عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


أيوه ، الحين نقدر نكتب لكم تقرير <~ أو سوالف بالأحرى

إضافة رد
 الصورة الرمزية فضاوه
فضاوه
مزعوط نشيط
المشاركات: 121
تاريخ التسجيل: Apr 2015
فضاوه غير متواجد حالياً  
قديم 2016-04-21, 12:03 AM
  المشاركه #1
أيوه ، الحين نقدر نكتب لكم تقرير <~ أو سوالف بالأحرى

السلام عليكم ..


حي الله الزقرت ، عساكم طيبين ..


هو ماهو تقرير ، أقرب ماله سوالف صارت وقلت أشارككم فيها .. كود تنفع أحد ..


بدايةً , رحلتي كانت بتاريخ 7/4/2016

من الدمام لـ الدوحه ع القطريه
من الدوحه لـ كازا ع المغربيه الله لا يعيدها


طلعنا ياطويلين الأعمار ع المغربيه بطياره الله لا يوريكم ..
الشغله الأولى , أتوقع إنها ديزل , قطعنا المسافه بـ 9 ساعات ..

اللي فك راسي إن بالرجعه للديار ، كنا ع القطريه ، ووصلنا بـ 7 ساعات

هو يا الخلل بـ الخطوط ، أو الطريق زحمه ..


المهم , وصلنا بحمد الله لـ كازا , أول شي نزلت للصرف تحت مثل ماقالوا العالم , لقيت السعر مايحمس ..

سحبت من الصراف مبلغ يعبرني لين أوصل مراكش ..

بخصوص السياره , منسق الأمور مع أبو سيرين . تبع الشمري كار ..

السياره تأخرت علي حول ساعه ونص ، وجت وسخه والشي المهم جداً جداً

مافيها هرن ، شي لازم يكون موجود معك بـ مراكش صراحه ، كم دباب بغيت الزقه بالرفرف

طيب طيب
..

تقييم الإيجار أعطيه 6\10

وصلت لـ مراكش وكنت منسق مع وكالة هناك بـ شقه بـ قليز مدة يوم واحد فقط ، قابل للتجديد ..

وصلت للسكن وماعجبني .. فـ قلت لها أوك ، ما أحتاج هالسكن .. قالت لي كييييف
انت قايل تبيها 3 أيام ..

قلت ياليل الإستعباط ..

وأدخل ع الواتس واوريها المحادثه .. قالت أهاا .. معليش ما أنتبهت ..

تراقعوا هم عاد مع راعي الشقه وهواش وقلق ..

كلمت حياة بخصوص سكن ثاني .. سبق وعطتني علومه .. فـ من بكرا رحت هناك وشفتها .. وكانت شي عجيب صراحه ..




~~~~


زقارتين ونرجع نكمل ..
رد مع اقتباس
 الصورة الرمزية Bin Tamim
Bin Tamim

أيوه ، الحين نقدر نكتب لكم تقرير &lt;~ أو سوالف بالأحرى

المشاركات: 214
تاريخ التسجيل: Feb 2014
Bin Tamim غير متواجد حالياً  
قديم 2016-04-21, 12:11 AM
  المشاركه #2
قواك الله الورد،، تبي الصدق صعب الواحد يلاقي شقة نظيفة تسوى المبلغ اللي ندفعه
تلاقي شقق اي مستىوى لا اثاث ولا فرش ولا امان والمبلغ المطلوب جنون،، والله بنفس الاسعار اسكن بفندق خمس نجوم عندنا بدبي،،
المهم نورتنا بمراكش يالورد
رد مع اقتباس
 الصورة الرمزية امير بعشقي
امير بعشقي
مزعوط مميز
المشاركات: 271
تاريخ التسجيل: Aug 2015
امير بعشقي غير متواجد حالياً  
قديم 2016-04-21, 12:16 AM
  المشاركه #3
بنسبة لوقت الرحلة من جدة ل كازا 7 ساعت ومن كازا ل جده 6 ساعات على الخطوط السعودية شي طبيع بس هدا الشي معروف من الغرب لشرق تكون المدة طويلة ومن الغرب لشرق المدة اقل
ونتضر تقرير متحمس
رد مع اقتباس
 الصورة الرمزية فضاوه
فضاوه
مزعوط نشيط
المشاركات: 121
تاريخ التسجيل: Apr 2015
فضاوه غير متواجد حالياً  
قديم 2016-04-21, 12:17 AM
  المشاركه #4
نكمل سالفتنا ..

مسكنا الخط وحنا 2 .. خوينا جايب معه عصيرين من المطار تلزمه بمراكش ، يدور الأصلي ع قولته ..

المهم أول مامسكت الخط ألا تفتيش بوجهي ويعترضني العسكري ..

قلت ياليل أبو لمبه ..

وأجنب يمين .. ويجي ويقول الأوراق وأعطيه وقالي أفتح الشنطه ..

ويلا نفتح وأنزل معه .. ويشوف البطول ويقول أيشششش هداا

عاد هنا قلت شنواااا هاااااد‘اا ، ع قولة رؤوف خليف ..

قال خمور !

قلت للأسف ..

قال ممنوع ، قلت أما ممنوع ، والله لو إني بـ خريص ..

ياحبيبي أنا شاريها من مطاركم .. يعني من هناا .. كيف ممنوع

قال ممنوع الخمور تطلع من كازا ، قلت أيوووووه ، بدينا نستهبل ..

ياحبيبي لحظه شوي ، وأدق ع رجال .. وأٌقوله هاك كلم .. قال مين ، قلت رجال يبيك ..
قال فين يخدم ، قلت ما أدري ، بس يمكن بالداخليه .. والرجال أساساً سواق ، الله يد’كره بالخير ..

عيا يستلم الجوال عموماً .. وينادي خويه . ويجي خويه يفتش أم السياره ، وقال فين المخدرات

هههههههههه

قلت دور زين ،

وقال تعال للسياره ،

قلت : فكر أنا خوف ، مشينا ..

قال حبيبي ممنوع الخمور برى كازا ، قلت وكيف أخليه مسموح .. قال شوف أيش يخرج منك ..

قلت هاك 100 وخل نمشي ، ورانا مشاريع .. قال اوك بالسلامه

ومشينا .. وقاعد أهوجس بالتفتيش الثاني .. وش بيقول بعد ..

فهمتي ..؟
رد مع اقتباس
 الصورة الرمزية امير بعشقي
امير بعشقي
مزعوط مميز
المشاركات: 271
تاريخ التسجيل: Aug 2015
امير بعشقي غير متواجد حالياً  
قديم 2016-04-21, 12:24 AM
  المشاركه #5
حرام عليك تعطية فلوس والله قهرتني مرا ثانية خش في عينو اذ ممنوع مكان سمحتو ينبعا في أسيما وقلو انا اعرف نظام البلد وقوانينها بس اذ كان البطول مقفلة مانفتحت
رد مع اقتباس
 الصورة الرمزية فضاوه
فضاوه
مزعوط نشيط
المشاركات: 121
تاريخ التسجيل: Apr 2015
فضاوه غير متواجد حالياً  
قديم 2016-04-21, 12:32 AM
  المشاركه #6
أيوه يازقرت .. نكمل لكم السالفه ..

تعدينا التفتيش الأول .. وماشين ب أمان الله ..

تقدر تقول إني حسيت نفسي مقطوع سري بـ طوكيو ، من قوة النظام

الحزام والسرعه 100 الـ 20 الزايده مابيها ..

وماسك اليمين تقل دينه ..

لين وصلت ل تفتيش ثاني حول مراكش .. عند دوار .. ويعترضوني 3 ، قلت لخويي جهز 300
هههههههههه

عنتالله ع الشوارب .. واضح جايهم جزاء ..

وأوقف يمين ويجيني قلت هلا ومرحبا .. هي الله الرجال ..

قال أوراق السياره ، قلت واضح انك صامل ..

وأعطيه الأوراق .. قال تعال للسياره .. وأروح له ..

قالي ايش عندك بالمغرب ، قلة صلة رحم ..

قال كيف شفت المغرب ، قلت الله يرحم والديك لا تقلبها برنامج : وينك ..

ترى خويك اللي قبل عطلني نص ساعه .. قال ليش ..

قلت والله يا إني كبيت العشاا هههههه

قلت والله يحب يسولف وأنا وقتي ثمين ..

قال معك خمور < طلع مفتح .. قلت معي وحاطها بوسط الشنطه . خويك قال هكا قانوني ..

قال لا : الخمور ممنوع

قلت أوك وغيره .. قال لازم نبلغ السفاره

هههههههههههههههه

قلت لا تخليني أصقع أم البطل قدامها ، ياخوي لا تألف قوانين ع راسي ..

قال ممنوع الخمور يحملها إلا النصارى فقط ..

قلت بيض الله وجهك ، أنا يهودي

قال : يهودي ؟

قلت : ومتعصب بعد

قالي لا تقول كد‘ا لا تفتري على الله ، قلت ياحبيبي مالك علاقه بديني ،
وإن كان كلامك صحيح إنها ماتباع إلا للنصارى

ف من باب أولى ، إن مايبيعها إلا نصراني ..

كيف مسلم يبيعها ، مايجوز ، لا تفتري على الله

قال بكتب فيك هالورقه الحمراء للسفاره .. ويوريني إياها

قلت له / مافيه أحمر من كد‘ا ؟
قال لا ، قلت أجل خلصنا خل نمشي ..
قال 300 درهم ، قلت لا حجت البقر ، هاك 100 ولا تسرف فيها ..

وأمشي .. لمراكش الهم .. أبلشتنا هالديره ، تحس إنك موّجه للبيت الأبيض ..



~~~


نكمل بعد مايخسسر مدريد إن شاء الله

التعديل الأخير تم بواسطة فضاوه ; 2016-04-21 الساعة 12:34 AM
رد مع اقتباس
 الصورة الرمزية فضاوه
فضاوه
مزعوط نشيط
المشاركات: 121
تاريخ التسجيل: Apr 2015
فضاوه غير متواجد حالياً  
قديم 2016-04-21, 12:44 AM
  المشاركه #7
بخصوص إني ليش أعطيهم وكد‘ا ، يا إبن الحلال أمور الشراب مالي فيها ، ولا أعرف وش نظامها ..

فـ مشيتها ع 100 , 100 ، ماتعوق ..

المهم ..

علمتكم سالفة السكن بمراكش

لكن يوم رحت شفت الشقه اللي من حياة ، شفتها ممتازه بالحيل .. لكن صاحبها فجأه كلمها وقال ممنوع الضيوف ..

والله وتشوف لي سكن مؤقت ، لين تلقى لي الزين ، أخد‘ت لي شقه بجليز 3 أيام وعقبها نقلت لـ شقه أحسن من الممنوعه الأولى ، بجليز بعد ، قريبه من مدرسه فكتور هيقو ..

قعدنا فيها 10 أيام تقريباً ..


حيل ممتازه ، أمان والضيوف أمورهم طيبه .. لكن يعيبها موضوع الصوت ، بالمحدود


~~~~~~


خلاصة سفرتي للمغرب ، بما إنها أول سفره

لا تسكن إلا بـ النخيل .. ماحولك أحد وتاخد‘ راحتك من كل النواحي ..

السيارات هم وقلق .. خد‘ لك سواق وريح راسك ..


~~

زرنا قصر النخيل .. والله يا إنه د‘كرني بـ مصر هههههه

إستغفر الله العظيم .. شي لا يوصف .. أبداً ماعجبني ..


كوفي أرمني ، بـ جليز وكوفي ماندولان بـ محمد الخامس ، شي عجيب صراحه ..

انصحكم فيها ..

بفكر وأرجع لكم ..
رد مع اقتباس
 الصورة الرمزية جداااوي
جداااوي
مزعوط فضي
المشاركات: 880
تاريخ التسجيل: Jan 2016
جداااوي غير متواجد حالياً  
قديم 2016-04-21, 12:45 AM
  المشاركه #8
قال حبيبي ممنوع الخمور برى كازا ، قلت وكيف أخليه مسموح .. قال شوف أيش يخرج منك ..


هههههههههههههه
رد مع اقتباس
kingtalal
مزعوط فضي
المشاركات: 835
تاريخ التسجيل: Dec 2014
kingtalal غير متواجد حالياً  
قديم 2016-04-21, 12:46 AM
  المشاركه #9
يعطيك العافية على التقرير بس مدريد فايز هون خلاص لا تكمل هههههههههههههههههههه
رد مع اقتباس
 الصورة الرمزية فضاوه
فضاوه
مزعوط نشيط
المشاركات: 121
تاريخ التسجيل: Apr 2015
فضاوه غير متواجد حالياً  
قديم 2016-04-21, 12:48 AM
  المشاركه #10
اقتباس:
المشاركة الأصلية كتبت بواسطة kingtalal مشاهدة المشاركة
يعطيك العافية على التقرير بس مدريد فايز هون خلاص لا تكمل هههههههههههههههههههه
ههههههههههههههههههه

انسدت نفسي يارجل
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: أيوه ، الحين نقدر نكتب لكم تقرير <~ أو سوالف بالأحرى
الموضوع آخر مشاركة
من في مراكش الحين!؟ 2022-05-08 05:28 PM
الي موجود بمراكش الحين 2018-11-08 01:51 PM
فيه احد موجود باغدير الحين؟ 2018-05-01 11:37 PM
تقرير : رحلتي الاخيره الى اغادير الحبيبه ( نوفمبر - 2012 ) سوالف و قصص 2016-10-01 10:18 PM
اسماء من المغرب أيوه 2012-01-02 12:25 AM


الساعة الآن 04:47 PM