خوافين

اشوف انها راجعه لشخصية الواحد لو كان مهزوز ف يبشر بالنتف من كل صوب ولو كانت شخصيته قويه محد يقربه من الاساس وبالنسبه للخطأ الحل الوحيد انك تناحلهم لاخر نفس وخلك ماشي بقاعدة انا مو غلطان وقبل كل هالكلام حاول انك تبتعد عن المشاكل الاساسيه زي انك تمشي مع طيرك في مكان عام ولا يركب معاك في السيارة ولا تسوق وانته مخمور ولا مبوق او تسكن في مكان مشبوه واهم نقطة لاتسوي نفسك فلاوي ولا اجتماعي وخفيف دم خلص اشغالك وسير في حالك

الي يقول ماقد شفت مضايقات في المغرب

نبدا ونقول بسم الله

المطار؟؟
ماقد احد طلب منك اكراميه لانك خليجي وتشوف اجنبي في اللاين اللي جنبك ماحد قال له محلا الكحل في عينك

الشحاذين في الشوارع

مجرد انك تهرج تسمع دبيكهم من كل جهه الله يستر عليهم ماندري من الصادق فيهم ومن الكذاب بس تعلمنا ان المحتاج عفيف حتى لو طلب يطلب بانكسار مو يمشي وراك مشوار ٢٠٠ متر موانع


الدرك وقوات الامن

ماقد وقفت لمجرد مراقبة الاوراق على قولتهم ؟؟
طبعا ماهيب مراقبة الاوراق يابوالذيب الي وقفوك عشانها ولكن بوهتك اللي مكتوب عليها الصمان ٥٠ كيلو


طيب الاسباب
عالم تحرق فلوسها بالرش والهياط وتدفع في الشي اضعاف قيمته

سفاراتنا الضعيفه رغم اننا اولى بالمعامله الحسنه من الاجنبي لعدة اعتبارات

الحل في ايدينا احنى كجيل شاب وواعي . افهم النظام وافهم كيف تتحايل على النظام وامش قدام الناس نظيف والي في الخفى الله اعلم به

هههههه شغلك عدل والله

السالفة يا اخوان مو خوف..
والمعروف ان الشعب الخليج شعب منسم ولا همه أحد .
بس مشكلتنا مع الإخوان وحبايبنا المغاربة معروفه وسهله
وهي ان حنا الخليجيين الوحيدين الي نعطي اكراميات للي يستاهل والي ما يستاهل
عكس الأوربيين وليبيين

والدليل اول ما توصل يشوف جوازك يقوم يفتح شنطتك ويفتش جيوبك تقول مهرب شي ، وانت راجع بلدك والله يفتش حتى اباطك عشان بشوف باقي معك دراهم واذا ما حصل اعطك ذيك النظرة

سبب الخوف يا صديقي واضح ولا يحتاج سؤال وهو يعود للهدف من هذه السياحه اذا كانت للتمتع بالاجواء والاثار والترفيه البرئ والتعرف على المغرب فلن يكون هناك اي خوف من اي مخلوق الا الخوف من الله لكن في الغالب السياحه ليليه ومتطلباتها معروفه ولذلك يكون السايح في الجانب الخطأ وفي الموقف الاضعف ولذا لايكون له الا المهادنه وتسليك الامور بالفلوس لان كل المباحات في المغرب تنقلب الى محرمات اذا حدثت مشكله وبالتالي يتم تكييف القانون ضد السائح حسب المزاج ولا احتاج الى الخوض في المزيد من التفاصيل في معروفه واحسن شي رفع شعار يا غريب خلك اديب

والله انك جبتها في الصميم

اتفق معك تماما فعلا جبتها بالصميم وهذا السبب الحقيقي للاستغلال
تحياتي

السياحة أدب ولن يتعدى عليك احد ما دمت تحت سقف القانون

ولك خالص التحيه اخي الفجر البعيد

بصراحه انا ماشفت كثير من الأمور اللي ذكرتوها
صح فيه بعض المضايقات وغالبا تكون في وقت انت تكون في وضع مايسمح لك بتكثير الكلام

وجهة نظري في الأماكن العامه اترك عنك الاستهبال والاستخفاف تمشى
وخلك بالمعنى الصحيح ((ثقيل))
مالك شغل بغيرك وحتى اللي يكلمك سو نفسك أطرش
وروح بحالك

اذكر موقف بالمطار جلس يكثر كلام يسأل يعني معاك دراهم وووو. والهدف دراهم
وبيني وبينكم كنت بعطيه بس لما طلب الشنطه قلت خله ياخذ راحته يفتش ولايشوف درهم واحد والوضع طبيعي جداً

والنقاش الكثير مو زين سو نفسك مو فاهم شي

جوك خذه بمكانك
وافهم اللي لك واللي عليك

اما بالنسبه للعامه انا ماشفت اي مضايقات والشعب المغربي شعب طيب وماهو استفزازي كل واحد بحاله