بطاقة البنك الشعبي عند الصرافين
 

السلام عليكم اخواني واخواتي

بصراحه انا عمري ما فتحت حساب بالمغرب دايماً استخدم بطاقة (الحساب الجاري) واحيانا اذا اضطريت استخدم بطاقة (الفيزا) وانا ما احب استخدمه الا للضرورة القصوى فكانت تحصل مشاكل عدم قبول بطاقة حسابي لانه صادر من بنك اسلامي في اماكن السهر. و في اخر نزلة لي للمغرب مشيت عند الصراف الي جنب الدرج و قال لي نعطيك بطاقة البنك الشعبي و تقدر تستعمله كأي بطاقة بنك مقابل ٢٥ درهم ونفعل لك البطاقة حالاً فأخذت البطاقة و دخلت فيه مبلغ ١٠٠٠٠ درهم مغربي وجلست بالمغرب يومين و البطاقة حتي اخر يوم ما اشتغلت و حاولت محاولة اخيرة قبل السفر بالمطار اني استخدمه بالسوق الحره و نفس الشي. فحبيت انوه للاخوان انهم يتحذرون من اخذ هذي البطاقة لانها يمكن ما تتفعل بأول كم يوم و يحط فيها مبلغ السفره و يتورط. انا معاي الوصل لما ارجع المغرب بعد العيد وراح أراجع البنك او الصراف نفسه اذا لازالت مش مفعله.

روح للبنك ( وفاء كاش ) وخذها منهم مباشرة بالمطار او بالمدن ولاتاخذها من المسوقين .
انا تو جاي وجربتها ممتازة جدا ومريحتني ورسومها ١٠٠ درهم مره وحده وتقدر تشتري منها وتحاسب بالكباريهات ومرجان وغيره ولك سحب يومي حد ٦٠٠٠ درهم
ونم قرير العين :)

هلا اخوي الغالي بيضاوي

انا كنت حاب اخذ بطاقة (وفاء كاش) لاني قريت عنه بأكثر من موضوع بالمنتدي لكن كنت واصل المغرب بالليل وكل المحلات مسكره ما عدا الصرافين فاضطريت اني اخذ من عندهم لكن المرة الجاية ان شاء الله استخرج البطاقة من (وفاء كاش)
سؤال هل يصدرون البطاقة بنفس الوقت او لازم انتظر كم يوم ؟

تقبل تحياتي الخالصة و شكراً علي النصيحه و التعقيب

حبيبي وانت واقف ، عطهم الجواز ويطلعونها لك بدقايق ، الافضل اصرف فلوسك من ريال لدرهم ، عشان تودعها على طول عندهم وتاخذ الوصل خله معاك على طول ، وسلامتك .
تحياتي

اخوي الغالي بيضاوي

تسلم لي علي المعلومات الكافية و الوافيه بيض الله ويهك دايما وابدا.

تحياتي لك.

ولو واجبنا حبيبي

نعم صحيح البطاقه يعطونك إيها خلال دقايق بس حاول تتأكد انها تفعلت قبل ماتطلع من مطار كازا ؛ بس مشكله وفاء كاش مثل ماذكرت انا في رد سابق لأحد الاخوان انه مايودع اكثر من ٦٠٠٠٠ او ٦٥٠٠٠ الف درهم مغربي اذا انتوا مجموعه واظطرينا ناخذ باقي المبلغ معنا كاش ؛ واحفظ الرقم السري في جوالك لأنك يمكن تنساه مع العفطه او بعد العفطه [emoji56] !

مسموح انك تفتح اكتر من حساب وكل حساب له بطاقه لو كان المبلغ اكتر من 60 الف درهم
بالنسبه للصرف عند وفا كاش لو كان المبلغ كبير مثلا 20 ولا 25 الف ريال يعطوك سعر صرف اعلى من المكتوب في الشاشه

يعطيكم العافيه

من المطار وانت واقف تفتح الحساب وتفعل وترتاح من العمولات الدولية وفرق العملة وايضا احتمالات عدم السحب وتتورط ولا انصح تتعامل الا مع البنك نفسة وليس مسوقين
تحياتي لك