بعد معاناتي بالسكن في اغادير بالذات اطرح لكم بعض الحلول...

السلام عليكم ورحمة الله وبركاته
حبيت ياشباب اعطيكم شيء استفدته من خلال رحلاتي للمغرب وبالذات اغادير (حيث اني من عشاق اغادير من اربع سنوات ومازلت توني جاي قبل أسبوعين منها
كان والله يتعبني السكن هناك بصراحه لان كلنا نعرف اغادير محتكره بين ثلاث مناشير
ولكن الي يبغا حل بيحصل والحل سهل جداً والله ياشباب طرحته لكم لان والله للمنتدى هذا فضل علي بعد الله اول رحله كانت لي لحالي وكنت ادخل كل شوي وأستفيد من طرح الأعضاء هنا فقلت أفيدكم ووفر عليكم لان الأسعار والله صارت فوق المستطاع وكلنا عارفين الشيء هذا
المارينا ياشباب فيها شقق ملاك تاجر بأسعار رخيصه مره وأقسم بلله جداً رائعه وتوفر عليك كثير تحصل المالك حق الشقه يعرضها للايجار عن طريق حراس الأمن الان كل عماره لها حارس أمن نفس حارس العماره تحصل عنده عروض الايجار
بس من باب الخبره ههههه اذا استأجرت لأتعطيه مبلغ الايام الي انت بتجلسها كامله حاسبه على مبلغ يومين وقلت اذا جازت لي مددت بهذي الطريقه هو يمشي وراك ويحاول يدلعك ههههه بس اذا دفعته له المبلغ كامل بعضهم خلاص يسحب عليك ههههه

عموما هذي الشقق هي بنفس الفندق جواء المارينا وعادي تسوي الي تبغا كانك بالمارينا بس هذيك خدمة فندقيه وهذي شقق عاديه
انا تعاملت مع وحده هناك اسمها مليكا طيبه والله وسعارها حلوه الغرفتين وصاله وكرمكم حمامين ومطبخ ب1500 اخذتها وفيه غيرها كثير ياجرون شقق بس من باب الحذر مثل ماقلت لايستلمون المبلغ كامل حق الايام عشان المالك يحاول اي شيء تبغاه منه يضبطك

آه يااكادير
الحمدالله علي السلامه
والله صدق السكن في اكادير مبالغ فيه ونصف الميزانية يروح له من غير المعامله الي كنك ساكن علي حسابهم
ونشاء الله تجربتك جيده مع مليكا هذي
وأرجو منك فضلا ليس أمرا بتزويدي برقمها
او رقم المسؤل عن هذي الشقق
لان عندي سفرة انشاء الله قريبا

نصيحة جيدة و في محلها الف شكر لك وليت لو عندك رقم احد هذي الشقق ترسله لي على الخاص

كل مكان اسكن فيه ادفع يومين ماعجبني اسحب شنطتك وسلام

حمدلله على السلامة الوصول

وتسلم على النصائح في شأن السكن في المارينا

لكن كثير جربوا السكن بشقق المارينا من طريق المالك مباشرة او الحارس
وحصلت معاهم مشاكل منها انه جحدهم ومرة ان الحارس منع دخول الضيوف ومرة اخرجوهم بحجة صوت الموسيقى عالي .

والاتفاق مع المالك بدون ورقه رسمية تثبت عدد الايام يكون وضع المستأجر تحت رحمة المالك والحارس ولا كل مرة تسلم الجره

يفضل تأجر عن طريق مكتب المارينا تريح وترتاح بلا مالك يتحكم فيك وبلا مزاجية حارس يشفط البخشيش عليك كل يوم

__________________
G I N
! ! . . . ♥ . . . ! !

من قال مافيه ورقه فيه ورقه انا عني مع هذي مليكا جاء بيني وبينها عقد هي لها اكثر من شقها وتاجرها وعندها ورق رسمي وموثق ومختوم بيني وبينها بعدد الايام والمبلغ بس انا يوم اقول ادفع حقين اقصد لان بعض الحراس يمنع دخول الضيوف مع انه قبل قايل لك عادي وماعنده مشكله بس لما ياخذ حقه من مالك الشقه يقعد يلف معك لان مالك الشقه يعطي الحارس للمعلوميه وكمان يطلب منك فلم الحارس ياخذ حقه كامل من المالك ويضمن انك دفعت مبلغ الايام كلها يجلس يطلب منك على الضيوف مبلغ بس خلك ذكي كل يومين عطه واي شيء يوجهك مع الحارس كلم المالك وهو يتفاهم معه لانهم يبغونك الفتره الي بتجلسها كامله عندهم وهم مستفيدين مع اني مع الانسانه هذي للامانه والله يشهد علي ماواجهتني مشاكل بس قريت عن هذي المشاكل ومشيت على هذا الاسلوب ورتحت

هذا هو الصح لا تسلم رقبتك للمؤيد وشله حسب الله من الاستغلاليين اختار وادفع يومين وترتاح

اخوي عاشق

مو كل مره تسلم الجره

اصحاب الشقق الملك وضعهم متكهرب شهر يسمح وشهر يقلب ماتضمنهم

انا سائح ليش اعور راسي او اشغل بالي اخذها عن طريق فندقيه واعرف وضعهم ابرك من المالك ماتعرف مزاجيته او عداوة الآخرين له يبلغون عليه ان يأجر لخليجيين وعندهم ضيوف

__________________
G I N
! ! . . . ♥ . . . ! !

الشقق الخاصه في مارينا وضعها مو آمن نهائيا وسبق وقلتها في المنتدي منطقة مارينا اما تسكن في اطلس مارينا او اطلع من منطقة مارينا نهائيا الي مناطق اغادير الاخري الهدي او السلام او سونابا افضل لك واستر

__________________
ان تكون مجنونا في ارض الجنون خير من ان تكون العاقل الاوحد

انا عني الحمدلله ماصار معي شيء بس انت خذها كل يومين ومدد كل يومين بس يالغالي انت شايف الاسعار كيف طالعه والله مناشير تدري اخذ الشقه هذي قيمت 10ايام يعادل يومين عند المناشير على قولتك كل ينام على الجنب الي يريحه الي يدور الاقتصاد والي يبي راحة البال والي والي ...