فزعتكم يا أهل الخبره والتجارب

السلام عليكم ورحمة الله وبركاته.. أحب أمسي على الجميع..

يا أخوان انا في حيره من أمري وأحتاج مساعدتكم ..أنا في شهر نوفمبر بكون في مراكش ان شاءلله وعددنا خمسه ونبحث عن فله ..انا أحترت بسبب تضارب الأراء والأذواق فى هذا المنتدي الرائع .. البعض يذم النخيل الدرقاوي من ناحية قدم المنتجع ومن ناحية الأثاث والبعض يقول ان الفلل لدى الدرقاي جيده نوعا ما .. كثير مؤيد للروز قاردن وايضا كثير يذمون اثاثه .. منوار النخيل حاولت أبحث عن تقييم له او تقرير ماوجدت .. كذالك جنة الأطلس... فياليت يا أخوان تساعدوني وترشدوني لأفضل منتجع تكون عنده فلل خلوني حضاريه نوعا ما واثاث جيد وتعامل وامان ..

تقبلوا تحياتي اخوكم بو ساره

نسيت نقطة اخري مهمه يا أخوان...

لم اتواصل مع بعض سماسرة العقار وأطلب منه يرسل لي صور لفله معينه أحرص دائما ان الصور ماتكون مكرره ونفس الصور الدارجه في الإنترنت لكن للأسف يرسلون نفس الصور الدارجة فى الانترنت فبصراحه معظم السماسره يفتقرون للمصداقيه وعجزت اجد سمسار عقار صادق مع العلم والله ماراح ادفع ريال لين اتاكد من الفله وانها تكون مطابقه للصور فرجاء لاتتعب نفسك وترسل صور قديمه

منوار النخيل افضل حل بالنسبه لعددكم

انت جربت السكن فى منوار النخيل أخوي ؟؟ واذا جربت السكن فيه عطني رايك لاهنت

انا جربت في بريستيجيا وحجزته عن طريق نعمه للاستثمار
وكان عندهم في منوار بس ماسكنت فيه وع كلام الشباب بالمنتدى حلو وافضل من الروز والدرقاوي من ناحية الاثاث والنظافه

اخوي خالد بالنسبة لمكتب نعمه هل تنصحني بالتعامل معه ؟؟؟ وهل هو يحجز لكل المنتجعات ؟؟ اسف اشغلتك بالأسئله ولك جزيل الشكر وياليت رقم المكتب الواتس اب حقهم عشان أطرحهم اليوم

انا عن تجربه معهم انصحك، وتتفق معهم باللي تبي ورقمهم طال عمرك موجود مع المعلنين،فيه اتوقع وحده اسمها بسمه هي المسئوله.

انت رايح بوقت مو موسم احجز وانت هناك
حتلقى متوفر بالراحه

حياك الله اخوي ويل ماشاءلله عليك باين عليك خبره .. هل تنصحني بمنتجع منوار النخيل ؟؟ او الروز قارن ؟؟ او الدرقاوي ؟؟؟

اسكن بالدرقاوي ولا تشاور احد واذا ميزانيتكم زينه اسكنو بمنوار النخيل