تقرير شامل لإجازتي بالمغرب الخامسه طعش والأخيرة

تقرير شامل لإجازتي بالمغرب الخامسه طعش والأخيرة

السلام عليكم ورحمة الله وبركاته .. صلوا على نبينا محمد

خلال السنة هذي تحديداً من شهر 2 الى شهر 8 هجري
زرت المغرب (4) مرات بعضها مع قروبات وبعضها لحالي
طبعاً ببدأ تقريري من آخر إجازة :-
الخطوط .. الذهاب طيران الاتحاد .. العودة السعودية
كازا (يوم) مراكش (5 أيام) اغادير الباقي
مدة الاجازة .. 20 يوم تقريباً

وصلت لكازا الساعة 9 الصباح ورحت للعيال ساكنين بفندق بكازا وافطرنا ولقيتهم مستأجرين رنج لأنهم كانوا بطنجة المهم طلعنا لمراكش ومحتفلين بالسيارة وانا مانمت ٣٠ ساعة شدد رباني والله .. المهم وصلنا مراكش ورحنا للنخيل الدرقاوي لقينا ڤيلا 4 غرف نوم نظييييييييفة واثاثها جديد بالبوابة 2 اخذناها وهووبااا على اسواق المرجان اخذنا كل شيء يكفي لإسبوع ورجعنا وكل واحد على غرفته ونووووم صحينا الساعة 11 والعشاء جاهز ومصحصحين واكلنا وشور سريع وعلى كاش احتفلنا هناك طبعاً كل واحد معه طيره الا انا (لسبب) المهم رجعنا للڤيلا وكملنا لين الساعة 10 ونووووم .. صحينا على الساعة 4 العصر وتغدينا وعلى ساحة الفناء وطقطقنا لين دخنا هههههههههه لدرجة يمشي ورانا مغربي يقول لولا البترول والا انتم ولاشيء .. كلام فاضي لايهمكم عرفنا اساساً انه يستفزنا طلعنا من الفناء على ستاربكس وياكثر الطيور اللي هناك يااااا ساااااااااتر شيء مرررررره كثير والخليجيين كانوا كثير برضو بمراكش بس مدري وش السالفة الظاهر التزاوج صاير فيه لخبطة ههههههههه فيه انتاج طلع قبل انتاج .. المهم وتكرر السيناريو عشاء سهر افتر بارتي نوووم .. صحينا ورحنا حديقة ماجوريل مدري وشو الزبدة حلوه مش بطاله وانا ما احب التاريخ والتراث بس حلوه .. اماكن السهر كانت ( كاش - دبليو - كاش - دبليو - كاش ) .. وسعر السكن لليلة ٣٠٠٠ درهم وحنا 4 اشخاص

بعد كذا طلعت لأغادير يوم مباراة الهلال بآسيا الله يكسر روسهم انهزمنا حسبي عليهم

يوم وصلت اغادير رحت صحارى لقيته مقفل!!!
رحت للمارينا لقيتهم موجودين وسكاي فاتح ودشره هههههههههه المهم قلت بكم الليلة قالي ١٦٥٧درهم قلت طيب شوي وبرجع لك
طبعاً اغادير جوّها براد والشمس باردة والجو لطيف جداً عكس مراكش كان حرررررر مووووووووت لهييييييييييب مستحيل تطلع الظهر او العصر .. المهم
رحت لمكتب المؤيد بأماديل وحجزت نفس اللي انا سألت عنه العمارة اللي جنب سكاي الدور الأول بـ1500 درهم ورجعت للمارينا وافلمت عليهم ان اخوياي حاجزين لي وكذا طبعاً هم قافطيني وانا مسوي نفسي اهبل ههههههههه وسكنت طبعاً الساعة على ما اظن 5 العصر نزلت وعلى ميني ابراهيم واخذت كل شيء مره وحده ورجعت وضبطت سماعاتي والاضاءات وسويت لي جلسه بالبلكونه وعيشششششش .. بعدها اخذت شور ونمت شوي وصحيت ابي نص نص حق سكاي واطلع واجلس بسكاي كان عادي فيه طيور وفيه خليجيين وجلست وتقهويت واخذت نظرة عامة ( طبعاً الكل يشهد لي بأن نظرتي ثاقبة بس انتظروا النهاية ) رجعت للغرفة مادريت الا اللي يطق الباب افتح الباب القى العيال جايين راحت عليهم الرحلة هههههههههههههههه قلت هلااااا بالدشره .. اخذوا كل واحد شقة وصرنا جنب بعض وهاتك يالمشاكل ههههههه لحسنا مخ السكيورتي يطق اليوم غرفة ٢٤١٥ عشان الصوت (البخشيش) بكرة يطق ٢٤١٦ يفتحون له نفس الوجيه هههههههههههه وهو نصاب يقول غرفة ٢٤١٤ يشتكون منكم والمشكلة راعي الغرفة يرقص قدامه هههههههههههه .. صار الجدول نصحى الساعة ٢ الظهر نجلس لين 5 بالمارينا بولينغ وكوفي وحلى وبلياردو وتحديت وحده من ٥٠٠ درهم وفزت وحرقت قلبها واخذت الـ٥٠٠ تحسبني بجامل بعدها نرجع نرتاح ابو ساعتين ونطلع سكاي او مزيكا او نتمشى بالسيارة .. طبعاً صارت احداث كثير مررررره بس الذوق العام مايسمح اكتبها وانا انسان ما احب افكر ابدددد ومالي خلق اجيب مترادفات للكلام .. جينا ليوم العودة كنت كل يوم اقول بكرة بعده بكرة بعده لين حجزت وقردني حظي وطلعت اسهر ورحلتي الساعة ١٠ الصباح يوم رجعنا من السهرة قلت برتاح شوي بس ووصيت من يصحيني وجزاهم الله خير صحوني الساعة 1 الظهر اللي هو توقيت اقلاعي من كازا لجدة وانا بأغادير ههههههههههههههه ورجعنا ندور حجز وحجزنا وراحت علي نومة وتارت التيارة آخر مره قلت كفى حجزت دايركت من كازا لجدة درجة اولى مافيه غيرها حسبي عليهم والاقلاع ١٠ بالليل طلعت من اغادير ٥:٣٠ العصر ومعي سواق دجاجة هبلني بالطريق ماغير يبوق ويسوق قلت مهبول انت والا صاحي تبينا نموت اقسم بالله اني ماتوقعت الحق عليها والحمد لله لحقت ومن الوناسة تعشيت بالمطار واكلت حلى طبعاً وكابتن الخطوط وخويته بالطاولة اللي جنبي ضامن انهم والله مايطيرون الا وانا معهم ههههههههههه ووصلت لجدة وريحت ويوم صحيت رحت للميقات واحرمت واعتمرنا ولله الحمد واليوم وصلت للرياض .. هذا تقرير رحلتي وحاولت اني اختصره ويكون مباشر .. اللي يهمني التقرير اللي تحت




اخواني اللي بيسافرون او سبق لهم زيارة المغرب .. انا والله يشهد علي اني لكم ناصح وانا عندي من الذنوب مالله به عليم والله يغفر لي ولكم .. بدون مانسيئ لأحد بعلمكم كيف تتصرفون بالمغرب حتى وان كنت لحالك حتى ولو اول زيارة لك اسمع مني واترك عنك المهايطية والبياعين

هذي نصائحي لكم
1- لاتثق بأحد ابداً مهما كان ولكن صاحبهم فقط
2- لحد يعرف عنك اي شيء من خصوصياتك .. فلوسك ، وظيفتك ، وضعك بشكل عام .. يكفتى بالاسم وسوالف عامة
3- خلص امورك بنفسك ولاتعتمد على احد .. وابتعد عن السماسرة ماوراهم الا المشاكل والله والكلام الفاضي احجز السكن من المؤيد للسفر والسياحة اسعارهم حلوه ويضمنون لك سكن نظيف ولهم مكتب بالمغرب تقدر تراجعهم
4- لاتتناقش انت واخوياك بأموركم المادية قدام اي احد خصوصاً طيوركم
5- اذا بتستأجر سيارة بيعاملونك الشرطة والدرك حسب نوع السيارة رنج وبهرجه بتدفع الاكرامية بكل مشوار بتاخذ لك سيارة صغيره عاديه قليل اللي بيوقفونك
6- الشعب المغربي أوادم مثلك مثلهم لذلك لاتسوي لي فيها انك جاي بفلوسك معناته ملكت الدنيا لا يبوووي احترم نفسك يحترمونك تقل ادبك تحمل اللي يجيك ولاتجي تتبكبك عندنا
7- مراكش اذا مافيه موسم انتبه لاتدفع عربون الا اذا شفت السكن بعينك لكن مثل بعد رمضان احمد ربك على اللي انت فيه
8- فلوسك خذها معك كاش واذا وصلت لكازا لاتحول من اللي تحت .. خذ شنطتك وتعدى الشرطة بتلقى كل البنوك شف اعلى سعر وقرر ولاتحول الا مصروفك اذا انت عارفه واترك الباقي للحاجة ومصروفك انت اللي تحدده حسب احتياجاتك
الطير مايزيد عن ١٥٠٠ درهم واذا زاد انت خروف مع احترامي طبعاً .. وبعض الطيور اذا انت وسيم صاروا حواليك بدون شيء وربي
الطاولة تختلف من مكان لمكان من ١٥٠٠ الى ٢٠٠٠ درهم
الأكل حسب المطعم لكن ركز بالفاتورة نصيحة

9- المتسولين بتعطي واحد بيجونك عشرة لذلك النظام صمٌ بكمٌ وبتمشي امورك

10- وهذا أهم شيء .. يررررحم أم أم أمكم لاتعيشون جو الحب والغرام وتشغلونا مرتين يتضاربون ٢ قدامي ويوم سألت البوديقارد قال هذولا دايم كذا ويحبون بعض .. هذا استهبال ياعيال بالعقل وحده طالعه معك من ديسكو انت بعقلك انها بتحبك وبتصير وفيّه لك!!! ومن الخرفنه تكلمها من السعودية وتحول لها فلوس ياسسسسسبك .. اذا هم اصلاً عارفين انك ماجيت لسواد عيونهم انت جاي لأهداف براسك وعشان كذا يعاملونك مثل مايشوفون منك .. وانتبه تعطي طيرك رقمك السعودي ترى انت اللي بتكره حياتك بالسعودية وتبي ترجع عشان الكلام الحلو ووو الخ ... ترى الوضع كله على بعضه اليوم بيدك وبكرة بيد ١٠ غيرك يعني انتبه يانبيه



بأختم لكم بموضوع أقسم بالله الذي لا إله إلا هو انه صار قدامي وشايف كل شيء بعيوني .. هذا يوم كنا بمراكش كانت معنا وحده حبيبه ووسيعة صدر وبنفس الوقت ملكعه المهم كانت هي فوق وانا والعيال تحت بالصالة وجنبي آيفون احسبه جوالي يوم رفعته والله العظيم من غير قصد شفت الرسايل اللي بالشاشة واشوف واحد كاتب حولت لك 30 ألف المهم والرسالة اللي تحتها مكتوب سامحيني ياحبي والحوالة اللي طلبتيها عندك!!!!
انا بيني وبينكم بصراحة قفلت معي وعرفت انه خروووووف جت البنت والجوال مكانه مادرت عن شيء يوم شافت الرسالة تغير لون وجهها وطلعت تكلم يوم رجعت نادت صاحبها قالت امي تعبانه ولازم امشي .. جاني خويي وقالي انا قفلت معي وناديتها قلت افتحي الجوال والا والله لأسوي لك مشكلة لاصارت ولا استوت طبعاً انا اذا زعلت مررررره تطلع عروقي من مكانها المهم فتحت الجوال وفتحت محادثته اسمه (مشعل) وكلمته ويرد علي برسائل صوتيه يبكي قلت له تدري من انا قال ايه انتي الحب والعشق ومدري ايش قلت انا عبدالله ياحمار يا اهبل والبنت كذابه وتستغلك ومع الكلام اتضح انه محول لها ٧٠ ألف درهم مدري هي ساحرته مدري هو خروف المهم فتحت المحادثه اللي تحتها لقيت واحد اسمه (وليد) قسم بالله محول لها ١٢٠ الف درهم مدري ريال قايلتله بشتري سيارة والأهبل محول لها وواعدين بعض بالزواج ومن ديسكو هههههههههههههه اللهم لاشماته المهم مانقدر نرجع الفلوس الا عن طريقها والحيوانه تقول اذا هو خروف ويصدق كل شيء مو ذنبي انه يحول لي وانا ماراح ارجع درهم قهرررر ياعيال والله قهررر لذي الدرجة وصلتوا من الخررررفنه آخر شيء طردناها طردت كلب عشان يربيها الشارع هذي ماتخاف الله
طبعاً الجنسيات كلهم خليجيين واحد من دولة والثاني من دولة ثانية واكتفي بذلك .. والحين الطيور طايحين بحركة السناب شات يصورون وهم بديسكو عشان الخليجيين وكذا عشان يجيبون متابعين ويبيعون الحسابات اللي قلت لكم سالفتها مشاهداتها ١٢٠ ألف خروف هههههههههههههه


أخيراً انا ارحب بالنقد الهادف اما قلة الأدب فمالها مكان هنا ... واعتذر على الاطالة وربي كتبت لكم التقرير على عُجالة عشان حبيبي Black night واذا فيه اي استفسار انا تحت امركم .. وشكراً لمروركم مقدماً

لا هنت

__________________
تصادق مع الذئاب ... على أن يكون فأسك مستعداً

لاحول

أبدعت بالتقرير ياعبودي
هذا وإنت على عجاله
وبصراحة العشرة نقاط من أهم مايحتاجه الواحد لكي يعيش بسلام وتكون سفرته رايقه
وياليت يركزون ع النقطه العاشره

حسستوني انت وياه كأنو انتو الي دافعين من جيبكم

هههههههههههههههههه
أول شي أنا ماكنت أقصد اللي يحولون ولا البنت المحول لها
كنت أقصد اللي يدور حب وغرام في نايت كلوب

إعجابك بالتقرير هذا هو خاتمة التقرير .. لجل عين تكرم مدينة بلوكي

انا خلقت للعبادة اولاً .. وثانياً لإصلاح حال الخرفان عافانا الله واياهم مما ابتلاهم به .. وبعدين يابنت مراكش كأننا ضغطنا على الجرح شوي

والا وش رايك ميسيو بلاك

تقرير امفصل تفصيل عدل عبودي جبته بالجبهة بصراحه خاصه النقطة العاشره .... البعض من يسمع كلمه احبك يصير ويتحول زبده دينيماركيه يذوب .. تقرير مبدع واستمر بالوناسه والزعطه الذكيه ..!!

لا والله حظي النحس ما عمره جاب لي هيك شي