الروز قادن او النخيل
السلام عليكم
اخباركم ان شاء الله بخير وش الافضل من حيث الامان والنظافه وكل شي نعتبره تصويت كل واحد يصوت لمنتجع عجبه بحكم تجربته |
انا اشوف الروزقاردن امان وحريه
|
منتجع برستيجيا عن طريق وكالة النعمة
|
شكراً لكم ننتظر تجارب باقي الاعضاء
|
بالترتيب
برستيجيا منوار النخيل النخيل الروز قاردن |
الروز كاردن امان ١٠٠/١٠٠بالنسبة للنضافة٨٠/١٠٠
|
وﻻ واحد منها زين استغﻻل ورغع في الاسعار
|
اذا انت استفسارك بين النخيل والروز
الروز اريح بسبب عدم المظايقات لانه بوابة وحده اما النخيل ف البوبات كثيرة وفيه سكان مقيمين وعلى حسب المكان والبوابه |
اقتباس:
هل سبق وسكنته في كل هذ الاماكن؟ |
اقتباس:
طيب اذا تعرف افضل شي افضل فياليت تذكره للفائده |
انا جربت الاثنين اكثر من مرة
من ناحية الامان كلها امان ولكن كل واحد فيه ايجابيات وسلبيات ابدأ بالروز حلو وفيها جلسه على المسبح رايقة ولاحد يسالك تاخذ راحتك بالصوت بس عيبه غالي والنظافة لك عليه و الفلل ماتتنظف يومياً وتسليم الفله اذا وصلت في الاجازاة يكون صعب واحياناً يسحبون عليك يوما كامل لان عليه زحمة اما النخيل سعره معقول خصوصاً اذا حجزت شقة من المؤيد اما اذا تبي فله فهو غالي نفس الروز وفيه شغاله ساكنه عندك والنظافة ممتازة فيه ويشغلونك البوابين احياناً في الصوت |
النخيل اكيد أفضل من الروز من ناحية النظافة والخصوصيه والخدمات المتوفرة في المنتجع مثل سوبرماركت ومقهى شيشة وحمام و حلاق وصرف عملات وصراف ومكتب حجوزات طيران
|
اقتباس:
وصارت مشاكل معاهم ولا يخفى انه بالقرب منه مقبره بالنسبه ل برستيجيا سكنت عن طريق شخص لمدة يومين لاني كنت حاجز فيلا خاصه بتاركه واضطريت اخذ يومين لحين بداية حجزي بالفيلا جميع ماكتب واذكر من تجارب شخصيه وليس نقلاً عن احد |
اقتباس:
بالضبط ياعزوز. محتاجين تجارب شخصية وليس رأي مبنئ علئ تجارب الأخرين اتمنئ ان تكون متفهم لوجهة نظري. وماقصرت ياغالي علئ التوضيح |
بالنسبه لروز انا ساكن فيه مرتين وكنت صراحه مرتاح فيه واليوم وحاجز فيه الخميس وتوي محولهم المبلغ
|
النخيل. النخيل. ياصاحبي وانت مغمض. انا اسبوع الجاي. حاجز. وخالص
|
بإذن الله راح احجز في النخير ارى اغلب الاعضاء يرشحون النخيل وسألت صديق مغربي ومدح لي النخيل ؛؛ شكراً من القلب ومن لديه اضافه فليضيف لتعم الفائده
|
والله يا الربع انا ارشح النخيل رغم غلاء الأسعار
لكن البوابين تغيرت معاملتهم مع الجميع ما عاد فيه شي اسمه بخشيش إلا اذا بتعطي بمزاجك بالنسبة للنظافة الشغالة متواجدة 24 ساعة في الشقة تنظف وتطبخ وتغسل الملابس بعد كذلك قربة من مراكش منوار النخيل زرت اصحابي فيه الفلل فخمة جداً لكن طريقة لك عليه وحاطين كلاب وانتوا بالكرامة عند البوابة وتزعجك بالنباح المستمر في الليل الروز ما سكنت فيه بس رحت له وبعيد عن البلد وبين مزارع ومقابر لقرية والطريق زراعي وحالة مزرية لان بعض الساكنين يقولون وعلى ذمتهم ما فيه اهتمام بالنظافة الباقي والله ما سكنت فيها وانا مرتاح جداً في النخيل والناس أذواق |
النخيل الدرقاوي و بدون منازع
|
من واقع تجارب شخصيه كثيره كل منتجع له مميزات وسلبيات النخيل الشقق فيه حلوه والشغالات محترفات بالطبخ والاثاث يختلف من شقه لشقه انت وحظك السلبيات انه اذا سكنت جنب ملاك للشقق يزعجونك وكل شوي السيكورتي جايك خصوصا اذا تسهر بالشقه وايضا السيكورتي علي البوابات كل شوي يبي بخشبش اذا ما تدفع ممكن يبعص جوك ولا يدخل ضيوفك اما بالنسبه للروز مو ذاك البعد عن النخيل بالنسبه لحسبة المسافه ثانيا بوابته وحده وتدخل ضيفك عادي اذا مو بلاك ليست والحلو فيه جو الحميميه وتقدر تقعد علي بس الحين شتا ثانيا الموسيقي تقدر تجيب سماعات ديسكو السيلفر وتشغل محد صوبك اما بالنسبه للتنظيف ترجع للشخص نفسه اذا شاف تقصير منهم يكلم اي احد بالاداره وعلي طول يجونك انا شخصيا ارتاح بالروز وتحياتي للجميع
|
يا شباب انا اول مره الروح المغرب مسافر مراكش لوحدي بعد اسبوع وحجزت في النخيل ابي نصايحكم طبعا الفلوس كيف اخذها كاش ومن وين احول وايش الطريقه وكذا وين افضل سكن اي بوابه
|
الفلوس ممكن تحولها من المطار
او تسحب بالصراف الأمور بسيطة ولا تشيل همها وبالنسبة للنخيل خذ بوابة ١٠ |
مع احترامي للمزاعيط
لا تاخذ كلام احد روح وجرب بنفسك اخذها بالدور احجز فالاول يومين اذا جاز لك مدد ولاتحاول تغير اذا مانفع اللي بعده ويومين المهم اللي تحس انك ارتحت فيه واصل لاتغير وفيه نقطه مهمه لا تدفع اكثر من يومين انتبه تدفع اكثر منها وتتوهق ترا مايردون لك الفلوس ويدعوجون عليك المزاعيط يشتتونك كل مكان عندهم اخذ حقه مدح وسب ولاتدري من تتبع وفي مين تثق |
خذ لك مبلغ كاش بسيط واصرفه من المطار تمشي به امورك حتى توصل مراكش وبعدها اسحب من الصراف
والسكن في النخيل او الروز أو أي منتجع أمان رحلة سعيدة إن شاء الله |
حصلت في المخيل بوابه واحد ايش رايكم فيها رقم عشره كلها فل
|
ي حلوين انا من زمان عن النخيل وابي اسأل البوابه الي جنب مكتب الدرقاوي كم رقمها ؟؟ انا تلخبطت الارقام عندي هههههههههه
|
اقتباس:
بوابة 10 ياصديقي |
اخ خالدوف نصيحه اذا انت رجال تحب الوناسه والطيور وفلة الحجاج انحش عن بوابه ١ فيها سكان لهم شقق ملك ويزعجونك علي اي شي يطقون الباب عليك كل شوي علي اتفه سبب بس يبون يزعجونك ثانيا السيكورتي اللي علي بوابه واحد من اتعس ناس نصيحتي لك غير شوف بوابه ١٠ او ٣ او ٤ او ٥ لو يعطونك بوابه ١ بنص القيمه لا تاخذها وهالشي عن واقع تجربه فعليه لي وتحياتي لك
|
على خبري النخيل اللي تبع مكتب الدرقاوي الامور سهالات اذا كانت فيلا اما الشقق فيها مضايقات
|
رحلة موفقة ان شاء الله
|
بوابة رقم 1
حلوه وهاديه صحيح اكثر الساكنين ملاك بس اذا راعي ترفع الموسيقى عالي ممكن ينشبونك يقولون قصر الصوت والخ لكن بوابين البوابة رقم 1 محترمين ومتعاونين |
مشكور يالغالي على المعلومة بس كم سعر برستيجيا
|
الساعة الآن 08:30 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط