من جرب يسافر المغرب وحدة نبي نعرف سلبيات والايجابيات ونستفيد من التجربة

اكثر شي حط طيرك على يمناك وطير انت وياه
خلك رحال وركز على مدن الشمال الراحة و الهدوء وجمال الطبيعة و تعامل مختلف و اقل استغلال من مدن الجنوب

انا داري بالكلام ذا
لكن قصدي اكثر شي من الرتويت لكلامك

والا الله يعفو علينا راها 18 عام

__________________
الشجر يموت واقف

سفراتي القديمة من ايام التسعينات الميلادية (ايام العز) الى تقريبا سنة 2004 كانت في الغالب مع مجموعة اصدقاء عزيزين جداً حطهم على الجرح يبرى ولكن اشغال الحياة فرقتنا وتوقفنا .. سفراتي الجديدة بعد رجوع الزعطه القديمة من سنة 2013 الى 2016 كلها وحداني واعتبرها من اروع واجمل السفرات على الاطلاق لأني كنت مبتعد فيها تماماً عن تجمعات سكن وسهر الخليجيين واسكن في مناطق بعيده عنهم وكنت ماخذ راحتي على الآخر وقمة الروقان والصرف اليومي كان معقول جداً جداً

السفرة القادمة بعد اسبوع ان شاء الله الى مراكش برفقة اثنين من ربعي القديمين اللي اصيبو بمرض الزعطه الجديده واعتقد راح تكون حافله بالذكريات وقمة المتعة

الخلاصة
سافر مع ناس تعرفهم عز المعرفة وجوكم ومزاجكم واحد
ولا خلك وحداني وخلك واثق من نفسك ونظامي بدون زيطه وازعاج ومحد يتعرضك ولو بربع كلمه

السفر لوحدك حلوووو بشرط مايتجاوز اسبوع بالكثير

عن نفسي كل سفريات لحالي روحت مغرب حظي حلو طحت بعصفوره حلوه مميزات كلها فيها تطبخ لي تغسل ما خلت لي شي تسويه لي تحس انها زوجتك احلى ايام معها سفرنا من كاز الى اغادير وقت العصر وصلنا هناك على ١٠ اغادير صادفنا تفتيش الحمدالله عدته على خير مشينا
الوحدة حلوه لما تكتشف اصداقاء جدد تاخذ راحتك لحالك

اذا امورك المادية كويسه سافر لوحدك ولاتكون السفره طويلة بتبسط لا كن في اوقت في السفره بتفقد فيها الشله

جربتها وحداني صرفت في خمس ايام مصروف ١٢ يوم مع القروب

السفر الوحداني يعتمد على شخصية الفرد في اشخاص لو يتوفر لهم في السفر كل سبل الرفاهيه
والوناسه راح يطفش اذا كان وحيد
وفي اشخاص يستمتع لما يسافر وحداني

عندي صديق يسافر معي واذا حدث تعارض بالاجازت بيننا اسافر لوحدي ولا مشكله عندي
اما هو فمستحيل يسافر لوحده لو ظروفي لم تسمح بالسفر يبحث عن صديق اخر ويسافر معه

انا سافرت وحداني وجربت وراح اعطيك انطباعاتي وكل واحد له نفسيته واسلوبه
السلبيات
١- اذا انت من النوع اللي يستاحش راح تمل خاصه في الليل
٢- اذا انك من النوع اللي ماهو راعي سوالف ويعرف يدخل مع الناس هذي برضه راح تخليك تمل
الايجابيات
ااذا ما كان فيك المواصفات اللي فوق
١- راح تعطيك حريه
٢- راح تعرف ع ناس جدد ونكسب صداقات
ملاحظة مهمه اختر شركة طيران مرنه تستطيع تعدل على الحجز وتكون رسوم التعديل معقوله لان بعض الشركات مافيها تعديل او الرسوم عاليه ورتب مع موظف الخطوط اللي بتاخذ منه التذاكر وياليت يكون معك الواتس حقه عشان التعديل ما يتعبك وما يكون مكلف لان التعديل في المغرب مكلف وذلك من تجربه
وبالنسبه لي في اخر سفره مليت لان عندي الصفات اللي ذكرت لك
ومن الايجابيات في المغرب ان التعرف سهل واذكر ركبت مع تكسي وركبت معنا بنت جامعيه كان معها كتب الجامعه وتعرفت عليها وونستني والبلد ناسه طيبين خاصة العنصر النسائي اما الرجال خلك سطحي
رحله موفقه واسف ع الاطاله

اكثر سفراتي لوحدي وما فيه احسن منها ومايمنع أقابل شباب وتعرف عليهم لمراكش فقط 65 سفره ولله الحمد اكثر مراكش يعرفوني حتى راعي الحريره الي في ساحة جامع ألفنا ويعتمد على الشخص اذا يحب الناس ومعشره طيب مرايح يمل خاصة اذا يسكن فندق خمس نجوم

__________________

انا لا أحبذ السفر وحيد، يعني لو صار اَي شي لا سمح الله فلازم خوي يساعد في مثل هالظروف.