حجز الجواز عند الأداراه او الرسيبشن

سلام عليكم

اخواني المزاعيط انا من المتابعين لهذا المنتدى من زمان ولكن هذه المشاركه الاولى لي في هذا المنتدى وأحببت من خلال هذه

المشاركه الأولى لي أن أستفسر لدي بعض الإستفسارات وأتمنى أن اجد إجابه عليها

أنا إنسان مقيم بفرنسا أدرس اللغه ووقت الويتنق أو الأجازات اخذ لي اسبوع بالمغرب وانزل السعوديه واو فيه مشكله حجز الجواز تواجهني دائما

اي فندق او منتجع اسكن فيه وخاصة بمراكش يبون الجواز أنا من الأشخاص الي مستحيل اخلي جوازي عند الرسيبشن او الأداره ودائما اواجه صعوبه

وقد صارت لي مشكله مع الدرقاوي طبعا انا ماقد سكنت فيه بغيت اسكن فيه مره بس عزلت خلاص بسبب سمعته السيئه وإستغلال البوابين

والأمن ومعاملة أدارته السيئه وأغلب الي اعرفهم والله ماعمر احد مدحه

حجزت مره فيه حجز غير مؤؤكد ووصلت هناك دخلت وعطيتهم الجواز على اساس ياخذون صوره ويرجعونه طلع لازم يحجزونه قلت لا

جوازي ماينحجز ورفضت قالو لازم نحجزه ونحطه بصندوق الامانات قلت معصي جوازي وثيقه رسميه بدري عليك رفضت قلت جوازي

معي مستحيل اخليه معكم رفض وقام يرفع صوته سحبت جوازي بكل هدوء وقلت بمشي مارديت عليه ونادى الأمن طبعا وصار الي صار

السؤال هنا للجميع هل يتم حجز الجواز عند ذهاب احدكم للفندق والمنتجع ؟ وعلى أي أساس يتم حجز الجواز ؟آلآ تكفي صوره من الجواز ؟

حجز الجواز مخالفه صريحه لا يحق لأي جهه حجز جوازك او وثيقتك او إثباتك الرسمي فكيف يتم السماح لهم بحجز الجواز ؟

سؤال آخر منتجع الراحه والأمان الروز قاردن طلبتهم مره انهم مايحجزونه وماحجزوه لمن سبق وسكن بالروز هل تم حجز جوازك ؟

والسلام ختام

النظام المعمول في الفنادق غالبا يكون حجز مبلغ كتامين اما عم طريق عمل بلوك على المبلغ من البطاقه الائتمانيه او كاش تحت الحساب.. الدرقاوي او الروز يعرفوا انه النزلاء المستهدفين كثير منهم مايستخدم البطاقة الائتمانيه وثاني شي حجز الجواز هو افضل طريقه لضمان عدم هروب النزيل...لانه ممكن يستخدم خدمة الغرف ولايدفع كاش ويسحب اخر يوم وعالمطار...

انا لي وجهة نظر مختلفة

انا أشوف ان الجواز يبقى (وليس حجز) عند الادارة افضل بكثير من ان يكون عندي لان من الممكن انا اللي اضيعه وبالعكس اكون مرتاح نفسيا لما يكون عندهم وآخذ صورة من الجواز للحاجة

وللعلم انا سافرت للمغرب خلال ال14 شهر اللي طافت 7 مرات وبكرة باذن الله مسافر للمرة ال8 وجميعها سكنت في الدرقاوي واحط الجواز عندهم وانا مطمئن وفي يوم من الايام طلبت صورة الجواز وخليتها عندي واكتشفت انك اصلا منت محتاج الجواز او حتى صورة منه للتنقل في مراكش ويكفي اذا عندك هوية اخرى مثل هوية القيادة او البطاقة المدنية وطبعا كلامي من واقع خبرة

في كل سفراتي بجميع مدن المغرب وغير المغرب الجواز بالريسبشن
واتذكر الروز عندما اردت تعديل الحجز اخذت الجواز منهم وعدلت الحجز
واعدتة لهم . واشوف ان وجودة بالريسيبشن اضمن من الشقة

حجز الجواز ماهو نظامي وممنوع ومن حقك تشتكي عليهم ..والي بينك وبينهم اجار يعني يكتفي بتأمين وتاخذ سند على مبلغ التأمين ...والي سويته هو الصح شغلك عددددددددددل

انا اشوف بعض الناس وانا منهم محتاج اني اضع جوازي بمكان آمن لما اسافر بمفهومهم حجز وبمفهومي حفظ يمكن انة عندهم من باب التأمين او الضمان لهم لكن بشكل عام ماعتقد انهم يحجزون جواز الاوربي مثل العربي وشفت بنفسي هذا الشي
تحياتي لك

السلام عليكم ورحمة الله وبركاته

اولاً يعتبر حجز الجواز لحفظ خصائصك
وهو امانه لديهم

وثانياً لنفرض انه قبل المغادره تم إتلاف اي محتوئ من السكن اليس له الحق ان يطالب في حقوقه كصاحب سكن قبل ان تشد رحالك وتتركب بعدك ماليس كما كان


هذا من واقع تجارب وخبره

تصرفك نظامي لان رهن الجواز مخالف للانظمه. وجود صندوق امانات في الغرفه يكفيك واذا غير موجود وخايف عليه مالك الا تحفظه عندهم بمزاجك انت.

هو صحيح ان حجز الجواز مش نظامي بس عندهم يكون آمن بس خلهم يعطونك ورقه انه عندهم ومن ضمن الامانات اللي استلموها ولاتنسى تاخذ صوره منه وتختمه من عندهم لأن يمكن تحتاجها لما يقفونك الشرطه الدرك