سلام والمركب عليه اثنين والساعه

سلام ✋والمركب عليه اثنين والساعه تدور

طخة بالراس المغرب قبل شهر واجرينا الاتصالت ع الاصحاب وكلن تعذر الي يقول مرتبط والي ماعنده اجازه والي يقول اجل السفريه .
قفلت معي الاخلاق ولا وعيت الا وانا عند مكتب الخطوط وحجزت ع الخطوط القطرية يوم 6 نوفمبر والعوده 16 نوفمبر ب 2785ريال وبديت اخذ معلومات من المغرب لاني اول مره بجيها ولحالي واستفد من المنتدى في بعض الامور جاء قبل رحلتي بيومين وقابل واحد من اخوياي لي منه فتره طويله وسواليف تجر سواليف قال ياولد ماودك نسافر هنا سويت نفسي دخل بشوف الرجال هو صامل ولا قلت وين تبينا نروح قال الي ودددك واذا تسمع الشور خلنا نطلع للمغرب هنا مربط الفرس قلت والي يقولك رحلته بعد يومين ورايح وحداني عطاني نظرة الحاقد قال من جدك قلت اي والله قال افا ونا ابو...... تسافر لحالك ونرجع لصاحبنا مكتب الخطوط قال شف لي حجز في نفس الطياره قلب الموظف لقا حجز بس صاحبي مايبغى ترازيت يبغى ع طول الرياض كازا الغيت تذكرتي القطريه وحزنا ع الخطوط السعودية 3200 للشخص ويوم 5 نوفمبر الذهاب والعوده يوم 12 نوفمبر ناخذ تريحه وراجعلكم تفاصيل السكن والسياره

سفره سعيده
ولا تبطي علينا

سفره سعيده وموفقه

دامها جت كذا بالصدف اتوقعها جميله

بداية رائعة

وينطبع عليك شطر القصيد اللي يقول

"" مع صاحبٍ من حيث ما رحت وجهه ""

باتوفيق

ياعيني على الصمله ..

بالتوفييييييق & رحله سعيده

__________________
كلآم الناس بالنسبة لي ،، مكآلمة لم يتم الرد عليهآ ..!!!

الحمد لله على السلامة

مرحبا ..

حمدلله على السلامه .. وسفره سعيده

تحياتي ..

هههههه وعزاه استانست

حجز مقعد بالصف الاول