عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree17Likes

إضافة رد
 الصورة الرمزية سمو المغربية

المشاركات: 30,198
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2016-05-03, 01:05 AM
  المشاركه #1
الفضوليه ..

عتيقة ( 49 سنة ) تنظر عبر نافدة إلى الخارج
يدخل مجد ( 56 سنة )

مجد : أشنو تتديري يا هاد المرا؟

عتيقة ( بإشارة من يدها) : شششششششت.

مجد : أ نعلي الشيطان يا هاد المرا و تفرقي على هداك الشرجم. واش باقي ما بغيتي تقطعي ديك العادة الخايبة ديال الفضول و التجسس على الجيران؟ راه حشومة هادشي اللي تتديري. راه ما يقبلو لا ربي و لا عبدو. واش أنت النهار و ما طال و أنت مورا داك الشرجم مقابلة شكون اللي دخل و شكون اللي خرج.... هاذ الجار شرا كذا...... هاذ الجارة جابت ما عرفت اشنو.
عتيقة ( تنظر إلى مجد دون الابتعاد عن النافذة) : فراسك جارنا محمود شرا طوموبيل جديدة؟

مجد : أشنو؟؟؟ محمود شرا طوموبيل جديدة؟ ما يمكنش.

عتيقة : إلا ما تيقتينيش، أجي شوف.

مجد ( يقترب من النافدة ) : و الله إلا عندك الصح . طوموبيل واعرة.

عتيقة ( تمسك بذراع مجد ) : أجي نبعدو من الشرجم. راه حسات بنا فاطمة مرات محمود.

مجد : و لكن كيف دار محمود

حتى شرا طوموبيل جديدة؟ هو غير موظف عادي تيتخلص 2500 درهم فالشهر. تيصيفت للوالدة ديالو اللي ساكنة فالعروبية 700 درهم. و حيد منها 300 درهم ديال ليصانص ديال الموتور ديالو باش يمشي للخدمة. و زيد عليها 300 درهم ديال القرعة اللي مشارك فيها مع صحابو فالشركة.

عتيقة : حتى مرتو ما خداماش. كون كانت خدامة يمكن نقولو تعاونو على فلوسها.

مجد : أجي يا عتيقة. ما يكونش هدا السي إبراهيم ، خو محمود اللي خدام ففرنسا 9 سنين هادي هو اللي صيفت لمحمود هاد الطوموبيل؟

عتيقة : مالك يا هاد الراجل تتدير بحال إلا ساكن فشي كوكب آخر؟ علاه نسيتي بللي من نهار تجوج السي ابراهيم بهديك النصرانية نيكول اللي خلا ليها الوالد ديالها شركة ديال الحوايج و هو يقطع رجليه من المغرب. 9 سنين هدي ما عمرو دخل للمغرب . حتى نهار وقعات كسيدة لمحمود فشهر فبراير عام 2004 ما قدرش يجي يشوفو. تاصل به بالتليفون و قال ليه ما يكون عندك باس. هداك السي ابراهيم من نهار تجوج ديك النصرانية و هو يولي بخيل و قطع رجليه على المغرب.

مجد : علاه بحرا ولا بخيل؟ من نهار عرفتو و هو بخيل. ما يعتقكش و لو بريال. علاه نسيتي نهار خرجت من الخدمة فسنة 1998 و كان مول الدار تيتسالنا ربع شهور ديال الكرا؟ علاه فاش مشيت عندو عاوني و لا حتى شاف في؟ ياك حدو صيفت لي داك المسخوط ديال ولدو إدريس للي قال لي سافر للرباط.

عتيقة : فكرتيني فهداك إدريس. عرفتي فين ولا دابا؟

مجد : من صغرو و هو ضاسر و شفار و كذاب. أشنو غادي يكون بالسلامة؟ غير شي شفار و لا نصاب.

عتيقة : هداك ادريس أ مولاي عندو ربعة ديال المحلات ديال بوكاديوس فكازا و جوج فمراكش. و زيد عليهم محل ديال الحوايج فالصويرة.

مجد : أشنو؟؟ هداك المسيخيط ولا رجل أعمال؟

عتيقة : تتشك فالمعلومات ديالي؟

مجد : حشا. أنت تتجيبي معلومات صحاح مية فالمية. أنا تنتيق فيك أنت و ما تنتيقش فقناة الجزيرة. أنت عندك خبار صحاح.

عتيقة : ياك بعدا؟ باش تعرف مراتك علاش قادة. علاه غير أجي و جيب الأخبار؟..... المهم. خلينا من هادشي كاملو دابا وقول لي كيفاش غادي نديرو نجيبو خبار هاد الطوموبيل الجديدة ديال محمود.

مجد : أنا إلا ما عرفتش منين جاب الفلوس غادي نتفليبا.... غادي نحماق.

عتيقة : بسم الله عليك يا راجلي العزيز من الحماق . هاني دابا نمشي نلبس جلابتي و نمشي نجيب الخبار غير بالسياسة.
( يسمع طرق على الباب)

مجد : شكون اللي غادي يكون جا عندنا فهاد الساعة؟

عتيقة : سير حل الباب و أنت تعرف.

( يفتح الباب و يدخل محمود 38 سنة)

محمود : السلام عليكم. ياك ما جيت فشي وقت ماشي هو هداك؟

مجد : مرحبا بيك يا سي محمود. بالعكس جيتي فوقتك.

عتيقة : مبروك الطوموبيل الجديدة يا سي محمود.

مجد : حشومة عليك يا للا عتيقة. علاه أنا نقدر نشري طوموبيل؟ بستة و ستين كشيفة حتى قدرت نجمع شي بركة باش نشري الموتور اللي عندي و تتقولي لي طوموبيل؟.

عتيقة : و لكن أنا شفتك راكب الطوموبيل؟

محمود : دابا نعاود ليكم القصة. يومين هدي كنت فالدار البيضاء و تلاقيت بولدكم سمير. شرا هاد الطوموبيل و قال لي نجيبها ليكم حيت هو ما مساليش هاد الأيام. عندو الخدمة كثيرة. حتال العيد الكبير و غادي يجي.

عتيقة : طوموبيل ديال ولدي سمير؟
مجد ( يخاطب عتيقة) : هادي فلتات ليك يا عتيقة. البارابولات دياولك بداو تيعياو.

محمود : قلتي شي حاجة يا سي مجد؟
مجد : لا لا يا سي محمود. شكرا على كل شي. و
سمح لينا على هاد التكرفيسة.

محمود : لا تقولش هاد الهضرة يا سي مجد. سمير بحال خويا . المهم ها السوارت ديال الطوموبيل. و سمحو لي أنا نمشي فحالي. بالسلامة عليكم.

مجد : وا غير صبر حتى تشرب معانا شي كاس ديال أتاي.

محمود : غير بالصحة و الراحة. أنا زربان و عندي ما نقضي. بالسلامة هاد الساعة ..... و مبروك الطوموبيل الجديد.

مجد : الله يبارك فيك.
( يخرج محمود. ينظر مجد إلى عتيقة في ذهول)

مجد : تتجيبي خبار عباد الله و ما تتقدريش تجيبي خبار ولادك



" منقول "
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
موقوف
المشاركات: 2,297
تاريخ التسجيل: Feb 2014
الحضرمي غير متواجد حالياً  
قديم 2016-05-03, 01:22 AM
  المشاركه #2
ههههه
سمو المغربية معجب بهذا.
رد مع اقتباس
 الصورة الرمزية أحمد الشمالي
مزعوط خبير
المشاركات: 1,510
تاريخ التسجيل: Feb 2014
أحمد الشمالي غير متواجد حالياً  
قديم 2016-05-03, 03:48 AM
  المشاركه #3
ههههههههههههههه من راقب الناس مات هما
سمو المغربية معجب بهذا.
رد مع اقتباس
 الصورة الرمزية دونجي
مزعوط برونزي
المشاركات: 506
تاريخ التسجيل: Jan 2016
الدولة: دبي
دونجي غير متواجد حالياً  
قديم 2016-05-03, 06:18 AM
  المشاركه #4
ههههههههههههاي زوينه القصة بالزاف عجباتني هدول هما الي كيقولوا عليهم برقاقه فاشلين ياك هاد القصة من راسك والا حقيقية ؟
سمو المغربية معجب بهذا.
رد مع اقتباس
مزعوط قدير
المشاركات: 217
تاريخ التسجيل: Apr 2016
saadaziz غير متواجد حالياً  
قديم 2016-05-03, 07:34 AM
  المشاركه #5
ههههههههه اتعبتني بالقراءة
سمو المغربية معجب بهذا.
رد مع اقتباس
 الصورة الرمزية 3aziz
مزعوط نشيط
المشاركات: 117
تاريخ التسجيل: Jul 2013
3aziz غير متواجد حالياً  
قديم 2016-05-03, 10:28 AM
  المشاركه #6
هههههههههههه اويلي اويلي ظريفين هادوما لجوج خصهم ينافسو لكوبل ههههههه
سمو المغربية معجب بهذا.
رد مع اقتباس
 الصورة الرمزية sultan21
مزعوط خبير
المشاركات: 1,510
تاريخ التسجيل: Apr 2014
sultan21 غير متواجد حالياً  
قديم 2016-05-03, 01:38 PM
  المشاركه #7
مراقبة رادارية لتحركات الجيران

ههههه
سمو المغربية معجب بهذا.
__________________
..........لا تخلط بين شخصيتي و اسلوبي
ف شخصيتي هي انا.....
واسلوبي معتمد عليك..........
رد مع اقتباس
 الصورة الرمزية سمو المغربية

المشاركات: 30,198
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2016-05-03, 02:08 PM
  المشاركه #8
اقتباس:
المشاركة الأصلية كتبت بواسطة الحضرمي مشاهدة المشاركة
ههههه
دوووووم
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
 الصورة الرمزية سمو المغربية

المشاركات: 30,198
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2016-05-03, 02:09 PM
  المشاركه #9
اقتباس:
المشاركة الأصلية كتبت بواسطة أحمد الشمالي مشاهدة المشاركة
ههههههههههههههه من راقب الناس مات هما
اي والله .. بس كثييييره هالنوعيه للاسف
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
 الصورة الرمزية سمو المغربية

المشاركات: 30,198
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2016-05-03, 02:10 PM
  المشاركه #10
اقتباس:
المشاركة الأصلية كتبت بواسطة دونجي مشاهدة المشاركة
ههههههههههههاي زوينه القصة بالزاف عجباتني هدول هما الي كيقولوا عليهم برقاقه فاشلين ياك هاد القصة من راسك والا حقيقية ؟
ما من راسي ما حقيقيه .. غا من عمي جوجل ههههه .. ولكن للاسف منهم بزاااف هاد النماذج .. من كثر ماكايراقبو الناس كاينساو ريوسهم هما
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:17 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80