جديد على المغرب... الرجاء المساعدة

السلام عليكم بما انك جديد علي المغرب اعتقد انه مراكش خيار ممتاز والروز قاردن خيار جيد ايضا بالنسبه للسكن واذا بتاخذ سايق مع السياره انا ارشح لك سايق رجل امين ومحترم ولا نزكي علي الله احد لكن من واقع تجربه خمس سنين وسعره ٥٠٠ مع السياره واذا تبي تواصل معه وكلمني وبالخدمه طال عمرك وتسفره سعيده

لو تبغا النصيحة يا ابن عمي المدة قليلة صدقني لو تقسمها على مدينتين احتمال كبير مارح تستانس خليك في مدينة واحدة احسن لك و خليك على مراكش لا منا و لا منا من المطار على مراكش و من مراكش على المطار
بالنسبة للسكن انا افضل الدرقاوي على الروز لانه فيه كل اللي احتاجه يعني سوبر ماركت و صراف عملة و ماكينة سحب الي و مطاعم و حمام مغربي و حلاق و وكالة ناجير سيارات يعني كل اللي تحتاجه و السعر 2174 بالشغالة بس اختار البوابة 2 او 3 او 4 او 10 هذا من ناحية السكن اما من ناحية السيارة فنصيحتي لك اشتري لك جهاز جارمن جي بي اس من السعودية بتحصله 700 ريال او اقل و من دار موجة او فيه مسوقين على النت يبيعونه و خذه معاك و استاجر لك سيارة و سوق بنفسك اريح لك و اوفر لك و احسن لك و اذا الا تبغا سواق اعتقد ان الدرقاوي ممكن يوفرو لك سواق من المطار للمطار حتى لو ما عجبك السواق او تملعن عليك الوكالة جنبك يغيروه لك هو
الاماكن السياحية زي ما قالو الاخوان ستي فاطمة اوريكا ساحة الفنا
و بالنسبة للميزانية بتكفيك ان شالله و تزيد لا تشيل هم بس لا تزودها يعني سهر كل ليلة في مكان و طاولة على البست و تنقيط اكيد ما حتكفيك ثلاثة ايام
و بالنسبة للحمام المغربي النخيل فيه حمام ممتاز حلو و فخم و يعنبر خمس نجوم و فيه واحد في جليز خلف ماكدونالدز برضه ممتاز جدا و الاثنين اسعارهم غالية شوية يعني حمام مع مساج 800 الى 1000 درهم
هذا راي و ان فيه تعارض مع بعض الاخوة الاعضاء فمرد ذلك انه لولا اختلاف الاذواق لبارت السلع
تحياتي للجميع

انا من سكان لندن مره قلت وتحديت الكل مراكش واغادير اغلي من لندن ونيويورك كنت رحت فيها من الطق من الاعضاء فعلا اخي في السكن الخاص بالخليجيين ومطاعمهم واماكن السهر الخاصه فيهم اصبحت خارج مجال العقل تبي المغرب الحقيقي فهو مختلف عن ليل وسهره وعصير وطير يعني من الاخر اذا كنت رايح سياحة ليل راح تصرف اكثر من اللي حاطه ببالك وكثير بعد

__________________
ان تكون مجنونا في ارض الجنون خير من ان تكون العاقل الاوحد

كثر خيركم وجميع الاراء مفيده وكفيتو ووفيتو وانا الحين قاعد اعيد الحسابات كلها يا اكون او لا اكون مع الرحله ذي ههههه ولو سافرت شكلي بسكن بشقة بقليز لان الروز سعره مبالغ فيه وانا انسان رايق مالي لا في التنقيط ولا الجو العربي يعني بروح غربي ولازم ازور المقاهي واتفرج على القصص الخيالية اللي نسمعها عن المغرب...جوي تماشي وسهر رايق مو سماعات وصوت عالي وازعاج لا شغلي كله رايق وخويي نفس الشي...اااه يالندن علامه وكيف حاله بس ههههه