مساعده بسيطه
 

السلام عليكم

علومكم يالربع وشلونكم

الزبده بغيت أسألكم عن افضل برنامج ملاحه في المغرب علما اني استخدم قوقل ماب لاكن مايطلع لي التوجيهات مثل الخليج يطّلع خط خايس ونقطه حاولت بأكثر من جوال سامسونج ايفون كلها نفس النظام الي عنده اي برنامج ملاحه كويس يعطينا اياه الله لايهينه تعبنا من مطارد النقطه والخط ههههههههه

انا استخدم جهاز الملاحة قارمن بالاضافة للجوال ويمشي الحال
لاكن = لكن
الي= اللي

ماستخدم القارمن مااستعمل الا الجوال مالي خلق اشتري قارمن واشيله معي بالشنطه وقوقل مآب يرفع ضغطي في المغرب شغال زي الحلاوه في اي مكان الا المغرب مادري بصراحه وش السبب او له طريقه ولا فيه برنامج شغال في المغرب زين نستخدمه غيره والله ينفعني كثير

ذكرتني ب مصطفى الآغا .. دائما يصحح التغريدات اللي تجيه لغويا ..

على كذا .. الله يعينك تصحح الفروقات بين ال ظ وال ض ..

ههههه التوجيه غير مفعل في المغرب
عادي النقطة الزرقا تجمل بس تتعب
اشتري جهاز قارمن

هههههه حلوة مصطفى الأغا .... ال ض و ظ اهون من غيرها
المشكلة في لاكن شكلها يرفع الضغط مع احترامي الكبير لأخواني الاعضاء

والله خذيت لي نص ساعه ابي افهم ليش كاتب لاكن-لكن و الي-اللي هههههههههههه أثرك تعدل كلامي والله بتتعب ياصاحبي [emoji23]

احترامي لشخصك الكريم اخوي تركي ... أخذ راحتك طال عمرك ... احنا مكملين لبعض

جميلة سعة الصدر وتقبلك لرأيه

هههههههه