مسافر المغرب وحداني هل يوجد خوي

المشاركة الأصلية كتبت بواسطة بيضاوية

ممكن كل ماعنده كان بالشنطة وخجل يقول انو مو جايب شناطي اصلا ...ظروف الناس مايندرى عنها ...
كان واجهته وعلمته انك رايح لأهلك ووصلته بطريقك لاي مكان يدلك عليه.......
تكون كسبت ثواب وارتحت

المشاركة الأصلية كتبت بواسطة بيضاوية

كنت خليتك احسن منه وتحرست لكن ماترمي شنطته......دمت بود

المشاركة الأصلية كتبت بواسطة hatemckck

معه شنطه صغيرة
يقول عفشه سبقه مع واحد ثاني

بعدما مشينا شوي رميتها بالشارع

المشاركة الأصلية كتبت بواسطة hatemckck

نصيحة لا تسافر الا مع واحد تعرفه
ويكون على مودك


حصل موقف بااعطيكم سالفته عالسريع

وانا انتظر اقلاع الطيارة بمطار جده
كنت جالس وحدي
اقلب بجوالي
وشوي يجي واحد يجلس جنبي
باين انه في الخمسينات
وباينه الدشرة في وجهه
وباين انه متزوج سبع نسوان
وعنده سطاعشر ولد
المهم حاولت اشوف له حسنه اقبله فيها
مالقيت ..
رز وجهه وجلس وياكثر كلامه صدع براسي
غلطتي اني قلت وحدي
قام الملعون يخطط علي من اول دقيقه جلس فيها معاي

ركبنا الطياره وبقدرة قادر جاء جلس جنبي
بعد ماشحذ المضيفة فوق نص ساعه
حاولت اتظاهر بالنوم وتكيت المقعد ونمت

وصلنا المطار فيه صديق مغربي
كان يستقبلني بسيارته
طلعنا وهذا لازق فيني
وطول الطريق يتفشخر بمهاراته وتعارفه

وقفنا في شارع عشان نصرف سعودي الى مغربي

على طوول قال اعطني انا اصرف لك
قلت هذا لما اكون معاق وابكم واصم

انا اصرف فلوسي وانت اصرف فلوس

شفته راح لواحد

انا طنشته ورحت لواحد ثاني

خلصت قبله ورجعت لصاحبي

قلت شوف هذا الزباله ابغى اتخلص منه
بس لما اقول لك تنفذ قال طيب

وقفنا بشارع فيه بقاله

قلت باانزل اجيب شي بارد

قام ابو الفزعات قال انا والله اللي ينزل
قلت لا انت ضيفي
قال لا والله باانزل
قلت ياشيخ خجلتني بكرمك
اجل لاتكثر عازمك على غدا يحبه قلبك
اعطني هاواوي بس
قال طيب


خليته لين صار بالبقاله

قلت لصاحبي ادعس

لابوه لابو وقت جمعني فيه




الزبده واحد ماتعرفه اشرد عنه قد ماتقدر
وان تورطت فخلك حذر ولا تثق بااحد ابدا

وترا بلاك من ربعك اكثر
واعتذر ياربعي على هالكلام

وسلامتكم

المشاركة الأصلية كتبت بواسطة hatemckck

اعطيته درس في التربيه ماينساه
واللي يرمي كلمات مالها داعي
احتفظ فيها لنفسك
مااحد طلب رايك انت وياه