تطبيق بنك الراجحي + تطبيق بنك الاهلي .. عالجوال .. وانت مسافر ؟ كيف تشغلهم

البرنامج هذا مفيد لجميع اللي مسافرين خارج السعودية تتصل وتستقبل لا اي رقم داخل السعودية كانك داخل السعودية انا استخدمته في سفراتي هو برنامج أسمة روم توك نزلة من أبل ستور وبعد ماتنزل البرنامج يطلب منك الاسم الباسبورد ترسل رسالة الي 1100 تكتب فيها روم توك وتجيك رسالة الباسبورد تدخل علي البرنامج تدخل رقم جوالك بدون الصفر والرقم السري من الرسالة اللي وصلتك وتستخدم رقمك كانك داخل السعودية تتصل وتستقبل كانك بالسعودية وسعر نفس اللي بالسعودية واذا عندك دقايق مجانية تتصل مجاني

البرنامج يشتغل خارج السعودية فقط وترسل رسايل وتستقبل وتركب شريحة مغربية وانت تستخدم التطبيق للاتصال برقمك السعودي

للاسف بحثت عنه بالابل استور مالقيته

ومافهمت فكرته بالظبط

اعطنا اسمه او الرابط حقه

واشرحه لنا بشويش عشان نفهم

وشكرا لك

ياحاتم
اذا جوالك sts فعل خدمة موجود اكسترا وحوله موجود وانت بالمطار والي يتصل عليك يعطيه الجوال مغلق كأنك بالسعودية ومقفل جوالك وكمان تعرف من الي اتصل عليك ، وتجيك رسايل sms حقة تطبيق الراجحي والاهلي وامورك بالسليم وصلى الله وبارك .
خمس سنوات وانا استخدم هذي الطريقة ولا واجهت اي مشكلة ومنها تعرف من الي اتصل عليك وترجع تتصل على الاتصالات المهمه .

__________________

الحياة ليست عدو لنا بل صديق مشاكس

واذا موبايلي
وش الحل
اعرف موجود اكسترا حق stc يقولون بطل

للاسف موبايلي خدماتها تحت الصفر

اللي يبغا البرنامج وكيف الطريقة يكلمني وانا بخدمة

في اخر سفره كنت حاط موجود اكسترا ديال موبايلي وكنت مزبطها من السعوديه من زود الحرص زي كل سفره بس السفره الاخيره جابت فيني العيد لذلك وجب الحرص ولا تنكبون بموجود اكسترا لانها توهيقه في الفتره الاخيرهه

خذ لك رقم جديد وسجله في حسابك في اي بنك بالصرافه وانتها الموضوع تقدر تستقبل رسائل البنك اذا تبي تدخل على حسابك او تستقبل رسائل لما يخصم من حسابك او يتم إيداع بالبنك ولما ترجع ديرتك رجع رقمك في حساباتك وريح راسك أتمناء أفدتك

الجوال السعودي مهم جدا لتكون متواصل مع الآخرين للضرورة والجوال الآخر حط عليه شرائحه مغربيه

يا سسسسسلام عليك ـ رقم سعودي محد يعرفه ومحد يدق عليه ـ وخله شغال حتى في المغرب ..
:maroc (1046):