت السيارة معك وإذا ماحبيت تبقى السيارة معك ممكن تسلمها في اليوم التالي لفرع الشركة اللي مستأجر منها في أكادير وأهم شي تأكد قبل لاتستأجر إن لهم فرع في أكادير عشان تسلمهم السيارة
بالتوفيق