صوفي كار ( الأخ يوسف تستحق الشكر والتقدير )

مألوم قلبك وعقلك في تعلقهم بكازا
مدينة المتناقضات فهي أسهل وأصعب مدينة في المغرب ودائماً ساحرة وفاتنة

صوفوي كار كانت لي تجربة معهم في ١ ابريل
نسقت مع الاخ يوسف طلب شيروكي نيو لون اسود وبالفعل وجدت السيارة وكل مااتفقنا علية عدا اللون كان ذهبي
استاجرت ١٢ يوم وعند اليوم العاشر قررت العودة وعند اعادة السيارة وجدت الاخت شريفة بالمكتب وعند طلب الاعادة رفضت بحجة ان نظامهم يخول لي التمتع بيومين خلال سنة ونفس نوع المركبة
وعند الاتصال بالاخ يوسف افاد بان المكتب لاتوجد عندهم دراهم حاليا رغم ان الاخوان الخليجيين كانوا معي بالمكتب للاستأجار والدفع كاش
المفيد ان الزين مايكمل
ومافي احد يخدمك خدمة تستاهل
كلة بدارهمك ولايهمونك
ومن التعجيز في الموضوع كان هناك اخ سعودي وطلب من شريفة ( قمة العصبية) ان يدفع لي كاش مقابل دراهمي الباقية
وبدأت الشروط التعجيزية ان يستاجر نفس السيارة او اي جيب شيروكي

ياعمي بلا صوفوي بلا هم كلهم نصابين نصابين
دراهمك تخدمك

مافي مثل الشمري كار ابو مالك وأبو سيرين انشهد ان تعاملهم ماشفت مثله بالمغرب ماشاء الله ويخدمك ابو مالك في اي شيء تبيه والله مايقصر انصحك تتعامل معهم المره الجايه وبتشوف الفرق

يخدمك بفلوسك
ونفس الشي صار لخويي بغي يرجع قبل انتهاء المده مارجع له فلوسه قال اذا جيت تاخذ فيها سياره ولانحسب عليك مدة الترجيع اللي هي اربع ايام
وهذا في الشمري كار وبالخصوص كلام ابو سيرين
فلا نجلس ننفخ فيهم كانهم مؤجريننا ببلاش

محد يأجر ببلاش اول شيء أنا عطيت الرجال كلمه واتفاق أنا الي أخلفت بالاتفاق أنا أتحمل مو مجبور يرجع شيء لأكن ابو مالك يخدمك وهو موب مجبور حتى في السكن والله يخدمك فيه ويحجز لك علشان كذا يستاهلون من يشكرهم

صدقت ماهو مجبور انه يرجع بقية الفلوس لان صاحبي اتفق معه وهو اللي اخلف ... مانختلف علي ذلك
لكن بالطريقه هذي مافيه اي اختلاف بينه وبين غيره من مكاتب التاجير
وعلي فكره سعره مثل غيره يعني بالعربي ماعطاك اقل من غيره
ممانكر تعامله مع صاحبي حلو بس لاتحسسونا انه افضل من غيره من ناحية الفلوس
اما مسالة السكن علي بالك يبي ياجرك او يبحث لك علي سكن من غير ماياخذ حقه ههههه
لاياحبيبي زيه زي غيره
مختصر الكلام في المغرب مافيه خدمه مجانيه انسي فالبتالي لانكثر المديح وكاننا ناخذ علي المدح فلوس ...
دمت بود ...

أنعم وأكرم بأخي يوسف أبو مجدولين رجل صادق وخلوق يجبرك على احترامه ومن ثم التعامل معه. وفقه الله كان لي معه أكثر من تجربه وكلها ويشهد الله في غاية الروعه، شكراً أبا مجدولين وجزاك الله خير الجزاء.

مثل ماقال الأخ بندر فلوسك في النهاية هي اللي تخدمك

يوسف والشمري إثنينهم إن شاء الله فيهم الخير
لكن مثل يوسف بالتعامل والأحترام والتقدير ماشفت لحد الآن

__________________

ياشباب صح ان فلوسك تخدمك وتكفيك شر المصايب.
لكن كلمة حق اقولها والله في ابوسيرين وابومالك انهم ونعم الرجال وانا دايما استأجر عندهم واخرتها قبل 3 اسابيع وماشقت منهم غير الصدق في المعامله والكلمة الطيبة وارخص ايجار لقيته عندهم وهذا لايعني ان الاخريين سيئين لكن الرجال مايبانون الا وقت الشدائد اذا صار معك مشكله او حادث وهذا اللي لقيته من مكتب الشمري وانا محاسب على كل كلمة اقولها.
واسأل المولى التوفيق للجميع.

طيب ياخالد هل صار لك حادث لاقدر الله بسيارة الشمري كار
السوال الثاني هل سالت مكاتب ثانيه وكم عددها حتي وكم الاسعار اللي وجدتها في المكاتب الثانيه
والسوال الثالث مانوع السياره اللي اخذته من الشمري وموديله وبكم اخذتها منه
وهذا ليس تكذيبا لك معاذ الله لكن لاجل التثبت فقط
واشكرك مقدما لسعة صدرك علي الاجابه