مراكش الحمرا واكادير الابداع
 

الاخوة الاعضاء بعد التحيه المعطره برياحين النرجس والياسمين اكتب لكم تقرير رحلتي واصدق اصدقاءي التى كانت ببداية شهر نوفمبر واستمرت عشرين يوما قضينا 15 يوما منها في مراكش الحمراء واخر الرحلة كان بمدينة الروعة اكادير ..
الناقل في الذهاب الخطوط الرسميه.. لا انصح باستخدامها حتى لو لنقل العفش وفي الاياب كان طيران الاتحاد وتخسر اذا ما استخدمته في تنقلاتك الدوليه .
العدد ثلاث اشخاص ومن ثم لحق بنا احد الاصدقاء
التاريخ 4/11/2015 الى24/11/2015
المدن مراكش واكادير

ونبداء في سرد التقرير على نقاط .
اولا السكن بمراكش
فيلا خاصه استاجرناها من الاخت نادية وزوجها محمدابو زكريا وكانوا مثال للامانه والمصداقيه والخدمه حتى انني احسست انهم من اقاربي من كثرت حرصهم علينا وحرصهم على ان نجد كامل الراحه في هذه الرحله .. وتوصيتي للاعضاء استاجر عند هالناس وما جاك برقبتي لانهم صادقين جدا ويعملون باحتراف وعلى مدار الساعه يخدمون دون ان ترى بوجوههم تململ او تذمر .. وسراحه كانوا من اسباب نجاح رحلتنا حتى اني لما جيت امدد وكان فيه حجز للفله الى انا فيها مددوا لي بفيلا اكبر وافضل منها وبنفس المزايا الماليه دون ان اسمع منهم كلمة او ارى تصرف غير محبب .. كما انهم جابوا لنا شغاله وبنتها (نعيمة وبنتها ساره) وبكل تجرد عليها طبخ فاخر وخدمه اكثر من رايعه وعلى مدار الساعه ليل ونهار بدون تافف والله اني من زود خدمتها صرت استحي اطلب منها شي لانها مو مقصره معنا ابدا وتعمل فوق المطلوب منها الله يوفقها .

وللعلم رقم ناديه مسجل بالمنتدى وهي من المعلنين واذا ما كنت غلطان اسم وكالتهم زكواغ ومن لم يجده يراسلني خاص واعطيه له

ثانيا اماكن السهر
لهواة السهر والمرح اقول اني سهرت في الياسمين اول ليلتين وكانت الاجواء جميله لون ظاهرة يوزع شغاله بس يمكن التكيف معها عيبه الكبير يسكر الساعه 3 يعني يا دوب نسخن ويصفر الحكم .. وبالليله الثالثه سهرنا بالفله سهره خاصه وكانت رايعه على جوك يا بو جو .. بالليله الرابعه سهرنا سهره واعره بالنرجس وقد كان وقت الاقفال ممتاز الرابعه والنصف ولاكن لمن يعرف النرجس يعرف ان اكبر عيوبه البست الي كانه ممر من زحمة الطاولات .. في الليله الخامسه كنا نحن للديوان وسهرنا فيه وكان مزحوم الكعاده والجو خالع وسراحه انبسطنا فيه كثير ووقت الاقفال كان بعد الرابعه .. بعدها سهرنا ليله بالفيلا على طربنا وطلبنا ولاقت مهجت الاستحسان .. بالليلة الثامنه حبينا نجرب كاش (الديجيه) سراحه تكيفنىا مع الوضع ولاكن نفس عيب الياسمين يقفل بدري .. وبالليله التاليه جربنا سهرت الكباريه الي فوق كاش وانطبق عليه نفس وضع كاش .. كما اننا جربنا اوتار ولقيناه خاوي تقريبا وتكيفنا مع الوضع بقدر المستطاع .. اما بقية الرحله فكانت بين الديوان والفيلا وكانت الاجمل.

ثالثا اوقات العصاري وما قبل السهر
هذي الاوقات كنا نقضيها بين قيليز وساحة الفناء والمول الجديد ناسي اسمه بس على شارع محمد السادس وبعض الكافيهات والف ليله وليله للشيشه الطيبه الي عنده والاجمل على الاطلاق قصر النخيل جوه حلو ووضعه طيبيييب وينصح فيه



رابعا اكادير العذبه
عشنا فيها اجمل ايام غير مرتبه ممكن ان تمر على شخص في حياته ولو جيت احكي اخاف ابخس روعتها وحلاها سواء اماكن سهر مثل مخيطو او اماكن دلع مثل خيمة صحارى وما ادراك ما خيمة صحارى او سكاي واجمل شيشه ولقاءات واحلى روقان بالنهار واعظم جو لمحبي الكوره ومن حظنا الطيب اننا حظرنا الكلاسكو البرشا والريال فيه وكان اكثر من ابداع .. بالمختصر اكادير تحس ولا تنوصف



هذا ما وددت ان اقوله وحبيت انه يكون دفعه وحده تقديرا لوقتكم الثمين ولحجم انشغالي الكبير في امورى الخاصه

دمتم بود

عفوا فيه خطاء بالتقرير المقصود بالناقل برحلة الذهاب كانت الخطوط المصريه ولا احد يفهم انه الخطوط السعوديه لانها فاخره جدا بالرحلات الدوليه

عفوا فيه نقطه سقطت سهوا في التقرير وهي السياره وقد تم استاجارها من الشمري كار بحدود 300 درهم بعد ان تم الاتصال بالاخ ابو سيرين من السعوديه وتم تنسيق الامر معه ووالله انه كان من اصدق من تعاملت معهم ومن اكثرهم نبلا واحتراما حتى انه ما اخذ غير دفعه من حسابه والباقي خلاه لين اسلم السياره وقت المغادره بعكس كثير من المكاتب الى تدفع قبل لا تحرك كامل مدت العقد وقد واجهته بشكل مباشر في اكادير وعمل معي واجب كبير لا يقل عن قدره في قلبي واعتذر مره اخرى لكم ايه الاخوه وللاخ ابو سيرين عن هذه الغلطه ولاكن كنت اكتب التقرير في الملاحظات ولما جمعته نسيت ملاحظة وسيلة النقل

الحمد لله على السلامه رحله جميله حلقه واحده ماتكفى نريد تفاصيل الرحله كامله
تحياتي

الحمدلله على السلامه
نسيت نقطه السكن في اغادير

يعطيك الصحه

كاكا حمادة
تشرفت بمرورك
والله انك صادق يبغالنا وقت طويل عشان ترجع النفسيه وهذا ما اكرهه بعد كل رحله جميله

والهان
سعدت بتواجدك
ولاكن اعذرني عن ذكر التفاصيل لانها مؤلمة اذا ما تذكرتها واستحضرت الوضع الحالي
دمت بود

ابوحسن
تشرفت بما طرحت
بالنسبه للسكن في اغادير انت وجميع الاخوه يعرف انه محدود الخيارات لذالك ما ذكرتها ولاكن سكنت ليله في فندق اماديل وحسيت انى بمقبره منى بفندق فخرجة منه في اليوم التالي وسكنت في المارينا بقية الايام