وصلت المغرب الان

فندق صحارى هل يسمح بالضيوف
او يشترط فتح غرفة ؟

فري

فندق صحارى عند اهل اغادير ب "الفندق الذي لا تدخله الملائكة"

الحمد الله على السلامة
واذا أنت راعي شيشة وجوك رايق لا تتعدى شيشة اماديل قدام البحر

__________________
مسافر في سما النسيان :

اهم الشي لايدخله الدرك

شعب مخاوي بليس فالسفر

والله في المغرب كله الدرك ما صار يتعرض لنا الا بسبب تصرفات بعض السياح الخليجين الله يصلحنا ويصلحهم

بعضهم فقد الامل نهائيا فينا
اذكر مره اعترضنا الدرك في مطار اغادير في المواقف وبعد ربع ساعه من اللكاعه تعب مني وطلع زقاره قلت له عندك وحده قال تفضل ودخنت على حسابه ههههه ياعمي يقول لي وش هالشراب معكم حرام انتو مسلمين قلت له من قاللك انا يهودي تو اليوم بدلت وابغى اشرب .. انهبل من الرد ومشانا .. وش اسوي نشف ريقنا نبغى نمشي وهو نشب لنا يفتي بالحلال والحرام

الحمدلله ع السلامه ولا تنسى تمر ع مراكش الحمراء وتسلمنا ع الحبايب

السلام عليكم ورحمة الله وبركاته واسعد الله صباحكم بكل خير يارب

التقرير الاول للرحلتي :

١/ الطيران :
الخطوط المغربيه وكان الاقلاع ١١،١٠ من مطار جدة والطياره كانت مشي حالك بس الحمدلله مو مزحومه ربطنا الاحزمة واقلعنا بحفظ الله متوجهين للمغرب الحبيبه بس فكيت الحزام بعد ما استوت الطياره ولميت قشي ورحت اخر الطياره ادور مكان انبطح فيه لاني مواصل والحمدلله لقيت ثلاث مقاعد فاضيه وهاتك يانوم لحد ماوصلت الدار البيضاء .
٢/ مطار الدار البيضاء /
مافيه جديد نفس الحال تختيم جوازات ونظرات من تخت لتحت بانتظار الاكراميه بس بحكم الخبره سويت نفسي مزهريه
بعدها توجهت للعفش وماادراك ماالعفش ؟ كنت ماخذ معاي شنطتين في الشحن وشنطه معاي هاندباك المهم وصلت الشنطه الاولى والثانيه جلست تقريباً نص ساعه لحد ما رحموني وطلعوها .

٣/ الاتصالات :
توجهت للشركة الاتصالات المغربيه واخذت شريحة نت واتصال بسعر ٢٠٠ درهم

٤/ الصرف :
كان الصرف بسعر ٢،٥٧٠ بس بعد الجمارك في بنك وفاء وتقريباً الاسعار في الخارج كلها وحده .

٥/ ايجار سيارة :

اتصلت بالاخ ابوسيرين الله يسعد وجه بعد التنسيق مع صاحب الاخلاق الرفيعه ابو مالك وقابلني ابوسيرين والاخ عبده وسلموني سيارتي كليو رينو م 2016 بقراطيسها ههههههه يعني جديده وبسعر مميز وانتهيت كن اجراءاتها بسرعه البرق وشهادتي فيهم مجروحه بصراحه ويستاهلون كل خير وانصح بالتعامل معاهم .

٦ الوجهه /
الدار البيضاء - اغادير

طبعا مسكت الطريق وهذي عادتي اني اروح بالسياره لعدة اسباب
اولا الوقت االي بأنتظره في المطار عشان احجز واطلع لااغادير يمديني فيه وصلت بالسياره وانا احب السفر بر وكل واحد ينام ع الجنب الاي يريحه .
كان ممل الطريق بعض الشي بسبب دخول الليل وانقطاع المناظر الجميله .
طبعاً اول ما مسكت الخط وعند اول محطة اداء راح يستقبلونك بالدرك بالكرم والضيافه وهذي اول مره تصير معاي وقفوني لانهم عرفوا ان السياره ايجار .. المهم فتحت الدريشه طلب الاوراق سلمته الاوراق ورقه ورقه ونصيحه لانعطونهم اللوراق كامله مره وحده وخصوصا اذا كنت ناوي ماتعطيهم شي لانهم راح يمرمطونك ويضيعون وحده منهم عشان تنبسط بعدين ههههههه المهم اهذ الاوراق وجالس يسال اول زيارة لك ؟ طبعا قلت لا ماتشوف الجواز يا احول ههههه طلب تفتيش الشنطه خليته ياخذ راحته وولعت سيجارة وانا جالس لاني متطمن ان شنطتي مغلفه بالنايلون وجالس ادعي انه يفتحها لان مافيني حيل اول ما اوصل اقطع البلاستيك .
وصل الاخ لاغراضي الشخصيه وكانت في المرتبة الامامية وع طول مسكتها وسحبته منه وخاف مني يقول لازم افتش اتا رفضت وقلت هذا مو من حقك المهم انه عصب علي وقاللي سير سير وانا محرك شفت شباب من ربعنا وقفوهم وجلست ادعي ان الله يعينهم مالكم في الطويله مسكت الطريق ووصلت اغادير ١١،٣٠ وطبعا استقبلوني كمان الدرك في اول نقطه تفتيش وحاولوا يلاقوا غلط وماحصلوا علي شي .

٧ /السكن :

السكن انا من رواد المارينا لعدة اسباب واهمها ريح راسك وابعد عن المشاكل والوسوسه
اخذت غرفة بجلسه بسعر ١٣٠٠ درهم وكانت طريقة الحجز قبل السفر مع الرائعيين الاخ محمد عاطي والاخ الخلوق جدا جدا جدا حسن وهذا ما اول تعامل ولاعاشر تعامل معاهم وشهادتي فيهم مجروحه .
استلمت الشقه كانت نظيفه جداً بس مافيه استريوا وانا اصلاً ما احتاج لاني جايب سماعتي معاي هههههه ( خف علينا ياموضي الطقاقه )
استلمت الغرفه وبعدها نثرت عفشي واخذت نص الملابس عشان اوديها المصبنه اللي خلف اسماعيل لانها مفتوحه زي منتو عارفين ٢٤ ساعه بس سعرهم غالي الله ياخذهم

٨/ السهر :

انتظروا التقرير الجاي ولو اني ما احب اسهر في اماكن مثل صحارى او سكاي مالله عطاني في جوهم احسه طربقه



ولي عودة باذن الله