زيارتي للمغرب ومراكش والتي بسببها عشقت المغرب

من بعد ماصليت ودعيت الله إن يسر لي هالسفريه ويعيني وتكون ممتعه خاليه من المشاكل رحنا مكان الانتظار
وفيه كوفي صغير عادي مو متكلفين على أنفسهم وشفت ثنتين يا ساااتر مطقمين ( لبس برمودا فيزون وتيشرت علاق بنكي والفيس كلااام واللون والجسم يقولك موت حسرة )
المشكلة توني طالع من المسجد نسأل الله السلامة والمغفرة

هم ما يناظروا لأحد ولا معبرين الداخل والطالع كل وحده بجوالها كان لي نية أتحويك عليهم بس قلت وش الفايدة راح أكون مع المزمزيه وصعبة أجيب طيور هونت
شفت الكوفي زحمه قلت لنشبه وين ينتظرون اللي ينزلون قال تفضل معي طلعنئ برا في جلسات خارجية عند سكة القطار وانا واقف مع النشبة وفي نفسي أبيه يروح لكن عارف إنه يبي إكرامية بس مايبي يتكلم وأنا مسوي نفسي مافهمته تونا وقفنى الا بأحساس إن فيه شخص وراي ألتفت أحصل وحده من المزز اللي كانوا داخل وشايفين أنفسهم وصلت جنبي ووقفت وتناظر وتبسم وحركان تغنج وتعدل التيشرت من عند الصدر طبعا تعدل للأغراء أكثر شوي ولعت الدخانه أنا لحد الحين مو مستوعب ليش لحقتني وهي قبل شوي شايفها نفسها فهمت شنو هدفها سحبت النشبه ورحنا زاويه ووقفنا قال: سمعتك في الكوفي لمن سألتني وألتفتت عليك وعرفت إنك سعودي وقامت لحقتك تبيك ، اهااا هيك لكان النظام
أستمرت تناظر وتدلع أنا قلت مدام هذا النظام ولسئ ما دخلت الديرة بشوف شئ يطير العقل أثقل بس

* وصل القطار ودقات قلبي بدت تلعب خبيتي المزمزيه نزلت طبعا زي ماقلت كان يوميا عالسكايبي يعني حافظين وجيه بعض وتخمني بالأحضان انا للأسف كسرت قانون الفيزياء ( لكل فعل ردة فعل ) ولا بادلتها الشعور لأن قدام الناس مرره صعبه وحاولت أنزلها لأنها تعلقت فيني وهذا شئ زعلها البنت حساسه جدا وفهمت غلط
وعطيت النشبه ٢٠ درهم قال ما اكرمتنا زودته ٢٠ درهم ورجعنا في نفس القطار مايطول يحرك بسرعة المسافة تقريبا ( نص ساعة )في الباص أناظر لطبيعة البلاد الساحرة وبداخلي أخيرا وصلت للمغرب على أنغام ( مشتاق للمغرب طلال مداح
وأبو نوره ودع اليأس وسافر وأغربي )
وأتلذذ بالنظر لفتاة سحرت قلبي بجمالها للأمانة وفتنت بأدبها وأنبهرت بثقافتها وصبرها لظروفها وأعجبت برقة أحساسيها وكان الإرهاق والتعب بدأ يتمكن مني وهي تقولي شكلك مره تعبان خذ فندق في كازا اليوم ونام وبكرة نروح مراكش كنت رافض لأن وقتي ضيق
خليط كلامها المغربي مع السعودي الغير متقن رااااائع ويزيدها جمال وهي كانت مبسوطه وخجوله بس في داخلها مكسورة من ردة فعلي عند اللقاء كنت حاس بهذا الشئ ولكن كنت ناوي أجلها لحين الوصول
وأنا بداخلي مبسوط بس فيه إحساس الذي يصيبك عندما تذهب لمكان لا تنتمي له
* وصلنا المحطة واخذنا تذاكر حق مراكش قيمة التذكرة (٩٠ درهم )الغلطة ماخذيت درجة أولئ لاني ماكنت أعرف أنه مزدحم ومع السعادة والإرهاق صرت ما أجمع أخذنا طاولة في الصالة وسوالف قلت أبي نطلع برا بشوف العالم
الجو رائع والناس البسيطة والوجه الحسن
* موعد القطار الساعة ٥ ما مشينا الا ٥:٣٠ القطار كان مزدحم وكثير توقفات يعني يبيك مريح في كازا بعدها تركب لمراكش المهم داخل القطار وزحمة الشعب المغربي وطبيعتهم أحسست براحة وشعور وأنا أحب التداخل والتعرف وقضيت الثلاث الساعات بين تأمل الطبيعة التي بين كازا ومراكش وأملي عيني بجمال فتاة رغم حالها وظروف عائلتها الصعبة إلا أنها أستقبلتني وقبلت بذهاب معي لمراكش وكانت تقول أنت في بلدك لا تخشئ أنا معك ولن أرضى أن يصيبك مكروه لأنك سويت أهلك كانوا مو راضين إنك تجئ وأبيك ترجع سالم لهم ( ويلوموني )

وصلنا محطة مراكش الساعة 8:30 من كثر التعب حسيت إني في دورة صاعقة ( خاص للعسكر ) بس لمن نزلنى وشفت الحياه والحركه والشوارع مزدحمه من كل بقاع الأرض أنبسط وشوي صحصحت واخذنا تاكسي رحنا فندق أكدال قريب من المحطة مره ب 10 دراهم
* وصلنا قال مافيه غرف مشينا تعديت فندقين لأني مارتحت لهم بعض الفنادق يكون في مرقص وتحصله مفتوح للكل فيصير إزعاج وأحتمال مشاكل خاصة بعد تعبئة الطاسه شفت فندق اسمه ( تاشفين ) 3 نجوم في كليز الفندق للأمانة من برئ عادي ولكن من الداخل نظيف وهو ذات طابع لتراث المغربي التقليدي وأثاث وديكور الغرف لتراث المغربي يشبه لسكن اللي يطلقون عليه ( رياض ) أغلب النزلاء أوروبين وهو هادئ وبعد الساعة 12 يقفل الباب ولا يفتح الا لنزلاء
لا أسوي إعلان بس ما أشتكيت من شئ وأرتحت فيه من تعامل ونظافة لأني في موضوع السكن أحب الهدوء ما أقولك لا تنطرب وتفلها بس بالمحدود جاء على مزاجي الزبدة .

المهم لقينى غرف أخذنا غرفتين لكل شخص غرفة مستقله بدورة مياة أكرمكم الله قيمة الوحدة ٣٠٠ درهم ،، نزلنى الأغراض
وهنا أستقبلت المزمزيه كأنه أول لقاء كل شئ وعلمتها وتفهمت وضعي بحكم المجتمع وريحنا شوي وسوالف وضحك وقلتلها ميت جوع طلعنا نتعشئ في شارع قريب من الفندق بعد 5 دقايق مشي كله مطاعم شعبيه راقيه واكل لذيذ وأسعار حلوه الشارع عامر وجلسات على أنغام أغاني عربية وخليجية رائع جوهم
رجعنا ووينك يالفراش ونووووم

الجزء القادم بداية الهجولة والتمشيات وقصتي مع الدرك

تقرير واعر بالزاف استمر يابو خلي

تقرير اخذ منك وقت وجهد وتدوين كامل التفاصيل من اوقات و تواريخ
بإنتظار تفاصيل باقي الرحلة والاحداث التالية ... يامال العافية يا مجنون صاحي

__________________

تقرير جميل وبسيط يدل على اسلوب سارده.

مجهود رائع مستمتعين معك واصل يابطل

الله يعافيك ويسلمك

تسلمين من ذوقك

امتعتنا ...اسلوبك سلس بعيد عن الهياط والفشخرة ...اعترافك انها كانت اول سفرة خارج السعودية بساطتك ......شيء جميل .....جالسة بالكراسي الأولى اتابع وانتظر المزيد

للامانه اعجبني التقرير ووذكرني ببدياتي

جميل وأكثر من رائع .

الله يسعدك.

__________________
لاتسمع كل ما يقال ولا تقول كل ما تسمع.