هل سبق ان استأجرت سياره في المغرب؟؟ شاركنا تحربتك لتعم الفائده

اخي العزيز المكاتب عندهم نظام اذا استاجرت سيارة وجاء اليوم المحدد للستلام والسيارة مو موجودة يعطونك نفس فئة السيارة اللي حجزتها عندهم او فئه اعلى منها بنفس السعر

تقبل مروري

حقك وانت حر وانا اخوك والله يكتب اجرك
لكن وش شعورك لو جا واحد منا وطاح في هالمكتب وسوو فيه نفس الحركه
اكيد لو دريت راح تنغبن عليه..

ومهما كان الموضوع اللي حصل
لابد ان نقول للمحسن احسنت وللمسيء اسئت بدون مبالغه ولا اجحاف

تحياتي لك ومبروك فوز النصر البارحه

الله يبارك فيك وشكراً على ملاحظاتك ولا عدمناك

السلام عليكم ورحمة الله وبركاته


المكتب :

الشمري كار

٢- المسؤول :

ابو سيرين

٣- السعر باليومية :

350

٤- المدة :

8 ايام

٥- تقييم السيارة من ١٠ :

10

٦- تقييم المكتب من ١٠ :

10

٧- نوع السيارة ( بنزين / ديزل ) :

سكودا ديزل مع سائق

٨- المستندات المطلوبة :

صورة من الرخصة وصورة من الجواز

٩- التأمين على المركبة :

لا يوجد



١٠- التسليم :


لم اواجه اي مشكلة بالتسليم لأني مستأجر السيارة مع سائق .


١١ - التقييم الشامل من ١٠ :


10


ملاحظات :

استأجرت من عندهم سيارة رينو صغيرة بسعر 500 درهم مع السائق ولما وصلت اتضح انهم بدلوا السيارة لكون الرينو تحتاج صيانة بسيارة نوع سكودا هي بالاساس اغلى من الرينو واعطاني السيارة بنفس سعر الرينو 350 للسيارة و150 للسائق .
كل الشكر للاخ ابو مالك وابو سيرين وابوسارة على حسن تعاملهم .

اشكر الاخ ريان علي حسن تعامله خلال قيامي باستجار سياره لمده17 يوم لقد لقيت حسن التعامل والخدمه السريعه ولقد حضر احد اصدقائي ويرغب في استيجار سياره واتصلت بالاخ العزيز ريان وطلبت منه سياره صغيره النترا وقام بانتظار صديقي بالمطار وقام باعطائه السياره واكتشفت ان صديقي ليس معه فلوس وانا كنت بمراكش
واتصلت بالاخ/ ريان وطلب منه تسليمه السياره وسيتم الدفع عند العوده للمطار والسفر للسعوديه وعلي طول وبسرعه كان رده ابشر ابشر
اليوم رجعت للسعوديه بتاريخ 17 ديسمبر وحبيت ان اقوم بشكره

المكتب الذي اقصده مكتب ريان ابو ياسين لتاجير السيارات

ممكن نعرف شنو الأحصنه ؟

يستحق الاخ ريان ابو ياسين كل خير موقف يشكر عليه ويدل على شهامة وطيبة الرجل الله يوفق الجميع

اخوي بكتب لك تجربتي بالسفرة إلى راحت
استأجرت النترا 2015 لمده 7 أيام السعر كان 3200 مامنه وعداد مفنوح عندهم
طبعا عني نفسي قد جربت التاكسي وقد جربت السيارة اجأر معك سيارة يعني أنت حر التاكسي يلطعك يقول لك 5 دقايق يعني ساعة تحصله عنده ألف زبون غيرك
طبعا اذا استأجرت لا تأخذ سواق أنت سوق بنفسك إنا عن نفسي ما اعرف الطرق ولا ادري وين أروح بس شغلت خرائط قوقل وين ما تبغي توديك ولا راح تضيع
المخالفات عندهم هناك مخالفه بسيطة 300 درهم متوسطه 500 درهم مخالفه خطيرة 700 واحتمال فيها جنحه (مثل التوقيف عندنا)
أنصحك تقرا نظام السير عندهم وتطبعه وتخليه معك علشان إذا الدرك صرف لك بنظام من رأسه تدخلها بعينه
اغلب شئ أشوف الشباب يتكلمون عنه الدوارات عندهم ترى مافيها تعقيد بس إحنا مو متعودين ع النظام هههه يعني اذا بتدخل للدور الافضليه لمن بداخل الدوار اذا كنت واقف إمام إشارة وولعت خضراء وتبغى تلف يسار يجيك خط ابيض بعدين ينقطع اذا انقطع تقدر تلف اذا دخلت على الخط مخالفه.

طبعا كل دوار تحصل فيه درك واقف اذا شافك خليجي بيصفر لك لا توقف له سوي نفسك ما تشوفه ههههههه
انا يصفرون لي جننوني ولا التفت كني كومار نظامي هههههه
اذا وقفك ما عندك شى ادخله بعينه درهم واحد نصيحه لاتعطيه راح يقول عندك كذا وكذا ومسرع ومسوي قول مالك شى عندي تبغى توقيف مشيت معك وراح يرجع بكلامه ويفكك طبعا اذا وقفك راح ينزلك ويفتش ويسوي فيها معصب خلك بارد ولا تعطيه وجهه واذا بدا بلف ويدور ادخل بعينه ولا عليك فيه قول الخشيش ممنوع وانا بيني وبينك السفارة ونصيحة أي شي ممنوع لا تاخذه بسيارتك وإلا راح يأكلونك وان شاء الله تفهمني
إنا مره وقفني ماشي 190 متأخر على الرحلة صادني الرادار واحصل الدرك راكب دباب يبغى يلحقني ههههه واشطفه وأوقف قالي هذي فيها جنحه ولازم محكمه قاعد يخربط تبغاني افكك ب2000 درهم ضحكت بوجهه قلت ودني التوقيف ويرجع ينقص الين وصلها 400 درهم اعطيته ومشيت
متى تبدأ تعطيه البخشيش مثال كنت مسرع والمخالفة قيمتها 500 اذا طلب منك اقل من 500 درهم هنا تعطيه لانك كذا او كذا انت غلطان أحسن من انك تعطيه 500 اذا زود فوق 500 قول لا هات مخالفه اكتبها لي لا تخليه يستفيد درهم واحد منك .
واي خدمه احنا حاضرين

بالتوفيق للجميع