فزعتكم يا أهل الخبره والتجارب

في من هو افضل مني

واعرف بمراكش
كنظافه منوار النخيل
كاامان الروز

الدرقاوي لو بريال مااسكن فيه حتى لو بوابه 10

نصيحة خذ بجنة الأطلس جد ممتاز و راقي ،
الفلل جديدة و الأثاث جديد ، مسبح خاص ، و كذالك خدمة ممتازة ٢٤ ساعة

كلامك 100%
انا رحلتي بعد بكرا ولا حجزت شي للحين

اخوي ويل هل منوار النخيل امان ؟؟؟ وعذرا على الازعاج ياليت تفيدني الله لايهينك

ماااقدر اضمن لك شي الضامن الله

بس الي اعرفه ان الروز محصن البقيه ممكن بلحظه يقلب
بس بمنتجع لا تخاف محد يجيك اقصى شي يمنعون احد يخش عندك

شكر وتقدير لتفاعلك اخوي محمود لكن هل جربت جنة الاطلس ؟ وهل هو امان ؟ وتعاملهم جيد ؟

متابع

وعليكم السلام

طبيعي تختلف اذواق الناس وحاجتها بكل مكان
حتى نفسيتها ترتاح بمكان عن مكان
وايضا طبيعي كل منتجع قديم يفرق عن نظافة منتجع جديد من ناحية الاثاث والفخامة
الغير طبيعي اني انصح بمكان لم اجربة
واغلب المنتجعات الجديدة مامرت على اكثر الشباب .
فالأغلب ماراح للمنتجع علشان فخامتة او حاب يدفع دراهم زيادة وصدقني لو الامان اللي بالمنتجعات موجود بالشقق بنص البلد ماحد سكن المنتجعات الا الهاوي يسترخي بعيد عن زحمة البلد .

اما اذا كنت تبحث عن مكان تاخذ راحتك فية في مراكش بغض النظر عن مدى فخامتة ونظافتة بالنسبة للشقق انصحك بالدرقاوي وعندة فلل مرتبة ونظيفة . بالنسبة للشقق عندة فيه النظيف وفية القديم بالنسبة للاثاث.
والروز قاردن ايضا فتح فلل جديدة داخلة ولم اجربها . هم الاثنين اللي متربعين على العرش في مراكش بسبب الامان فيهم .
والناس اراءها كثيرة وتحير انت شوف حاجتك وين واختار كما ذكرت لك فية منتجعات فتحت جديدة لكن التجارب فيها قليلة وصعبة المغامرة في المجمعات .
وبالتوفيق بسفرك

مشكورين يا اخوان وراج احذ بالأعتبار منتجعين .. الروز قاردن او النخيل الدرقاوي ..لان جنة ألأطلس للأسف لايوجد رد منهم .. وبالنسبة للمسؤول عن الوتس اب لمكتب نعمه تعامله غير احترافي بتاتا ولايجيب على الأأسئلة .. فمثل ماقالوا خلك علي مجنونك لايجيك اللي أجن منه لكن اتمني اتمني يا اخوان احصل فله كويسه نسبيا فى مراكش

الاخوان ماقصروا بالنصايح و لكن ازيد عليهم بعض النقاط و حطها في اعتبارك :

1- الحجز المبكر يغنيك عن كثير من المشاكل و لحد يقول اوصل مراكش و احجز لان بهالطريقه لبست نفسك حبل المشنقة و الكل بيرفع اسعاره عليك لانه عارف انك مضطر ان تسكن مهما كلفك الثمن ... انت حاليا عالبر تشرط و شوف و قارن و من ثم احجز و سبق ليله او ليلتين .

2- ابتعد عن الفلل الخاصه ... جروب بهالعدد مع ضيوفكم يعني 10 اشخاص .. الازعاج و المشاكل راح تكون حاضره ... ابتعد عن الفلل الخاصه و خلك محمي داخل منتجع .

3- الدرقاوي صح قديم لكن ميزته قريب من خدمات كثيرة حولينك ... الروز انصح فيه لعددكم ... منوار راقي لكن اتوقع سعره اغلى و لكن ليس بمستوى امان الروز او النخيل .

وشكرا

__________________