زيارة قريبة لمراكش الحمراء
بسم الله الرحمن الرحيم شحالكم يالربع وعساكم طيبين ,, وكيف الاجواء الشتوية معاكم بتكون لي سفرة باذن الله قريبة للمغرب الحبيب يعني احتمال في نهاية فبراير باذن الله الحمدلله لحقنا العرض المميز من الخطوط القطرية , احجز تذكرتين على درجة رجال الاعمال بسعر تذكرة واحدة ,, سعر التذكرتين في العرض تقريبا 17 الف ريال قطري ,, يعني التذكره الوحده تكون 8500 ريال ولكن في حال اشتريت فقط تذكرة وحدة , بيكون سعر التذكرة الفردية 16 الف ريال قطري .. يعني عرض ولا اروع وفي حال شراء تذكرة على الدرجة السياحية في هذا العرض تحصل على خصم 40% من سعر التذكرة السياحية ------------------ والله الموفق ------------------ تجهيزاتي في الوقت الحالي شبه مكتملة الحمدلله , من ناحية التذاكر جاهزة , من ناحية السكن متوفر فيلا خاصة ولله الحمد , من ناحية المواصلات السيارة الخاصة بدون سائق الى الان متابع العروض ولكن ماوصلنا للعرض المناسب حددت الطلب على رنج سبورت 2015 افضل سعر الى الان لقيته هو 2100 درهم مغربي في اليوم (بدون سائق) ولازلت في انتظار عروض افضل لان المدة بتكون مابين 10 الى 25 يوم في مراكش ,, ------------------ والله الموفق ------------------ الشباب اللي موجودين حاليا في مراكش ,, شنو هي اخر التطورات والتغييرات حاليا افيدونا بارك الله فيكم الاجواء بالنهار كيف وبالليل كيف بالضبط صايرة ؟ الاماكن الجديدة بشكل عام هل من جديد والا ؟ توقعاتكم للازدحام في فبراير هل من تحديثات والا الاجواء هادية وركود .. ------------------ والله الموفق لنا ولكم واتمنى لكم يوم سعيد ------------------ |
اقتباس:
صيده حلوه لعرض الخطوط القطريه [emoji106] |
عرض رائع من القطريه
طبعا انت رايح في وقت يكون بارد بالليل وبالنهار لكن بالليل يلزمكم ملابس اثقل مافي زحمه في فبراير واموركم سهالات انشاء الله،، وسفره سعيده وفي رعاية الله |
زيارة قريبة لمراكش الحمراء
السعر غالي مرررره
الخطوط السعوديه درجة الاعمال ب٦٠٠٠ تقريبا ودرجة اولى تقريباً ب١٣٠٠٠ ودايركت |
أنا خذيت رنج (ايفوك) قبل رأس السنه بيومين لمده شهر ب1200 درهم مع السواق من الرباط، ولازلت بالرباط نازل مراكش هاليومين، إذا حبيت اعطيك رقمهم تواصل معي، من ناحيه عرض الخطوط اشوفه عادي لأن حجزي ع خطوط السعودية درجه بزنس، خذيتها ب6الاف ذهاب وعوده، أخيراً اتمنى لك سفره ممتعه.
|
سيارة وسواق بمراكش رهن الاشارة هيونداي h1
|
بارك الله فيكم ياشباب وماقصرتو
بالنسبه للسياره الرنج سبورت هي المطلوب ان شاء الله بالنسبه لسعر الخطوط القطريه السبب اني مباشرة من قطر الى كازا دايركت لكن السعوديه تاخذني من قطر وترانزيت السعوديه ونكمل على كازا يعني مشوار طويل بالنسبه لي وبالنسبه للخطوط القطريه برحلات المغرب مافيها غير رجال اعمال وسياحيه مافيه اولى وذلك لانها الطيارات الجديده الكبيره اللي درجة رجال الاعمال اكبر من الاولى في الطائرات الاخرى من ناحية السعر للخطوط القطريه اقل سعر درجة رجال الاعمال لقيته في احد السفرات كان بحدود 12 الف ريال للشخص طبعا عموما معروف هذا الشي اي شركة طيران تعمل عروض اكيد ماراح تكون خسرانه بالعرض ههههههه يطلعون ارباحهم بشتى الطرق |
الان غالبيه خطوط الطيران تعمل عروضات فترة ركود
|
وانت صادق يالصادق
|
السلام عليكم
شباب استفسار انا رحلتي ١٠ فبراير ايش افضل سكن في مراكش سعر معقول وضع الضيوف يكون عادي احنا اثنين |
الساعة الآن 06:21 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط