سفرتي تكنسلت

طبعا كانت رحلتي اليوم الساعة ٣ العصر من السعودية. الرياض. كازا طبعا معنا واحد. من جدة وصاحبي من الرياض
للأسف أنا اول مره اروح للمغرب. رغم أني اسافر أوروبا كثير. ولي خبرتي في السفر بس صاحبنا من حدة داعي مغرب. وقال ازهلوها. طبعا هو صديق صديقي هههههههه. فهمتوها. المهم أنا من اول مو عاجبني الترتيب وكل ماقتل هاه ياشباب قالوا ماعليك. طبعا أنا متعود سفراتي. مااطلع من الرياض الا كل أموري جاهزه وعارف وين اروح وين أجي. على الأقل فيه خطه شغل. انزل واقعد فرفر في الشوارع وتلقى وماتلقى. الزبدة كان الترتيب سئ بس قلت خلني اشوف آخرتها. صحيت الصبح الا صاحبنا بجدة مرسل رسالة ان شرط المطار وقفوني يقولون راجع المحكمة
ولا اقدر اسافر وجولاته تقفلت قلت لصاحبي بالرياض. وش علم صاحبك. راعي المغرب بتسفرنا مع مطلوبين هذي بدايتها ههههههه. طبعا ضايقني كثير الموضوع قلت لصاحبي نروح أنا وياك. خلاص. وش نسوي قالي اشلون اروح وخووي مادري. وش صار عليه قلت امش أنا اضبطك. راح استخدم قدراتي لكن للأسف الرجال طلع ماش

طبعا أنا عصبت وقلت أصلا يفوتكم حوسه من اول يوم وهذي خيرة. مااسافر معاكم. طبعا كنسلت حجري قبل شوي


وقاعد ابحث عن حجز بعد ١٠ ايام. بروح لوحدي الي له خاطر يخاويني حياه الله أنا من الرياض وإذا ودة مقابلة شخصيه قبل السفره أنا حاضر الزبدة. انقهرت من الشباب وانحرجت مع مديري في العمل وسببوا لي احراج من كل النواحي زين مديري تفهم الموضوع وقال تعال داوم واطلع اجازة. ثانية وسلامتكم.

خيره ان شاء الله

اي والله خيره ان شاء الله الحين رتب امورك انت وخلك مسؤول بس حدد وين تبي وان شاء الله نحاول نفيدك لاتضيق خاطرك ترى الامور سهالات

يارجال خيره , الي هذا اوله ينعاف تاليه

الان النظام صارم بخصوص القروض المتعثره اللي مبلغ عنها اصحاب التمويل و اللي يتم عن طريقها ايقاف الخدمات و المنع من السفر بدايتها و تنتهي بتجميد الحساب حتى السداد و احيان توصل لسجن بـ امر من المحكمه

ان شاء الله لك فيها خير

و بقول لك المغرب بلد حتى و انت لوحدك ممتعه و آمان البلــد

نصائحي لك :

ــ حدد المده لسفر
ــ وزعها ع المدن اللي ترغب فيها
ــ حدد نوع سكنك اللي تفضلـه ( شقق ـ منتجعات ــ فنادق )
ــ تابع المعلنين في المنتدى و المعتمدين

بعدها حدد ايش تبي و حنا نساعدك باللي تبي و لا يهمك

ايه وعسى ان تحبو شيء و هو شر لكم

ليش زعلان ، خيره يابوي

بتسافر ولا بتخطب !?? :maroc (1180):

__________________

هههههههههههههههه

منصور المغرب تنبسط فيها حتى لو كنت وحداني المهم رتب امور سكنك وكل 5ايام خلك بمدينة يعني اجازتك اسبوعين قسمها على 3 مدن من الأن واقترح عليك بالترتيب
طنجه
اكادير
مراكش
اذا رتبت سكنك باقي الأمور تساهيل المواصلات العامه من قطارات وباصات متوفرة ورخيصة وايضا التكاسي داخل المدينة رخيصة وافضل شي سيارتك تحت امرك وانت اللي تسوق