مجموعة أسئلة وإستفسارات ( مراكش الحمراء )
السلام عليكم ورحمة الله وبركاته
طبتكم وطاب صباحكم لدي العديد من الأستفسارات التي ارغب منكم الإجابة عليها لتعم الفائدة للجميع 1- ماهو أفضل مجمع للسكن في مراكش ( من حيث الأثاث . النظافة . الأمان . التعامل ) لاني بالمختصر إحترت ناس تقولي الدرقاوي آمن شي ونلس تقول الدرقاوي كل طلعة ودخله لازم إكرامية مع العلم أبحث عن فلة لـ خمس أشخاص 2- ماهي أفضل شركة أو ألإضل شخص للتعامل معه في الحجوزات السكن والسيارة ( من واقع تجاربكم ) 3- أفضل مكان لصرف العملة في السعودية وفي المغرب كذلك ؟ 4- مارأيكم في هذا المجمع ؟ هل سبق لأحدكم أن نزل فيه ؟ وهل تعرفون أرقام التواصل معهم ؟ وكم تتراوح أسعاره ؟ [IMG]https://store2.up-00.com/2016-02/145577609535121.png[/IMG] 5- أفضل أماكن للسهر ؟ 6- مارأيكم في مجموعة جي أم ترفل ( أهنجار خليجي ) ومن سبق لهم التعامل معهم ؟ 7- مارأيكم في مجمع إيدون بالم مقابل بوابة 10 ؟ وكم تتراوح أسعاره ؟ 8- من يتحيز للنخيل الدرقاوي بوابة 10 ؟ ماهو المغري في ذلك ؟ وكم تتراوح أسعاره ؟ وأفضل طريقة للحجز ؟ نأمل الإجابة على كل سؤال على حده بالتفصيل والإنصاف لتعم الفائدة للجميع |
والله ياشباب مو منطق كل من بغى يسافر حط موضوع وخصوصا مراكش ،، كل تساؤلاتك موجوده بالمنتدى وموضحة ومفصله ومشروحه ،، انا بحاول اجاوب اللي اقدر عليه لكن اتمنى من إدارة المنتدى حذف أي موضوع يخص الاستفسارات عن السكن والسيارة بمراكش لكثرتهااااااا ..
حاليا أفضل سكن من وجهة نظر غالبية المزاعيط هو منوار النخيل وبإمكانك الحجز منهم عبر المنتدى .. بالنسبة لأجار السيارة مع سائق أو بدون الأفضل الشمري كارا بدون منازع ومن واقع تجربة وايظا الحجز عبر المنتدى .. بالنسبة للصرف مافيه ولا مكان بالسعودية مناسب ،، اصرف من مطار كازا لما توصل شي يكفيك ولما توصل مراكش اصرف من هناك .. حاليا أماكن السهر الممتازة دبليو كلوب وكاش نظام دي جي والنرجس والديوان والياسمين مطربين وفواصل دي جي وبالنسبة للغربي 555 وتياترو وينصح فيها بالويكند .. |
اقتباس:
اولا : يارعاك الله عدد مواضيع قسم الأسئلة والإستفسارات : 5,639 يعني من الطبيعي ماراح ابحث بكل المواضيع ثانياً : الأوقات تختلف والأوضاع والأسعار من وقت لوقت ومن موسم لموسم ثالثا : إذا كنت ترا هذا الشيء شاق عليك بإمكانك عدم الدخول على الموضوع وإزعاج نفسك بالرد رابعاً : شكراً على وقتك الثمين بالإجابة على بعض الأسئلة . وللمعلومية أغلب البنوك السعودية تقدم صرف عملات . وبنك الإنماء سعر الصرف أفضل بكثير من سعر الصرف في المغرب . مع جزيل الشكر والإحترام لشخصك الكريم |
اقتباس:
مستحيل يا اخي بنك سعودي يقدملك صرف عملة أفضل من المغرب وأنا اتحداك ،، ثانيا انزل بقسم الاستفسارات شوي وراح تلقى كل الاجابات وقريبة جدا لأنه كل يومين واحد منزل زي موضوعك ،، أنا رديت عليك باللي اعرفه لكن حاول تأخذ لفه بتحصل كل الاجابات وبسهولة تامه .. |
شكراً مرةً أخرى على وقتك الثمين
لعلك في سفرتك القادمة ( تشيك على سعر الصرف ببنك الإنماء . وسعر الصرف بالمغرب ) |
حبيبي اذا بغيت تصرف عندهم من الريال للدرهم المغربي تقريبا يأخذون عليك فايدة اكثر بكثير من المغرب وماتكلمت الا من تجربة وبإمكانك الأن الاتصال على البنك وسؤالهم عن صرف مثلا مبلغ ١٠٠٠ ريال وردلي خبر ..
|
1000 ريال = 2639.78 درهم مغربي لدى بنك الإنماء
انا روحتي اللي فاتت محول الألف ريال في المغرب إلى 2580 درهم يعني فرق 59.78 درهم اذا تحول فلوسك 10 الاف ريال وانتم خمس اشخاص 50 الف يفرق معك حول 3 الاف درهم |
اقتباس:
اخي العزيز ادخل على مواضيع الاستفسارات عن مراكش و بتلقى الاجوبه كلها .. ماله داعي موضوع جديد لو تتعب نفسك شوي و تقرا المواضيع و بالتوفيق |
اقتباس:
وشلون عند البنك ١٠٠٠ تساوي هالمبلغ ؟؟؟ الان سعر الصرف ١٠٠٠ ريال تساوي ٢٦٠٤ درهم من دون أي عمولة ،، يعني بيعطونك فلوس زيادة |
مساء الخير على الجميع وش فيكم قمتم على الرجال هو سال ومحتاج اجوبه اللي يقدر يفيده كان بها ويكون مشكور اما قصه المواضيع كثيره ومكرره على كذا اي واحد بيسأل او يستفسر بنقوله خذلك لفه والمنتدى ماراح يكون نشط وفعال خذوا الامور بروح حلوه وبعدين هذا منتدى مو شغل وداوم وتعب عشان تتضايقون بالعكس هالمنتدى بالنسبه لي ولاغلب المزاعيط صار مثل الشي الاساسي لازم باليوم تاخذ لك كم لفه فيه ترجع الشوق والحنين ولو بجزء بسيط وآسف اذا طولت عليكم
|
الساعة الآن 05:17 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط