الفزعه يا شباب

ماردونا مافيه تاكسي يودي لمراكش حاليا ب١٢٠٠
واللي قصدته انا ب١٤٠٠ هذا بسياره مستاجره
وانت عارف الفرق بين التاكسي الكبير اللي حتى مكيف مافيه وبين شخص بياخذك على سياره جديده
الا اذا انت تقعد بالحر ماسك خط فوق الساعتين عشان توفر ٧٠ ريال هههههه

على كذا خذ لك سياره جديده مع سواقها ب٢٠٠٠ درهم لمده اربع ايام ومعك ٢٤ ساعه

خذلك موتر من المطار اليوميه ب٣٠٠ درهم اكسنت ديزل

رواح معي سياره خاصة

ابشرك هذا اللي اسويه من سنين لا والسياره باسم السواق مالي علاقه لو يصير اللي يصير
وكل شي ابيه يجي ب اتصال سواء اغراض او اكل او اي شي بغيته ،،
ولا اتمرمط مع تكاسي المغرب اللي ٩٠٪‏ منهم نفسيات وشفارين..

او ادخل نفسي فمشاكل الاجار والسواقه والقسايم ودركهم اللي احتمال يوقفك يقول ليش تضحك وانت تسوق بس عشان يعطلك وياخذ ١٠٠ دررهم

اتمنى وصلك اللي اقصد انه الراحه تنشرى .. يعطيك العافيه

طريقتك حلوه ألصراحه

كم اجاره باليوم بمراكش

الحمد لله انا استأجر سياره وربك ساتر والأمور هانيه ومشاكلي مع الطرق لا تذكر بسيطه جدا

انا لي عشر سنوات اجي للمغرب استأجر سيارة ولا تأخذ سواق احسلك السواق اذا اخذ فلوسه نفس عليك ويتغير لان ضمن حقه واذا اتصلت فيه يلطعك ساعه على ما يجيك واذا بيجيك للمطار بياخذ ١٣٠٠ درهم واذا بيرجعك لا جيت بتمشي بياخذ ١٣٠٠ درهم ويوميته ٦٠٠ درهم ولو تأخذ سيارة من مطار كازا اكسنت٢٠١٦ تاخذها (١١) يوم تطلع عليك ب٣٦٠٠ درهم كذا تكون ريحة راسك ووفرت على نفسك كثثير وسياره تحت رجلك اي مكان تبي تروح له تدق سلف وتمشي ورب البيت اني اسوي كذا من زمان والحمدلله مرتاح

سلام عليكم شباب كيف الحال
بنسبه لتكسي من لمطار الى كازا ١٢٠٠ درهم في التعريفة متفق عليها
بنسبه لسياره افضل حتى لواحد يأخد راحته اكثر خاصه اذا موجود جي بي أس
وبنسبه لسايق اذا اخدته مع سياره تكون ازحت عنك مسؤلية سياره وريحت راسك
اذا اردت ان ينضبط معك صاحب سياره
لا تدفع كل لمبلغ دفعه واحدة لانه سيحرص عندها على رضاك حتى تكمل كامل لمده
لكن على دفعات لانه ربما لا تتفهم معه عندها تستطيع تغيره لكن اذا اعطيت كل المبلغ فأنت مظطر لتحمل اي شي
ورحله ممتعه للجميع

تعليق بخصوص اللي يدفع مبلغ كامل لسواق ماسبق تعامل معه ولايعرفه او حتى في سكن ماجربه.الشي المتعارف عليه للسكن جرب ليومين او ثلاثة اما السواق فانا مثلا عندما كنت مصر اعطيه كل يوم بيومه واحيانا اخرها له في نهاية السفرة والامر ينطبق على اي دولة عربية.المغرب مكاتب تأجير السيارات في كل شارع وزنقة وبرامج الملاحه متوفره وبكثرة كل اللي عليك حمل برنامج واستمتع بالمغرب وابعد عن السواقين افضل لك وامن ترى.