مابين اقول الحمدلله رحت للمغرب ومابين متندم

السلام عليكم ورحمة الله وبركاته
انا من النوع اللي طلعت على الدنيا ماقد طلعت برا المملكه ابد وسبحان الله اللقافه الزايده يوم جاء قبل رمضان اللي راح جاني واحد من اخوياي وقال امش معي للمغرب خل اوريك الناس شلون عايشه وانا اجلس اقلب الموضوع براسي وقلت ياولد يله خل اروح اتمشى واغير جو وبحكم اني عزابي اعطيت الوالد مخرج شنيع قلت عندي دوره لمدة ١٦ يوم بالشرقيه ويوم جاء ثاني يوم دوامات بعد العيد كان وقت الرحله من الرياض لكازا يعني لدرجة اني اشوف خويي مبسوط ومتحمس واقول بيني وبين نفسي الحمدلله وش فيه طاير السفيه هذا ،
المهم وصلنا لمطار محمد الخامس وخلصنا امورنا وختمنا وكانت الوجهه لمراكش ويازينها من وجهه تعرفون شلون صرت اناظر لوجهي بالمرايه واتفل واقول ياحسافة عمري اللي راح وماسافرت كانت النيه ١٦ يوم خويي رجع وانا مدتت ١٩ يوم ورجعت وجلست اربع ايام بالسعوديه وبعدين رجعت وجلست ٣٤ يوم ولحالي لدرجة الدوام سحبت عليه والحين ياناس تعرفون اللي حتى طلعه من البيت ماطلع كل تفكيري هناك" بسالكم الحاله هذي طبيعيه ولا وش مالي الا الله ثم انتم يالربع

وضعك اوفر بزيادة .... روق واستهدي بالله ترا الوضع عادي رمز بدنياك هنا وشغلك وانس هالديرة

استطعنا بس ماستطعنا♂️

طيب شرايك تفصل لنا رحلتك الاولى والثانيه ونشوف تفاصيل رحلتك يمكن نلقى لك علاج ...!!

ابشر بعطيك تفاصيل اول رحله

تسلم وفي الانتظار

سبحان الله نفس ماحصلي بس بدون دوام انا انا عام ١٩٩٦كانت رحلتي الاولى والوجهه كازا قبل مراكش ماتطلع ورجعت عقب اسبوعين وكان باقي اسبوع على الفحص الطبي لقبولي بكليه الملك فهد الامنيه قلت اروح خمس ايام وارجع وجلست شهر والحين لي ٢٢سنه ماكو فكه من المغرب ابدا

المهم وضعك طبيعي وخذ هذي
https://youtu.be/9M36GcFNDOo

اول ماخلصنا امورنا من الجوازات وختمنا كان خويي متفق مع سواق وكان ينتظرنا برا ورحب بنا ترحيب حار وانا ماغير مطير عيوني يمين ويسار مابين ناس تسلم وناس تبتسم حسيت اني انسان لي مكانتي يعني المهم ركبنا مع السواق وكان خويي يكلمه عن اشياء باللهجه المغربيه وصار يتفق معاه وبعدين اتجهنا لطريق زراعي وودخلنا بين مزارع وكان فيه صاحب سياره صغيره واقف بوسط مزرعه وعنده ناس متجمعين عنده نزل صاحبي لم صاحب سياره وانا جالس مستغرب المهم بعد مارجع صاحبي كان معه حوالي ٦ قوارير لونه اخضر انا احسبه سبرايت لان اخوكم بالله مايدري وين الدنيا فيه (. سالته قلت سبرايت من هنا ينوخذ قال ايه ايه وجلس يضحك وقالي اشرب من السبرايت الله وكيلكم شربت ويوم تطعمت فيه الا طعم بيرة شعير قلت وش ذا لايكون الخمر وجلس يضحك هو والسواق وانا اكرر السوال عليهم وبعدين سحبو علي وجلست اشرب قلت ممكن بيره عاديه ههههه صاحبكم خلص ثلاث بيره ورا بعض يوم خلصت الثالثه وانا اسند ظهري على المرتبه وهه ياولد كاني جالس بوسط بحر الدنيا تروح وتجي قلت بيني وبين نفسي شكلك سكران ياولد ازبط وضعك الشكوى لله قدها وزت السالفه خلك رجال << الرجال صار يضحك على اي شي المهم وانا عايش اجواء اني بوسط بحر مادريت الا خويي بحضنه ورقه كبيره وجالس يحوس فيها قلت ياولد وش تسوي بزر انت قال لالا اصبر شوي وتبي تشوف التحليه وانت بالمغرب قلت حبيبي من بحر للتحليه هذا اللي ماحسبت حسابه وجلست انتظر وكل شوي اقوله وين التحليه<< الرجال مهوي من البيره يوم اخذت شوي مدلي الرجال زقاره بحياتي اللي عشاها ماشفت مثلها الا بالمقاطع وكذا قلت هذا وشو بعد لايكون حشيش يارجال تراني دخان بالموت ادخنه قالي لالا هذي يسمونها تبويقه قلت يعني وش تبويقه قال يعني دخان بلدي قلت عطني دخان المغرب البلدي (؛ الله وكيلكم ووكيل السماء والارض من ثالث موشه من دخان المغرب حسيت صفائح دمويه طارت من راسي هههههه صرت ابغى اتكلم بس حاسة النطق راحت مادري ليش لدرجة جلست اتخيل اني صرت اطرم وجالس اقو بيني وبين نفسي هذا اللي يكذب على ابوه عشان سفره وجلست افكر شلون اقنع اهلي اني صرت اطرم وسويت فلم بيني وبين نفسي شنيع<<ههههه الرجال داخل بفلم قوي المهم كذا وانا جالس بالفلم حقي صحاني صوت خويي وهو يقول ازبط وضعك تفتيش هنا حسيت اني صاحي باللحظه هذي بس ماتدري كانك بحلم المهم عدينا من التفتيش ويجي ابليس خويي وقال اسمع امسك دخان بلدي ثاني وعطه خيرر قلت لا تكفى خلاص قال اتت بالمغرب عش يومك قلت عطني الله يلعن مخاواك ههههههه عطاني لكن الشعور الحين صار اشنع من اللي قبل صرت اتكلم عادي بس انواع الخربطه شوي اقول حديث شوي اقول مديري بالشغل ولد كلب هههههههه دخلنا مراكش واتجهنا لمنتجع ملايا ... بعد شوي اكمل

ياشيخ وقسم بالله انت جبته على عروق القلب هههههه