من جرب يسافر المغرب وحدة نبي نعرف سلبيات والايجابيات ونستفيد من التجربة

من اتعس سفراتي السفر لوحدي تضايقت مع انه معي طيري وسيارتي لكن مافيه مثل خوة الرفيق السنافي تسولفون مع بعض وخوه وضحك ومواقف حلوه
شخصيا احب اسافر مع ربعي ولا احب الوحده والناس كلن وهواه فيه من يحب الجمعه وفيه يحب السفر وحداني

اسعد الله صباحكم بكل الخير السفر
كل واحد وهواه ومزاجه لكن انصح بشدة عدم السفر لحالك مراح تنبسط وتستانس الا مع الخوي السنافي تطلعون سوا ويرد عليك الصوت بدل ماتكون لحالك وكلام اخوي عضو قديم صحيح انا اسافر مع ربعي وخوياي ومن اجمل السفر والذكريات تقبلو تحياتي

بعدين ياشباب اذا تبي تسافر وحداني عليك بأقادير ولاتطول اكثر من أسبوع لانك راح تطفش لكن في مراكش ومع رفقة النشامي نسوي قطه ونتفق علي المدة مثلا 15 يوم راح تقل عليكم المصاريف في السيارة والعزبة والسكن تقبلو تحياتي

ياجماعه طيب انا مخطط 10 ايام ولوحدي وارل زياره للمغرب
تتوقعون اطفش او اقلل الايام

بالنسبة لي
بعد تجربة السفر لحالي ٣ مرات
ومع إن السفرة الأولى برضه كانت لحالي

أفضل السفر لوحدي إذا قروبي الخاص ما طلع معي
وشعاري دايماً لحالي أحلالي

وبالنسبة للطفش ما عمري حسيت فيه
يمكن عشاني جوي روقان وما أحب الصجة والرجة

عيبها الوحيد خصوصاً في مراكش
إنها ثقيلة على الجيب وبالنسبة لي ما تفرق معي خصوصاً إذا جلست فترة وما سافرت للمغرب

إذا ميزانيتك محدودة حول على اكادير ولا طنجة أو كنسلها الفكرة مرة وحدة

قد جربت السفر لوحدك لأي مكان في العالم ولا هذي أول مرة

يا سلام عليك ، هي تعتمد ع الشخص وجوه ، فيه شباب يحبون الزحمه والإزعاج والروحه والجيه عشان كذا ما يروح لوحده ، وفيه شباب يحبون الهدوء والركاده لأجل هذا يروح لوحده

تختلف من شخص لآخر ...

انا لي 10 سنوات اسافر لوحدي .. رحت معظم دول العالم لوحدي سواء اسيا او اوربا او افريقيا.. احلى رحلة لما اكون لوحدي .. بلا ازعاج بلا رجه .. انام متى ما ابغا واسهر متى ما ابغا واروح مكان ما ابغا واصرف مثل ما ابغا .. ما يجيني واحد يعطبها ثم يزعجني او يحب يهايط على حساب اجازتي .. انا حر نفسي المغرب لحالها زرتها 18 مره لحالي ... ودبي 18 مره لحالي .. اوربا 4 مرات لحالي .. انجونيسيا وماليزيا وهنق كونق وطوكيو وبكين كلها لوحدي ..اسطنبول 7 مرات لوحدي ..

المتعه لما اكون لحالي بجوى .. لا مانع اقابل بعض الشباب خلال الرحلة في مطعم في سهر وخلاص ارجع فندقي او سكني .. مافي ارتباط

اوجزت فأصبت

__________________
الشجر يموت واقف

اهلا بك

لاتسافر وحدك لمدة تتجاوز 3 ايام أو 4 أقصى حد
وحاول قدر الاستطاعة أن لاتسافر وحدك
لانك ستفقد الكثير من طعم السفر
وستقل معدل السعاده اذا كنت سايح
فالسفر لايحلو الا بوجود صحبه
تشاركك الضحكه واللقمه والمعلومه الخ.
حتى لو كان بينكم ثمة اختلافات محدوده
وليست جذريه لحد عدم التوافق


بالعاده من يستمتع بالسفر لوحده
هو حدى أمرين
اما شخص لايعلم شيئا عن قيمة الصحبه الطيبه
او شخص غاوي عشق وتجده ينام نهارا
ويقضي ليله كاملا في ديسكو أو مرقص
ويعود الصباح وينام الى وقت قبل موعد السهر
وهذا النوع يقضي سفرته على جدول واحد فقط
لأنه من غير المعقول أن تجد شخص معتدل
يقضي 10ايام او اكثر وهو يتجول وياكل ويشرب لوحده
ويجيك يقول استمتعت بالسفر
الا اذا كان يضحك مع الحيطان وتجاوبه صدى الصوت
وباختصار شديد الاستجمام لايعني انك تقضي اطول وقت لحالك
حتى لو كان معك طير ( ف الشاة تعلم أن الذئب يأكلها...والذئب يعلم بما في الشاة من طيب. )
وهذي كلها عوامل تثبت سطحية العلاقه وماينجم عنها.

حديثي سياحي
وليس عن من لديه اعمال أو معارف
يقضي جزء من وقته بينها
ولكن اثارت حفيظتي بعض الردود لأنها تصل لحد التغرير

دمتم جميعا بسعاده