يسعدلي صباحكم ومسائكم بكل خير
اخواني الاعضاء
حبيت اني اشارك معاكم في قصيده بسيطه وهي بوح مافي الخاطر
ومهما كان الميول الى محبوبتي كازا ولكـن تبقى لمراكش الذكرى الحلوه
وألمنـي كثير ماحدث لها في الاونه الاخيره
وتبقا مراكش تلك العجوز التي كل ماكبرت زاد شبابها ورونقها من الوجهات المفضله
لدى العديد من السياح
مراكش الحمرا على الكل نغليك
تبقا لك ايامـك على مر الاوقــات
وباب (دكاله) من الغربي يحييـــك
ومن شرقيها تشوف باب (واغمات)
لاجيتها افرح ولارحت ابكـــــيك
واذكـر ايامي فيك وعيش لحظات
لاشفت(الصومعه)في مبانيـــك
اذكر الماضـي وبعد المسـافات
ولا الفنـا محلاك ومحلا ليالـــيك
ياجمع العالـم وكل الحضـــارات
و(قصر الباهيه)يبهـا في معاليك
محضوض جا فيك انت بــــذات
ولاجيت للحاضر (كليز) يكفيـــك
عـن الشانز وباقي الاستريتات
و(المناره) بالغروب كنها تحاكيـك
عن( اوريـكا) و(سبــع شــالالات)
لو بكتـب فيك ماقدر اوفيـــــك
كلك على بعضك حلاوه وميزات
اي والله احبك وهذا اللي محليك
واجيك لو طالت علينا المسافـات
وتبقا لك ايامك وتبقا لك لياليــك
ونبقا لك مزاعيـــطً بكل الاوقات
معــزب كـــازا
حصرياً لمنتدى مزاعيط المغرب