عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree1Likes

إضافة رد
 الصورة الرمزية ابومحمد الجنوبي
مزعوط مميز
المشاركات: 297
تاريخ التسجيل: Feb 2016
ابومحمد الجنوبي غير متواجد حالياً  
قديم 2016-02-11, 01:37 PM
  المشاركه #1
رحلتي الى مراكش - اكادير ( 10-2015 )

بسم الله الرحمن الرحيم ..

من الفضاوه و من باب تبادل الخبرات حبيت اكتب لكم رحلتي بين مراكش و اكادير ..

رحلتي كانت على الخطوط الاماراتيه .. كويت - دبي - كازا على الدرجه السياحيه بسعر ١٩٥ دينار ..

بدت الرحله من مطار الكويت المزري و تأخرت طيارتنا و لما وصلنا دبي قالو راحت عليكم الطياره !

نعوضكم بفندق ليله و بكره الصبح تطيرون !

لااا و الف لااا .. ماقصيت تذاكر عشان انطر يوم يحترق من سفرتي !

المهم اصريت اني اروح بنفس اليوم قالو خلاص عندنا رحله للجزائر و نحولك على الخطوط المغربيه من هناك و شنطك نحاول نشحنها لان باقي اقل من ساعه و المطار كبير !

ركض الله وكيلكم للبوابه حتى الدخان مادخنت من الركض .

ركبنا الطياره و كانت كئيبه شوي و فاضيه و حتى المضيفين مالهم مزاج مدري منو مهاوشهم ولا غاصبهم ع الرحله !

وصلنا مطار الجزائر و كان باستقبالنا موظف من الاماراتيه عشان يخلص اوراقنا و يوصلنا البوابه .

اغرب مطارات العالم مطار الجزائر .. تخيل تطلع من طيارتك و تروح تختم دخول للبلد و انت ترانزيت بس ! و تعبي بيانات و حالتك حاله و لما تختم ماتتعدا البوابه للدخول للجزائر بالعكس ترجع للمطار مره ثانيه تدور بوابتك !!

السوق الحره لا تقبل اي عمله غير العمله الجزائريه ولا تقبل فيزا او ماستر او اي بطاقه اخرى الا جزائريه !

المطار مافيه اي تلفونات ولا واي فاي ..

مطار كئيب من شتى النواحي و سيء الى اخر مدى ..

ركبنا الطياره للخطوط المغربيه .. طبعا تفتيش ٥ مرات .. واحد قبل البوابه و اربعه داخل ممر الطياره كل شوي واحد يفتشك مايبون اكراميات بس يفتشون فضاوه ماعندهم شغل المطار خااااوي !

وصلنا الى كازا بحمد الله بعد ساعتين من الوقت المقرر للوصول لو على رحلتنا الاساسيه ..

طلعت من المطار طبعا باتباع سياسة مااعرف اتكلم مغربي ولا افهم عليكم .. كل شي تسمعه قول شنو شنو شنو سو نفسك بنقالي عزيزي المزعوط ..

عند الجمارك يسأل صاحبي اول مره ؟ قال اي نعم ؟ قال طيب لازم تروح على مكتب المدير يسوي لك دخول بعدين ترجع تمسك الطابور الطويل هذاك لين توصلني ! صاحبي قرب يعطيه اكراميه يبي يخلص منه بس .. قلت انا اوك خلاص عطنا الجوازات ! تلعثم و قال شكلك رجال طيب و راح اخدمك مابيك تتبهذل ! و ختم و مشينا
رد مع اقتباس
مزعوط برونزي
المشاركات: 524
تاريخ التسجيل: Nov 2011
الدولة: saudi arabia
إرسال رسالة عبر MSN إلى analyzer
analyzer غير متواجد حالياً  
قديم 2016-02-11, 02:19 PM
  المشاركه #2
سجلني متابع
__________________

Content on this page requires a newer version of Adobe Flash Player.

Get Adobe Flash player

رد مع اقتباس
مزعوط مبتدء
المشاركات: 48
تاريخ التسجيل: Dec 2013
مسجون مراكش غير متواجد حالياً  
قديم 2016-02-11, 02:31 PM
  المشاركه #3
معاك متابع
رد مع اقتباس
 الصورة الرمزية مراكشية doc
مزعوط خبير
المشاركات: 5,757
تاريخ التسجيل: Nov 2015
مراكشية doc غير متواجد حالياً  
قديم 2016-02-11, 02:53 PM
  المشاركه #4
معاكم متابعة....
رد مع اقتباس
مزعوط مميز
المشاركات: 246
تاريخ التسجيل: Dec 2014
trook غير متواجد حالياً  
قديم 2016-02-11, 03:10 PM
  المشاركه #5
و الله مفكر الجزائر مطوره ماتوقعت كذا
متااااابعك ي الذيب
رد مع اقتباس
 الصورة الرمزية Hussam745
مزعوط نشيط
المشاركات: 47
تاريخ التسجيل: Apr 2015
الدولة: Jeddah
Hussam745 غير متواجد حالياً  
قديم 2016-02-11, 04:18 PM
  المشاركه #6
متاااااابع ...
رد مع اقتباس
 الصورة الرمزية مراكشية doc
مزعوط خبير
المشاركات: 5,757
تاريخ التسجيل: Nov 2015
مراكشية doc غير متواجد حالياً  
قديم 2016-02-11, 04:25 PM
  المشاركه #7
اقتباس:
المشاركة الأصلية كتبت بواسطة trook مشاهدة المشاركة
و الله مفكر الجزائر مطوره ماتوقعت كذا
متااااابعك ي الذيب
الله بيعطي الحلق للي بلاودان.....غاز الجزائر يعيشها ملكة لكن للأسف سوء التدبير وتضييع الوقت في النكاية بالجار ..وعدم استغلال السياحة مخليها غير قادرة على التطوير. ..
رد مع اقتباس
 الصورة الرمزية ابومحمد الجنوبي
مزعوط مميز
المشاركات: 297
تاريخ التسجيل: Feb 2016
ابومحمد الجنوبي غير متواجد حالياً  
قديم 2016-02-11, 04:34 PM
  المشاركه #8
باك ..

المهم طلعنا من المطار و سايقنا ينتظرنا على الخطوط الاماراتيه مايدري المسكين بالبهذله اللي صارت ..

طلعنا و من عند الباب و سواقين تكاسي المطار عيونهم علينا و يتبعونا لين ركبنا السياره .. تجمعو على السياره و فتحو الباب ع السواق و بدو شتم و مسبه بدون اي سبب مقنع .. انت حرامي انت تاكسي خارجي شلون تدخل انت بتقطع رزقنا .. حاولت افهمهم ان السياره خاصه و السايق صاحبي مارضو يستوعبون .. غصب تركب مع واحد فينا ولا ماتطلع بالسياره هذي .. سايقك يلقاك بمراكش مو بالمطار ..

بكل بساطه ناديت الشرطه و سحبت على شواربهم و بهذلهم و مصخرهم و طلعنا بمية درهم و هي الاكراميه الوحيده اللي دفعتها بالمطار حتى شناطي شايلها بايدي ..

وصلنا مراكش الحمرا الساعه تقريبا ١٠ بالليل و حاجزين فله ٥ غرف و الشباب واصلين من قبل امس .. طبعا الفله خاصه و معاها مسبح و شغالتين و سايق بسيارته و ديسكو تحت و كل الغرف ماستر و السعر ٤٣٠٠ درهم باليوم ..

سايق الفله كانت مهمته الوحيده جيب الحلوين و ود الحلوين .. شغلته الساعه ٤ الفجر يستقبل و ثاني يوم يودع و كنت اعطيه ١٠٠ لان اصلا حسابه مدفوع مع الفله باكج بس لانه طيوب و محترم ..

المهم وصلنا و الشباب بدال لا يستقبلونا بالاحضان .. سبونا شوي و رزلونا شوي عشان ماباقي ع السهره شي .. و انا اصلا هلكان بس سهره بالمغرب ما اطوف ولا يوم .. لو بطوف قعدت في بيتنا احسن لي .. لا حبيبي عيش يومك كانه اخر يوم بالمغرب ..

رحنا للنرجس و طبعا اسعار طاولاته ( مع بطل ١٦٠٠ ) و ( مع بطلين ٣٢٠٠ ) و ( مع ثلاث بطول لونج فوق ٤٨٠٠ ) و لانها اول سهره و صارلنا اربع شهور عن المغرب اخذنا اللونج بس مع بطل واحد و ٣٢٠٠ خلوها طلبات ..

طبعا مش كل يوم ناخذ طاوله بهالسعر .. بس اول سهره و اخر سهره ..

بالمناسبه لما كنت هناك حضرت افتتاح مرقص كاش مو الديسكو .. اول يوم لهم خذينا طاوله عندهم و جوه زوين و كله بنات النرجس تمشي و تسلم .. طاولاتهم ١٤٠٠ مع بطل .. شغل فنانين و نمره .. طرب ماشي حاله مو ذكرى ولا اصاله بس يمشي حالهم .. طبعا المرقص هذا فوق الديسكو و اصنصير لحاله ..

رجعنا طبعا اول ليله قتلا حرب مافينا اي حيل يذكر .. طحنا نوم من ٤ ونص الى ٢ الظهر .. تغدينا بالفله و يالله على مرجان نتسوق من الفضاوه العصر .. بعدها على الصالون و الصالون طبعا هناك روتين يومي .. الحزه العصر محترقه لازم نحللها شوي .. و بعدها ستاربكس نتقهوى و نضحك على الشباب اللي يسوون نفسهم يغازلون من بعيد و يرقمها كنه قاعد يلحق منقبه
رد مع اقتباس
 الصورة الرمزية إبراهيم العنزي
مزعوط مميز
المشاركات: 270
تاريخ التسجيل: Jan 2016
إبراهيم العنزي غير متواجد حالياً  
قديم 2016-02-11, 05:28 PM
  المشاركه #9
تقرير روعة
رد مع اقتباس
 الصورة الرمزية ابومحمد الجنوبي
مزعوط مميز
المشاركات: 297
تاريخ التسجيل: Feb 2016
ابومحمد الجنوبي غير متواجد حالياً  
قديم 2016-02-11, 10:28 PM
  المشاركه #10
باك ..

ثاني يوم كانت سهرتنا بكاش الديسكو .. كانت الطاولات ب١٤٠٠ بطل ، ٢٨٠٠ بطلين ، ٤٢٠٠ ثلاث بطول .. طبعا كل مازادت كل ماقربت من البست .. اتوقع لو تاخذ ٥ بطول يسكرون البست و يحطون طاولتك بالنص

السهره كانت زوينه مافيها اهداءات صوتيه كل الاهداءات ع الشاشه .. ماكان فيه شيلات و نصر و هلال .. ماكان فيه ياسلامي عليكم يالسعوديه ..

الديجي مجنون و فنان .. الخدمه وسط مو نفس الباقي .. يعني عادي تنادي الجرسون ست مرات و كل شوي يقولك دقيقه .. و لو تعطي واحد عشان يخدمك راح يروح و يجيك غيره عشان غيره ياخذ بعد ..

الوجه الحسن متوفر بكثره بس موديلات قديمه شوي ..

ختمنا السهره و اتصلنا ع الشغاله و ضبطي الديسكو جايين .. وصلنا و الديسكو مشعلل .. شغالتنا خوش وحده تشتغل بارتندر بالافتر بارتي و مرات ديجي ماعندها مشكل

خلصنا و ختمناها الساعه ٩ و توجهنا كل اسد لعرينه .. كل واحد ياخد بالو من لغاليغو
متعلق معجب بهذا.
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلتي الى اغادير 23/4/2015 krioi ارشيف تقارير السفر الى المغرب 13 2018-01-30 10:00 PM
رحلتي إلى المغرب 2015 خالد_1990 تقارير رحلات الاعضاء إلى المغرب 128 2017-07-17 04:19 AM
رحلتي الى مراكش 15-10-2015 الفاهد تقارير رحلات الاعضاء إلى المغرب 68 2016-02-17 02:11 AM
رحلتي غدا 7/8/2015 الجمعه جداوي مزعوط قسم الاسئلة و الاستفسارات عن المغرب 9 2015-08-07 04:58 AM
رحلتي للمغرب الحبيب ( كازا - الرباط - القنيطره - سطات - برشيد - مراكش - اكادير ) عاشق المغريب تقارير رحلات الاعضاء إلى المغرب 58 2012-04-06 04:22 PM


الساعة الآن 01:40 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81