بين نفي الخليجي واستغبائه

الأخوة الكرام
تحية طيبة وبعد،
بعد تفكير عميق جدا ، لم ارتح لفكرة نفي الخليجي الذي يريد زيارة مراكش في اماكن خاصة به تبعد ما لا يقل عن 10 كيلو من وسط المدينة ، احساسي أن الموضوع استغلال ولعب على ورقة الامان والضيوف والعصير والخزعبلات المصاحبة.
قد تكون تلك الأماكن البعيدة جميلة وراقية ولكني لا أويد فكرة النفي وحشر الخليجين في مكان واحد ، فأرض الله واسعة.
ولي طلب أن تكرمتوا ، اريد مساعدتكم الكريمة للحصول على شقة راقية ( لا يهم سعرها ) في وسط مدينة مراكش ، وكلي شكر أعزائي.

إذا تبي وسط مراكش مالك الا منطقة قيليز تواصل مع أحد المعلنين وهم يفيدونك ويورونك الصور
بالتوفيق

مع اني منعت نفسي من زيارة مراكش واكادير واكتفيت بكازا والشمال بسبب ما يصنعة بعض الأغبياء والسذج من ابناء خليجنا وأويد نفيهم من مدينة تفوقت على اكثر من اربعين مدينة سياحية في العالم والاسباب معلومة ..
ولك كل التقدير

طبيعة المنتجعات والتي تتطلب مساحة كبيرة تكون خارج
المدن وليس نفي للخليجيين او غيرهم

ابد هم مسوين خير ، ولافيه استغباء ولا شي بعدين مافيه ذاك البعد عن وسط المدينه .
وسط المدينه ماراح تسلم من شكاوي السكان ويمكن من بعض المداهمات ، خلنا بعيد احسن .

يا رجال خليني اختصرها عليك شوف استراحات الشباب بالسعوديه بالغالب تكون على اطراف المدن ومعزوله او بعيده عن المدن عشان الشباب ياخذ راحته وحتى الشعب ما يشتكي عليك مع ان ما فيه ذاك الازعاج فما بالك بالمغرب كل شي متوفر من ميوزك وغيره وازعاج اكيد راح يهتمو بالنقطه هذي لحمايتك وحمايه اهل المدينه..

استغرب والله يعني تبغى طيور وميوزك لاخر صوت وعصير وبخور وفوق هذا كله تبغى تسكن بجوار عوايل ؟؟؟؟؟
من باب الذوق العام انك تبعد اصلا في ناس عندها اطفال وناس محترمه مايحبوا عوايلهم يشوفوا مثل هالمناظر هذا غير المشاكل اللي تصير

ارض الله واسعة وكل شخص ينام على الجنب اللي يريحه في ناس ما تحب إزعاج المدينة تحب الهدوء والاسترخاء وفي ناس تحب زحمة المدينة تحب الروش والمحلات والأسواق ويبقى الأهم احترامك لنفسك ولمن حولك يبعدك عن المضايقات و المشاكل وخلك وسيع الصدر ترتاح

__________________
مسافر في سما النسيان :

بصراحه سنين اسافر كرهت مراكش واقادير كاني جالس في البحرين
وصرت استقر بكازا وفعلا اعجبتني كثير وتقدر تروح مدن قريبه براحتك
ولا احد يميزك انك خليجي وتاخذ راحتك بدون منافسه ولا هياط وتعيش جو جميل
وتمشيه ممتعه طبيعه حلوه وبحر ومدن جميله وين ما تبي تروح له بكل سهوله
مثل الرباط المدينه الهاديه او المحمديه وكذالك المدن القريبه للفرجه والاستمتاع
وجوك عليل اما مراكش ودك زياره وحده خلال سفراتك لها فقط طبعا هاذي وجهت نظري
حسب تجاربي للمغرب

تخيل جاركم يحشش و يشرب و يجيب بنات و الصوت اربعه و عشرين ساعه اعلا شي ! ترضا ؟

^ انتهى النقاش