مزاعيط المغرب - السفر الى المغرب - منتدى الفخامه ( مزاعيط المغرب ) رحلتي في شهر آبريل ٢٠١٦

السلام عليكم ورحمة الله وبركاته

تراي غشيم في كتابة التقارير لاتقعدون تنتقدون تقريري ممنوع الانتقاد وانا في وجه المشرفين من النقد هههههههه .
آول شى آشكرررررررررررررررررررررر القائمين على المنتدى والاعضاء لاسباب ماتخفى على الجميع ولسبب بذكره لكم في التقرير وهو الي خلاني اكتب العنوان بالشكل هذا : منتدى الفخامه ( مزاعيط المغرب ) رحلتي في شهر آبريل ٢٠١٦ <<<

نبدا بآسم الله

طبعا هذي كانت اول سفره لي للمغرب وكانت صدفه لاني كنت في مصر وكلمني واحد من الشباب وقال بجيك وبنروح للمغرب
مع اني كنت بروح للصين بس شائت الاقدار ،، ( خط السير القاهره - الدار البيضاء ون وي ) الاماكن الي زرناها مراكش واقادير.
اقلعنا من القاهره وصلنا الدار البيضاء الساعه عشر الصبح خلصنا اجراءتنا ماحصلنا مضايقات واستلمنا الشنط وعلى مكاتب تاجير السيارات اخذنا جيب شروكي بالف وميه درهم لليوم وتعرفنا على شباب في المطار طافتهم الرحله قعدنا نسوالف معهم وقلنا لهم ان حنا مانعرف شي عن المغرب كل الي نعرفه مراكش والنخيل وجاين على وجيهنا ( يعني خط لزق ) ماقصرو عطونا رقم واحد سواق و طلعنا من المطار الى مراكش وخذلك مخالفات من الدرك وحنا ماشين الجو كان مزيان مره << صرت منهم خلاص ،، الخط غيم والسواق نشيط والارض خضراء وانا على الباب الايمن متكي :0005: في موقع مزاعيط المغرب فديتهم ، وصلنا مراكش وكلمنا السواق قلنا نبي فله في النخيل او منوار النخيل او الروز قاردن هو يدور من عنده وانا اكلم المعلنين في المنتدى وكلهم ردهم واحد ( المكان عامر ) :maroc (913): وقعد يدور فينا وبعد ست ساعات حصلنا في الدرقاوي بوابه ( ٢ ) شقه حليوه بالشغاله واخذناها ليلتين ونمنا واليوم الثاني طلعنا نستكشف مراكش وقوقل مااب على الذمه ،، قعدنا في شقتنا ذي يومين وطلعنا منها وليتنا ماطلعنا !!!
رحنا للروز قاردن ( مجمع الاشباح :vampire: ) ،،،،،،
اخذنا فيه فله ثلاث ايام هو كويس وافضل من شقة الدرقاوي بس ياناس ذبحنا قلة النوم :maroc (1094): في هالمجمع وسوسه وهم .
يميز الدرقاوي فيه كافيات وحرررركه وناس رايحه وناس جايه والنظافه فيه ممتازه مهب مثل الروز تشحذهم عشان النظافه وحاطين اللحاف حق الاسره بطاطين ملونه عشان مايبين فيها الوصخ ؟
المهم الدرقاوي تعاملهم معانا مش كويس بس شقتهم كويسه ،،،
الروز تعاملهم ممتاز واحسن استقبال بس عيبهم النظافه والمكان موحش .
( طبعا انا وخويي متعودين على الفنادق الخمس نجوم في البلدان الي زرناها تطلع من غرفتك ترجع تحصلها جديده هذا
الشي ماحصلناه في الاماكن الي سكنا فيها بالمغرب لازم تشد حيلك ويرتفع ضغطك ويضيع من يومك ساعتين عشان النظافه،،،) عندنا قاعده في السفر نصف السفر يعتمد على السكن اذا كنت مرتاح بيكون كل شي عندك كويس والعكس.
قعدنا في الروز ثلاث ايام كل يوم خويي يقول خلنا نرجع للسعوديه ما ينام الا ساعتين :maroc (1101): هههههههههههههه وانا ثلاث ساعات قلق مدري وش منه :maroc (1094): هل من ذي المقبره ولا من برنامجنا الخايس ( سهر + نوم ) حنا مو من نوع الي يسافر عشان يسهر وبس نحب نتمشى ونستكشف البلد بس الروز ماعطانا فرصه للنوم هههههههههههه وماتعودنا على هالبرنامج وتحس انك مجرم وانت داخل للمجمع ههههههههههه ( الزبنه ) المهم جاتنا ضيقه وزاد عليها قله النوم ومالنا غير خمس ايام وخويي يبي يرجع للسعوديه وانا على حده قلت ياولد خلنا نجرب اقادير قال مشينا .
* نجي لسالفه عنوان التقرير منتدى الفخامه ( مزاعيط المغرب ) رحلتي في شهر آبريل ٢٠١٦
والله ما اخفيكم انا كنت اتابع المنتدى على انه منتدى عادي بس ماتوقعت انه معروف في المغرب والناس تحترمه وتخاف منه ،،
وحنا في مراكش بعد ماتعرفنا على السواق الي عطونا رقمه الشباب وطلع شاب محترم قررنا نسلم السياره ونروح ونجي معه وياليتنا ماسلمناها صرنا نقعد من النوم وننتظر طويل العمر يصحى وياخذ دش ويقضي لعياله ثم يجينا يعني نقعد نقلب رروسنا في هالمجمع النفسيه لين الساعه ٨ في الليل :morocco_5 (11):، المهم يوم استاجرنا السياره من المكتب الي في المطار اتفقنا معه ان السياره نسلمها في مراكش او اقادير او في المطار بشرط ندفع حق الخط للسواق الي بيجي ياخذ السياره قلنا له اوكي ، يوم اتصلنا عليه قلنا تعال اخذ سيارتك قال لا انتو جيبوها لي قلنا ياولد حنا متفقين معك قال ماعندي احد يجيكم وقعدنا معه نقاشات وحوارات ويقول بحاول ادور احد يجيكم كلموني بعد نص ساعه ومن هالكلام ومايرد على جواله ونفسيته خايسه وفي الاخير يوم رد قلت لارم استدرجه واحاول معه طبعا كانت اخر محاوله وكان اسلوبي معه طيب طول هالوقت وهو معصب وفي الاخير قلت ياخي مايطاوعني قلبي اكتب عنكم في موقع مزاعيط المغرب وانا عضو فيه والله ياجماعه مارد ولاكلمه كل الي قاله اللحين يجيك واحد ياخذ السياره وقال مرحبا بيك اخوي وبكل المزاعيط وخلال ساعه وحده بس جاء واحد وخذا السياره وحتى ماشيك عليها ،،،،،، طبعا بعد ماسلمنا السياره بدا خوي يحقق معي ههههههههههههه ( من هم مزاعيط المغرب وايش صلتك فيهم ومن هو قائدهم ووووو ) وطلعنا لاقادير وطول الخط وحنا نسوي دراسة جدوى نبي نفتح منتدى ونافسكم هههههههههه ياموقع مزاعيط المغرب و سمى خويي الموقع بموقع الفخامه كل مابغينا شى قال ادخل على الفخامه :maroc (1181):.
وانا اقول بيض الله وجيه القائمين على المنتدى واعضائه الي قدرو يكونو سمعة طيبه الكل يضرب له الف حساب .
وصلنا اقادير وسكنا في فندق صحارى ،، من اول ماتدخل صحارى وانت تحس انك شخص غير مرغوب به :maroc (1017): السكرتيه مكشرين والاستقبال مكشر قلنا نبي نشوف الغرف قال طيب شفنا الغرف الي مطله على المسبح واخذنا غرفتين عن طريق مكتب المويد يومين قلنا نستكشف المكان واذا حبينا نغير غيرنا ،، عطينا الموظف الحجز وعطانا مفاتيح الغرف وقعدت اتلفت ادور احد يشيل الشنط ماكان الموظف موجود واناظر لموظف الاستقبال كنت بقوله وين الي يشيل الشنط بس ( قريت في عيونه خذ شنطك وانقلع لغرفتك هههههههههههههه ) قلت لخويي شل شنطتك لايجلدنا ذا >>>:maroc (1039)::maroc (1039):
تمشينا في اقادير ورحنا للمارينا وشفنا شقق فيها بس ما اعجبتنا اتوقع انها لملاك يآجرونها وشفنا فندق اماديل بس مادخلنا غرفه بس الكتاب باين من عنوانه ( اول مادخلنا اماديل كان فيه واحد معضل عند الباب قلنا سلام عليكم احس نفسه يقول وش عندكم هينا ههههههههههه ) عالم منفسه مدري ليه مع ان ابتسامتنا على وجيهنا متعودين على كذا في كل الدول :maroc (1170): .
دخلنا فندق اطلس وكان الفندق روعه من الاستقبال بس للاسف مادخلنا غرفه ( انصح فيه ) ، رحنا لمطعم المؤيد اكل مافي احلى منه ( بس انتبه لاتكثر كلام معهم ترى يمكن يطردونك :maroc (973): ههههههههههههه ) اقادير لاحظت فيها ان الناس نفسيتها زي الزفت :maroc (925): مع ان تعاملنا مع الكل كويس ما ادري هل لانهم يختارون كبار السن في تقديم الخدمات مثل الفندق تحصل الي يشيل الشنط عمره ستين وحتى في الديسكو وفي المطعم !!
قعدنا في اقادير ثلاث ايام في صحارى ورجعنا للسعوديه >>>

خواطر

* تعامل اخواننا المغاربه جاف نوعا ما والابتسامه مفقوده :offended: بآستثناء الجنس الناعم :maroc (892):.
* الي متعود على خدمات الخمس نجوم او الاربع نجوم راح ينصدم من الاماكن المشهوره يعني مجمع طول وعرض تحصل موظفينه عددهم قليل جدا مقارنه بعدد الساكنين والفلل والخدمات الي يحتاجونها ( اقتصاد في العماله ) كآنهم عايله ثنين اخوان واختهم يديرون مجمع !!
* الاسعار مقابل الجوده مبالغ فيها في الفنادق والفلل واماكن السهر يعني بقيمة سكننا في صحارى اخذ احلى فندق في تايلند آو اخذ فندق خمس نجوم في دبي مثل شنقريلا .
* البلد جميله واعجبتني وراح ارجع لها بس ببرنامج غير وتنظيم آكثر :detective2: .

وسامحونا على الاطاله والاخطاء الاملائيهوالتنسيق :maroc (1062):