أبي مساعدتكم في بعض النقاط يامزاعيط

السلام عليكم ورحمه الله وبركاته

هذا أول موضوع لي وبحكم سفرتي للمغرب حبيت اعرف وش لي وعلي ودخلت المنتدي من تقريبا 3 شهور واجلس اقرا المواضيع الجديد والارشيف لين صرت اعرف المغرب اكثر من اللي زاروها وكله بفضل الله ثم بفضل خبرات ونصائح الشباب المتواجدين في المنتدى

أنا وصاحبي حجزنا علي الطريقة بشهر 3 هجري الماضي بسعر 2740 مسترجعه على الخطوط القطرية
الذهاب أن شاء الله بتاريخ 11/4/2016 والاياب بتاريخ 25/4/2016

الاقلاع بيكون من الكويت - الدوحه - كازا
الاقلاع الساعه تقريبا 4 صباحا وانتظار ساعه و15 دقيقه والوصول بأذن الله 1 الظهر كازا حسب جدول الحجز


بعطيكم جدولي اللي اقترحته علي صاحبي اللي نشف ريقي :maroc (1174):

القطه= 30.000 ريال كل واحد 15.000

شامله سهر أكل شرب سكن أيجار سيارة

تم الاتفاق مع أبو سيرين (( مكتب الشمري كار )) علي سيارة فولكس باسات ديزل طبعا وموديل السنه وتأمين شامل ولمده 14 يوم طبعا مع سائق السياره باليوم / 600 درهم والسائق / 300 درهم

أول ما أوصل أن شاء الله بأخذ السياره وعلي أغادير وتم الاتفاق مبديئا مع الاستاذ محمد عاطي بالحجز في شقه غرفتين في أطلس مارينا 2650 شامله الضريبه لليوم الواحد
لمده 4 أيام الخروج من أغادير بتاريخ 15/4/2016 والعودة لمراكش

مراكش انا ابي احجز في منوار النخيل وصاحبي يبي النخيل الدرقاوي وازعجني بكلمة أهم شيي الأمان الأمان
طبعا من بعد الله سبحانه وتعالى ثم بفضل الأعضاء هنا عرفت جدول أغادير ومراكش بس عندي أسئلة وأتمني أحصل الاجابات لها

الأسئلة

السفره 14 يوم هل 30.000 تكفي ؟؟

اماكن السهر محددها اللي في مراكش والقائمه دبليو الجديد و كاش و 555 و تياترو و سلفر و لاونج سو أذا أحد الاعضاء يعرف شيئ كويس زيهم وبعيد عن الرش والشيلات ؟؟

أبي أماكن سهر أجنبي أو زي كاش في أغادير ؟؟

أبي سلبيات وأيجابيات النخيل و منوار النخيل ؟؟

ومن ناحية الحمام المغربي أخترت الاثنين اللي كاتبهم واذا أحد يعرف شيئ أفضل منهم ينورنا:bye1:
في مراكش أخترت Hammam de la Rose
وفي أغادير حمام ميزي ارقان Musée de l’Argan ؟؟

من ناحية الفلوس أنا ابي اصرف كامل المبلغ 30.000 في مطار كازا وصاحبي يقول لا أصرف بس 25.000 بس وأنتم وشرايكم يامزاعيط ؟؟



أعتذر على الأطاله

اول شي ماتحتاج سايق بالمغرب ابد

لو كنت ماتعرف الطرق جيب معك جي بي اس من بلدك ورووح لدار موجه قله نزل خرايط المغرب محدثه اخر اصدار

بالنسبه لا اغادير ومراكش السهر مااعرف فيه شي بس خذها قاعده اي محل فيه عرب بتلقى في رش وتنقيط وممكن تلقى فرع لا ام رقيبه بمكان السهر بعد
خلك بالاجنبي تريح راسك محد يستغلك

اذكر مره رحت محل سهر شعبي بمزيويقه 500 درهم ومعه العصير وطاوله 5 اشخاص وانا زدتها من عندي بعد ولا هو ماطلب 500
روح المحلات الشعبيه او الاجنبي


الحمام المغربي تلقاه بكل حي وحاره روح لا اي واحد فيهم لا شفتهم بنات لا تسوي مساج
ياكبيره بالسن او شاب غيرهم لا تسوي مساج

بعد ماتخلص الجوازات والجمارك في صرافين قبل ماتطلع اصرف من عندهم وفك حساب وفاء وخل معك جزء كاش والباقي تسحب بالصراف الحد اليومي 6000 للسحب
ميزانيتك تكفي لو تبعد عن مراقص ام رقيبه والطاولات

يعطيك العافيه على الاجابات

الخرائط عندي وأستعملها وعندي برنامج يشتغل بدون نت بس اللي جبرني علي موضوع السائق صاحبي يقول ما ابي اسوق هههههههه وانا من النوع اللي اشرب وعن القروشه قلت اجيب سائق واريح راسي

سالفه ربع أم رقيبه ما اطيقهم وانا رائي الشخصي اللي بمرقص ويحط شيلات وأهداءات ذا مريض وعنده ضعف بالشخصية ههههههههه

وانا أصلا دايما اسهر في الاجنبي برا السعودية او عربي نظام كاش غيرو انسي الموضوع اسهر :31:

بخصوص الحمام انا ابي شيي نظيف وراقي وشامل مساج وجسم وبشره الوجه فهمت علي يالغالي اما موضوع البنات والخرابيط ذي ماتهمني ولا ادورها بالاماكن ذي .

وشكلي بفتح حساب زي كلامك

وتسلم ماقصرت وبيض الله وجهك

انا راح اتكلم عن موضوع الفلوس ولو نحسبها نشوف الفلوس تكفي أو لا وطبعا الحسبة راح تكون للحد الاعلى علشان الواحد لما يسافر يكون مرتاح ماديا

المدة 14 يوم
السكن: 2000 * 14 = 28000
السيارة: 900 * 14 = 13000 تقريبا
السهر : 2000 * 14 = 28000
الأكل : تقريبا يكلف 4000 (طبعا انا اتكلم عن الاغراض اللي تشتريها من مرجان او ما شابه وما حسبت حساب اذا بتاكلون في مطعم)

أصبح الاجمالي 73000 الف درهم وحنا طيبين وراح نجبر الرقم ونقووول مجازا ان الاجمالي

75000 الف درهم
معناته كل واحد يقط تقريبا 33000 الف درهم

و15000 ريال تساوي تقريبا 39000 درهم

اصبح المتبقى لكل واحد منكم 6000 درهم واعتقد هالمبلغ ما هو كافي للشخص اذا حاب انه يكمل سفرته بطيور تفتح النفس

وجهة نظري والامر راجع لكم، أحد الحلين

يا تزيدون المبلغ

يا تقللون المدة

زيدو الماديه شوي و استمتعو ..

انت بصراحه ماقصرت جدولك ممتاز ماخليت شي ابد ..

استفدت من كل موضوع و كل كلمه انقالت بالمنتدى ..

نصيحه اولى ( غير سيارتك خلها اصغر شي و ارخص شي ) بالنهايه ماراح تسوقون و اللي يسوق السواق ماله داعي يترزز عليها الجلب ..

السكن خلكم بالروز و شغلكم مرتب ..
و اذا هادين ماتحبون الازعاج و اللجه حيل اخذو شقه بمحمد السادس او كليز ..

و بالتوفيق

السلام عليكم كلام اخوي اكس صحيح بالنسبه للميزانيه اذا ١٤ يوم وتبي تنبسط زيدها شوي هذا اذا انت تسحب السهر دايم بس ممكن تقل معاك المصاريف اذا سهرتك اعلبها بالسكن حقك اما بالنسبه للسياره والسواق تقدر اوفر فيه سواقين مع سيارته ب ٥٠٠ درهم ومعك ٢٤ ساعه ونصيحتي لك اخوي السواق لا تلخذه الا اذا كنت في مراكش فقط اغادير منت محتاج سواق التكاسي رخيصه ومتوفره والمدينه صغيره راح توفر يعني من كازا احجز طيران داخلي لاغادير واذا جيت بتروح لمراكش اتفق مع سواق ب ٥٠٠ درهم معك دايما واذا تبي سواق محترم وامين راسلني وبالخدمه طال عمرك وسفره سعيده

ب التوفيق ي زيزو

اتمنى لك رحله مليئه ب المفاجآت الساره

ابراهيم هي وحده من ثنتين

يا انك فعلاً تطامر من موضوع لموضوع .. او ان فيه 22 واحد اسمه ابراهيم العنزي ️

بالتوفيق

__________________
رحم الله ابي 0000واسكنه الفردوس الاعلى