رحلتي للمغرب ( مراكش - اغادير )

سلام عليكم ورحمة الله وبركاته

صبحكم الله بالخير جميعا

حبيت اكتب موضوع عن رحلتي للمغرب

بداية الرحلة حجز من احدى شركات السياحة من الملز وصلنا المطار الساعه ٨ بالليل واقلعت طيارتنا الساعه ١١ على الامارتية وصلنا دبي انتظرنا ٦ ساعات واقلعنا من دبي وصلنا لمطار كازا الظهر

انتظرنا في زحمة الجوازات والقرف وتعطيل الناس عشان البخشيش وخصوصا الخليجين تقريبا نصف ساعه حتى وصلنا وجلس يطالع في الجوازات واخرنا وجلس يلمح وحن سوينا مانسمع شي حتى ختم الجواز وطلعنا اخذنا شناطنا واخذنا شريحة وحولنا الفلوس وطلعنا رحنا لشركات التاجير تحت كلهم مبالغين ونصابين خصوصا المسافر كار سحبنا عليهم واخذنا تاكسي ب ١٢٠٠ درهم لمراكش وقفنا الدرك تونا داخلين مراكش وجلس يفتش وفتحنا الشنطة وشاف الشراب وقام يتفلسف وبعدين جانا السايق معصب ويقول عطيتهم ١٠٠ درهم عشان خويي الي ورى ماربط حزام الامان قلنا كيف تقولنا الراكب بس الي يربط حزام الامان والي ورى عادي لايربطة وجحدنا وقال ماقلته المهم عرفنا انها حركة كبس بالنور للشرطة وعلى طول وقفونا ويوم شافو امورنا سليمة ماتكلمو المهم السواق نزلنا في مجمع بابليون ويقول عطوني ١٠٠ درهم الي اعطيت الشرطة قلنا وين ورقه المخالفه قال انا بخششتوهم ب ١٠٠ درهم عشان يفكونكم ههههههههه المشكلة تعاملهم يحسسونك انك بزر ماتفهم شي الزبدة كرشناه واستاجرنا ٣ ليالي في بابليون ب ١٩٠٠ درهم لليوم امان والطيور تدخل اي وقت والحرس ٢٤ ساعه معبين المنتجع امورك كلها سليمة واخذنا شغاله ب ٢٠٠ درهم لليوم اخذنا ٣ ايام بمراكش رحنا لساحة الفنا كام فيه صديق لي من نفس المجمع بابليون رجل اسمه محمد سايق قمه في الوفا وزكرت المهم رحنا معه وصار هو الي يتكلم معهم بالاسعار وناخذها بسعرهم لانه قال لنا هو انا بتكلم واتفاهم معهم ونت خلوكم صاكتين لان لو عرفو انكم خليجين راح يدبلونها عليكم يشوفونكم يالخليجين بترول هههههههههه هالانسان ماشفت زيه في المغرب من الطيبه والوفا والصدق المهم من ضمن الاشيا الي ترفع الضغط اني اشوف الشحاثين على الخليجي مايرحيحونه والاوربي مستحيل يقربون منه وصار لي موقف عند ستار بوكس كانت الجلسات فل وجلست جوى الكافي وطلعت ادخن جاني واحد قالي ابي زقارة والشرطة كانو قريب مني بعد ماخذى الزقارة مني قال تبون حشيش على طول التفت يساري وشفت الشرطة يطالعون فينا عرفت انها حركة بينهم رميتي زقارتي ودخلت الكافي لهذي الدرجة يغبنون الواحد لي نفسة والسايق علمته بالسالفه قالي اصلا بعض الشرطة تبيع لك ماصدقت المهم روحنا من مراكش على اغادير على حجز مسبق من احدى الشركان في الملز رحنا معى سايق ب ١٢٠٠ درهم وصلنا على الماريوت نزلنا اغراضنا ودخلنا الفندق تفاجنا بالموظف يقول مالكم اي حجز باسمكم دقيت على المكتب الي بالملز قال حجزوكم اليوم الثاني صار لخبطة في الموضوع المهم قلنا شف اليوم قال غرفتين مافيه اليوم متاح فيه غرفة وصاله ب ١٦٠٠ درهم قلنا غالي بنجيك بكرة شالنا احدى التاكسي كام اسمه مصطفى الي واقين قدام الرسبشن وعلمناه بالسالفه قال عندي لكم الحل فيه الشقق التمليك الي ورى الكافيهات فيه سماسرة ياجرون لكم الزبدة دق على اكثر من واحد قالو يوم واحد ماناجر حصلنا شخص اسمه محمد قال اجار لكم ب ١٨٠٠ درهم لمدة يوم واحد فقط غرفتين وصاله نزلنا شفناها كانت بعيدة شوي المهم شفنا اغراض في المطبخ لسى جديدة في المطبخ شكينا في الوضوع بعدها جلس يقنعنا وحنا صدقناه قلنا بنروح مع التاكسي نصرف ونرجع وحطينا شنيطنا وقفلنا على الباب ومشينا صرفنا ورجعنا وحن داخلين سمعت اصوات اطفال في الشقه الي بجنبنا سالته قال هذي مالكها خليجي اذا جا اغادير يسكن فيها واذا طلع يعطيني المفتاح واذا بتجيبون طيور لازم تعطون الحارس الي برى على كل طير ٢٠٠ درهم يقول اهتم فيها واجرها المهم كان الباب مفتوح وسمعنا صوت باب الشقه الي جنبنا انفتح قام بسرعه وقفل الباب وبدا الارتباك عليه قلنا اعطنا ورقة الايجار عشان نحاسبك قال ماعندنا ورق قلنا هذا شغل نصب اخذنا شنيطنا وطلعنا وهو جلس يطاردنا يبي يقنعنا كرشناه ومشينا طلعنا رايحين للاستقبال وقلنا بنستاجر لو ب ٢٠٠٠ درهم ولا اسلم رقبتي للرجال المهم جلس الرجال الي اسمه محمد وعيونه فيها الحقد والغبن سحبنا عليه ودخلنا الرسبشن وشفناه جالس يتكلم مع التاكسي ويتكلم من حرقة وحن لعبنا عليه وقلنا بنروح نسكن في اماديل ليله ههههههههههه
استاجرنا كل واحد غرفة ودخلنا غرفنا لليوم الثاني ورحنت شقتنا الي استاجرنها وسالنا موظفين المارينا قالو هذولا شبكة نصابين انتبهو منهم اخذنا في اغادير ٣ ايام من احلى مايكون وكبسات المويد هههههه وطلعنا من اغادير لكازا على الطيران والجوازات والشرطة من يشوفك يستقعد لازم تبخششه شي يقهر والله طلعنا من كازا لدبي وصلنا الحمدلله الرياض والامطار والخير والامن والامان .

بعض الامور المهمه باذكرها :
١- اكتشفت ان الشعب المغربي في قلبه حقد على الخليجي لو الموت بيدة ساقه عليك
٢- الخليجي يشوفونه من شعب او عسكر او شحاثين يشوفك ذهب تمشي
٣- الاوربي له معامله خاصة لو يهين المغربي يكون الحق مع الاوربي
٤- حقين الجوازات خاصة والجمارك والشرطة يطلبك بخشيش وهي اصلا رشوة قدام الناس ولافكر في احد .
٥- الناس يتواصون عليك من عسكر وتكاسي وشعب كلهم يبغون غبنك وسرقتك
٦- الشياب بكثرة هناك وخرفان جالسين ينقطون في المراقص الله لايبلانا ومن وطت رجله على المغرب وهو شباب عز الله ماعاد يفكها
٧ - الي لسى ماتزوج انصحه لايروح ياما ناس اعرفهم شيبو ماتزوجو وكلهم مناصب عليا وكلها بسبب سفرياته للمغرب الزواج ابرك حلال زلال يامال الشحم

خلاصه رحلتي عفت المغرب وطاريها ولاعاد ارجع لها باذن الله استغلال عيني عينك ولافيه امن يحميك كلهم ضدك
روح لاوربا والله اصرف منها نظام وناس راقية .

وفي الختام صلو على رسول الله .

كل واحد له وجهه نظر ياصاحبي انا حبيت اعلق نقطه ١ من كلامك الحقد موب كل الشعب المغربي حاقد فيهم ناس جدا طيبه وتخليك تحترمها بالنسبه لحجوزاتك لاتتعامل الا مع مكاتب موثوق بها وبالنسبه للعسكر عطهم انت رايح بالاول والاخير تستانس وشوف لو تفر العالم صدقني ماتلقى مثل وناسه المغرب وجمال المغرب من طبيعتها واهلها وكل الشكر لك

اللهم صل على محمد وعلى آله وصحبه اجمعين

والله معك حق في كثير من النقاط الي قلتها لاكن انت الله يهديك مانسقت حجوزاتك وهي الي خلتك تتطيح في السمسار بس ماشاء الله عليك ذيب وصرفت نفسك اما بالنسبه للتكاسي اغلبهم نصابين لو انك مستأجر سياره احسن لك وفكيت عمرك من قروشتهم ونصبهم

اولا نظرة حب واحترام وتقدير للشعب المغربي .. شعب رائع وطيب وخلوق .. و للحق الشعب المغربي من اكثر الشعوب ترحيبا بالضيوف .. المغرب بلد جميل لها ميزة استثنائية يكتشفها من يزورها من جنوبها الى شمالها و من غربها الى شرقها وهي أن لكل مدينة عالما مختلفا عن المدينة الثانية وعالما مغايرا خاصا بنفسه فالانتقال من مدينة إلى أخرى في المغرب بحال الانتقال من عالم إلى آخر من ناحية التقاليد و المجتمع أو طبيعة الجو وطبيعة الأرض ..

ثانيا بخصوص مكتب المسافر لتأجير السيارات في المطار فحقيقة قد تعاملت معهم و قد وجدت من قبلهم كل سبل التعاون و التعامل الراقي و السلاسة في الاستلام والتسليم ..

__________________

اخ بحيح انت حر في حبك للمغرب من عدمه.....لكن التشكيك بحب المغاربة للخليجيين اعتقد أنه أوفر.....لسوء حظكم طحتو بناس ماتخاف الله من أصحاب تكاسي ومؤجري شقق وشرذمة سماسرة .......المغرب ياعزيزي ناس طيبة وشعب محترم والبلد روعة لكن للأسف ماحصل لكم نصيب تتعرفو على الوجه المشرق فيه....

الحمد الله على سلامتك ..عجبني تصرفك مع السمسار وتصرف ذكي.
اعتقد انك اخطأت في التعميم على الشعب المغربي لأنك في النهاية لم تتعامل الا مع القليل وربما مع اسوء الناس اخلاقا وتعاملا.ايضا اخطأت في حق الرعيل الأول من الشيبان .
اتفقك معك في النظرة العامه للخليجي هناك سيئة.اما النظرة للاوربي فالقوي دائما يحترم ويحسب له حساب ليس في المغرب وحده بل كل العالم.

الحياة تجرب اخي العزيز

ولكن من الظلم انك تعم على الشعب المغربي الشقيق بهذا الكلام

تعاملك كله كان في اماكن يكثر فيها السائح الخليجي وهي المستهدفة من الشحاذين والسماسرة وغيرة من المتبجحين

لكن والله اني في زيارات لي ما اتذكر ان احد طلب مني شي

اتكل على الله اولا، امشي نيشان وخليك واثق ومرتب امورك

اخيراأ

الحمد لله على السلامة

شباب استفسار
هالحين لو نشب العسكري ف التفاتيش
ومافيه الا ابخششه

كم اعطيه برايكم ؟؟؟

مو كل المغاربة حاقدين علينا بالعكس انا عندي صديق مغربي ادخل بيتهم جنب امه و ابوه و اكل معهم و لا يخلوني ادفع ريال واحد ... ممكن تقول اغلبية الشعب ولكن مو كل الشعب ... والله اني يوم كتبت هالكلام اشتقت لخويي المغربي بروح اتصل عليه هههههههه