عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree1Likes

إضافة رد
 الصورة الرمزية Bo3abdullaah
مزعوط مميز
المشاركات: 322
تاريخ التسجيل: Aug 2016
Bo3abdullaah غير متواجد حالياً  
قديم 2016-08-18, 01:41 AM
  المشاركه #1
(قصيدة في مدح المغرب)

سر ياقلم من فوق بيض سجله || اكتب حسين القاف والشين خله
عن فلة تسوى ثمانين فله || مع الرجال اللي على الطيب ضارين

مثايل تبنى براس العدامه || بيض تلالى ماصبغها سحامه
والحمد لله ما علي ملامه || في حب من قرنه على الردف فرقين

من بعد ذا يامختمين الجوازات || ويامحزمين اشناطكم فالمطارات
كان لكم في طرد الاريام عادات || اخذوا خبر من جرب الزين والشين

بالمغرب الاقصى عليكم عليكم || لاينفلت حبل الرجا من يديكم
نصيحتي والامر منكم واليكم || تنحروا دار تعز المحبين

دار بها الفنجال والبن والهيل || وشقر البنات مطيحات الرجاجيل
دار لعفران الشوارب مداهيل || دار المغارب ملحقين المخلين

ياطيبهم للضيف لامن لفاهم || ياما تولع واحد في هواهم
مانيب والله من يكرم لحاهم || مير ان غلاهم يودع النفس نفسين

ياطيبهم للي لفى دارهم ضيف || مادام في مخباك بعض المصاريف
وياحيف لو قلت دراهمك ياحيف || لااقلت عفنين ولا اقول طيبين

فيا لجتي لجة خلوج(ن) على قو || متعب رجليها خلا خالي الجو
وتدور حوار(ن) ورا نايف الدو || عنها غدوا به عن هل الشام شارين

تسقيك يادار الرفاقه والاحباب || نوّن سنا برقه تقل ضو مشهاب
سحاب نهاب وسطاب لعاب || نوّن سيوله مثل راس الصعانين

الله يوم انـّا نوينا بالاسفار || وكلن عن عيونه لذيذ الكرى طار
كلن يفكر عقب ماراح وش صار || وهو ماله من الدار ياكود يومين

كني عن المغرب ثلاثه عشر عام || وانا عنه مالي ولا عشره ايام
تفداك يالمغرب هل الشرق والشام || واهل اليمن واللي ورا الشط راسين

ساعة ركبنا الطايرة واستعنا || ثم دامت سيور المراوح تحنّـا
لعيون من ينقش على الكف حنـّـا || ماهمنا طير(ن) كفخ بالجناحين

قال الطيرجي ياجماعه رجائن || فضلا ولا امرا رجائن رجائن
الطايرة سوف تحلق سمائن || طفوا زقايركم وكونوا اديبين

شدوا احزمتكم انه وقت الاقلاع || العلم ماهو بالامس ذا الساع ذا الساع
من كان مستغرب وخايف ومرتاع || وش ركبه صنع الامريكان ياشين

ثم اسمعوا لقول المضيفه تراها || ربيعنا شر الفضا قد عطاها
من لايركز ياجماعه وراها || اليا حصل مكره يقرب من البين

ماني باقول انها تعلم الغيب || ماكتب بياتيك غصبن بلا طيب
كل بالاسباب يعمل والتسابيب || والموت حق والضحايا ملايين

كم واحد(ن) من زود حرصه توفى || لو هو عن اسباب المنايا تخفى
وان كان شفت النور الاحمر مطفى || تباشروا يامولعين الغلاوين

من شوّقه حب التمشي تمشّى || ترا الحظر مرفوع والوجه بشّى
والا انت ياللي بالبراقع تغشّى || ترى البساط محمدي يااريش العين

ماكان تبغى يااريش العين مسموح || خطاك لو شلت احمر الثوب مدموح
ذي طايره ماهي سفينه مع نوح || مااحدن بيمك لو تشيل السباهين

يالعنبوها الطايره يوم لفت || وسارت على الميراج ساعه وهفّت
ومنها قلوب الراكبين استخفت || شامت كما شامت فروخ الشياهين

لولا المسايس وصلتنا الثريا || مير الطيرجي خز ابوها وعيا
قال اركدي يابنت لين المسيا || وين انت ياحي(ن) بغيته وانا وين ؟

يومن عجلات المكاين تلاعن || قلنا روس القوم بالقوم ضاعن
يانجد يانجد النشامى وداعن || والنا معك رجعه عقب ظرف شهرين

يومن ابو مصلح يخضه بطينه || ماكله من زاد(ن) مضى من سنينه
قداه كله والسبب عارفينه || والله عليم باسرار ناس مسمين

من عقب ماحنا بالفضا طايرينا || جينا على دار المحبين جينا
ثم فاحت ريح الورد والياسمينا || ريحة حبايبنا على العسر واللين

يامحلا الافراج من عقبه كربه || ومواعد الاصحاب في دار غربه
وشوفه ابو عين ولا حد حربه || غرو(ن) ذبحني زاد حبه من سنين

غرو(ن) غرير بالهوى ملعباني || راعي طرب وانا بعد مطرباني
من خلقته مايوم والله عصاني || سيد البنات موشمات الرمامين

وعلى مطار محمد الخامس اشرفت || مثله ترى بكل المطارات ماشفت
ولجيتي في ذمتي ماتحسفت || شفت الذي ماشفت في ساحل الصين

حزة نزلنا وانا ثالث ثلاثه || ناس خذوا طيب المراجل وراثه
يسلا بهم قلب(ن) يتزايد غلاته || متداوين الطيب مابيننا البين

من عقب ماحنا نزلنا المطارى || وشفنا العذارى من يمين ويسارى
في ذمتي ماكننا الا سكارى || لو حن من الكاس المضيّع بعيدين

وكل غدا يختم جوازه بسرعه || عند الذي هافن من الناس فرعه
ولا على شرع النبيين شرعه || له ملة(ن) يجهل جهلها كثيرين

ثم(ن) بعد هذا مشينا على السوق || وخذنا ثماني شوفهن يعجب الموق
ومعهن ثماني وصفهن وصف غرنوق || بالكاس ماهو سلفة(ن) لا ولا دين

قلنا نبي كرتون كانك تبيعي || من القواطي ميتمات الرضيعي
قال انتهت قلنا اي شي(ن) طبيعي || عاداتكم يامحررين المساجين

من بعد ذا جانا دحول الرجاله || اطيبهم اللي مثل بنت الحلاله
كلن يقول اوصلك بس تعاله || للكندره باوصلك بس كم تعطين ؟

قلنا ميه كان انكم طيبيني || وعيا ابو خشم(ن) تقل خشم ديني
وبالاخر ركبنا معه مجبريني || كلن يبي يلحق على شوف حلوين

وبميتين من الدراهم جديدات || للكندره اوصلنا قليل المروات
بالعون ماهو راعي(ن) للطويلات || ياحب حبه للدراهم مليعين

ثم يوم جينا الكندره ثم دخلنا || مافيه واحد جالس(ن) ماسألنا
كلن يقول اهلين يابعد اهلنا || يامرحبا ياللي من البعد لافين

ولولا الدراهم فالمخابي تدلى || ماكان رحب يوم جينا وهلا
والمال عز(ن) للضعيف المجلى || ولولاه شفته يرمي بوجهنا طين

قلنا نبي غرفه ترى القلب ملهوود || قال ابشوا بالخير والخير موجود
غرفه ثلاث ميه وخمسة عشر زود || تصلح لكم ياربعنا ياميامين

وعقب المكاسر والزعل والنكاده || حنا اتفقنا عقب حده وهاده
نعطيه خمس اميه ولابه زياده || لو حككوه ماعطينا قرشين

من عقب ماصارت خباري النعانيع || لمطعم الديوان رحنا مجاويع
وجتنا الغثيثه فايزه يا مال الريع || كلت وراحت جعها روحة جفين

من عقبها حن الركايب شمالي || مستركبين طيبين العيالي
للخيمه الخيمه وياهملالي || وكلن صهر راسه من الشوق نصفين

ياللي بزينه مثل صيده قليلي || روض(ن) قليل الصيد مايستوي لي
ودي بطردة كل ظبي جفيلي || بين الظلال وبين خضر البساتين

وببلاك هاوس سايقيين ضعنّا || وهبت هبوب الشوق منّا ومنّا
يامحلا ببلاك هدرة جملنا || بين السمر والشقر غادة ونسرين

ورشدي علينا قايم(ن) بالطلبات || يجبر عزا قلبن من حساب الاموات
هديته مقبلولة(ن) ياابن عفات || بطلته خلى الجماعه فريقين

ياما حلا من عقب قظع اللساني || ثم صرت انا شخص ثاني
والبشت طار وطار من فالمكاني || ولاعاد اشوف الا فخوذ المزايين

ووراي سوبر ماتكشف سناها || في شاشة ميتين بوصه مداها
وقدمي غنادير(ن) على البار جاها || صبيان قوم(ن) ***وهم شياطين

وفي الرابعة والنصف فجرا بدكا || القلب ضاق وحيث الاحزان دقا
لاقال راعي المرقص بكل رقا || نشوفكم باكر.. تقل بي رمحين

والا ان قلبي بين الاضلاع يشعط || مرن يصيح صياح وامرار يفحط
جافي حنايا مهجتي ذيبن امعط || ينهشني بنابه وانا اقول عزين

ثم بعد ناصل لاهل التكاسي || زرق العيون مخرزين الكراسي
من حكيهم ياعبيد ياراس راسي || يقول باميه ثم نركب بعشرين

ونرجع على الفندق وحنا ملاييش || مثل الطيور اللي تخافق بلا ريش
ولاجاء الصبح في مكدونالدوز مرابيش || والكل منا رميته تكحل العين

هذا الذي قلته بـ كازبلانكا || خل العلوم العوج عني وعنكا
ياليت عندي ياابن عفات بنكا || وابني لي بكازا مجمع وقصرين

يامحلا فيها مسابح ميامي || وشرد البنات مرودعات الوشامي
غبن غفافيف(ن) علي الحرامي || يامن هواهن مايكمل ثلاثين

خذنا بكازا سجة(ن) ثم دجه || من بعدها قلنا سلام(ن) وهجه
بابورنا على مراكش توجه || دار(ن) تبناها السعد والسعيدين

دار بها الليمون والبير داير || وسوق السحات اللي لها العقل طاير
وساحة عدن مابين هاك العواير || يازين ضرب الكاس بين المشقين

من بعد هذا امهلوني دقيقه || ياللي عن اغادير تبغى الحقيقه
من ذاق ماها مابعد فك ريقه || بيموت ماجاه الضمى لو بعد حين

بيموت مايطري له الماء على بال || ولاسال عن عم(ن) ولا سال عن خال
لا سال عن فقر(ن) ولا سال عن مال || ولايحسب الا من حساب السلاطين

هذي هقادير الهنا والسعاده || والطيب والجيره وحسن الوفاده
دار(ن) بها الرجال يبلغ مراده || لو دونه الروس الكبار متحامين

ياليت والله نندفن في ثراها || والا اتلحف من صفاوه سماها
عز الله اني رايح في يداها || معها عسى مالي بسواها بلادين

رحنا لها بعد غياب(ن) طويلي || مستركبين بكل حر اصيلي
ياويل ويلي من اقابيل ويلي || يا حبها حب البدو للمقاطين

رحنا لها من عقب نتل الاعنه || ونطل الجنايز فوق روس الاسنه
واخذنا بها فله على غير منه || بفلوسنا ماهي عطية رديين

ونزهة معانا بالعيون تخدمنا || وان كان غابت .. ناديه هي عشمنا
وعلى الثلاث البيض قمنا وحمنا || وكل مانطقنا العين عين طلعت غين

ياسائلا عنا في الدرب نذكر || ،،،، نحمد الله ونشكر
لا جار يزعجنا ولافيبه عسكر || كلن يبي درب السعد والله يعين

ياما حلا طرد الهوى فالبلادي || وشقر البنات مقرنات الحجاجي
ياللي ترايفهن سواة الزجاجي || مسكين ياللي ماتولعت مسكين

ومن عقبها نطلع على الدون فيتو || ياللي على اغادير عجل(ن) مشيتوا
وش فايدة ياقوم رحتوا وجيتوا || والدون ماجيتوه زين المزايين

تقدم الخدمه بها البنت لمياء || جمالها تشوفه لو العين عمياء
وحكيم(ن) يغني وتطربك همياء || برقص (ن) يخلي العقالي مجانين

ثم نرجع الفله وكلن يغسل || ونضبط الكبسه وراس المعسل
وعقب المزايح والزعل والتوسل || على الصحاري كلنا مستعدين

للعنبره نمشي ولو حن على الكوع || وكلن خذا من مزة الراس قرطوع
وليلى تغني لي مسدودس ومربوع || يابدر لين اشوف انا الواحد اثنين

مره تسمعني موسيقى ومنظوم || باخن وبتهوفن وماكان معلوم
ومن تغني اغنية ام كلثوم || اللي صداها طيّن الراس تطيين

يازينها لامن تغنت بالاطلال || والا ليا جرت من الصوت موال
وقامت تصفق لي وبالسادس الخال || كنها تقطع مهجتي والشرايين

وليا جات الساعه على الوحده ونص || من خاتم العاقل غدا غالي البص
وقامت ترص جنون بقعا وانا اقص || ودي بروض(ن) به سقف(ن) وجدرين

ثم قلت .. للديسكو نبي حث الاقدام || من قبل ماتكثر عبايبد الاصنام
يازينها لاقالوا الربع قدام || وقمنا نتعاوى مثل سحم السراحين

جينا ركضي وعقبه نزلنا مع الباب || اللي على الشارع عليه الف بواب
مايدخله ياكود عكفان الاشناب || والا ان ولد امه من حساب شاتين

اليا نطحنا مصطفى كنه الثور || البودقرد اللي يطريه مشهور
يمشي على علباه تسعين بابور || فصيلة الافيال هدف العرانين

له جبهة(ن) ياعبيد مثل البلكه || قال ارحبوا يااهل المدينه ومكه
وقالم يتهك هك لي تقل فيه حكه || يبغى الكراميه وحنا كريمين

وعقبه على اليمنى مشينا درجات || ثلاثه من سار اربع جديدات
وبعد مسافه اربعه غير مافات || وعقبه نلف يسار خمس(ن) مضامين

وعقبه غنادير البني قابلنا || بالورد الاحمر قربن وحضننا
ثم عقبهن ننزل مع الدرب منّا || خمس درجات مثل روس الثعابين

ننزل ولانخشى كثير العلومي || وحنا عيال موردين السهومي
اليا ركبنا كل قرم قحومي || عاداتنا نثني خلاف المتلين

واليا نزل صار ميشيل عنا || يمين والعالم شمالي وطنّا
واليا بغينا تذكره ماتوّنا || كل تذكره بميه ولا به براهين

يادوب نمشي بس مترين دوبي || جونا البوديقرات من كل صوبي
كلن يقول ابغاك تكرم جيوبي || واصير لك عبد(ن) طويل الذراعين

وحنا عطيناهم وهذي تقاليد || وعاداتنا من عصر عنتر وابا زيد
نعطي البكارى المسمنه والمفاريد || مانبخل وحنا عيال(ن) عزيزين

واليا مشينا شوي شفنا يمينا || باب خلافه كل وجه(ن) حسينا
يسرح شعوره يبي يبتلينا || حسبي عليكم يالبنات المزايين

وبعدين يفتح باب(ن) اخر بلا لمس || ونشوف ناس(ن) تضرب الخمس بالخمس
مطرشين كل شي كلوه امس || هذا جزاء من لايعرف الموازين

وعقب نلف يسار اربع درجات || ومن ثم فوق البست نبني عمارات
تلقى اللحم مثل المزون المهلات || مااحد بيمه لو يحط الفساتين

والدج يامامي وراعي المعمه || والبار عن يمناي ماني بيمه
وبيض البنات مفتحات الازمّه || كل وحده احلى من الثانيه ملح مع زين

واليا جت الساعه على اربع ونصفي || ماغير ادور بالملا حيق نصفي
وصفي ابا وصفي .. ضيعت وصفي || مدري لفيت منين والا على وين ؟

ثم نرجع الفله ونلقى الغنادير || قدام فلتنا صفوف(ن) طوابير
يالله دخيلك من غنادير اغادير || خلن راعي الشوق يضرب بكفين

منهن سناء مثل الغزال الشرودي || ياللي رعى نبت السهل والنفودي
يارب ياوجناتها والنهودي || حبات تين(ن) يالعنوبهم ولو تين

وغادة لها ذبح المحبين عادة || شقرن نحرها مثل دمث الوساده
لو غازلت نجم(ن) تحوّل رماده || ياحلو جر قرونها بالذراعين

وناديه سمرا عليها مواري || وفي عينها من سيف عنتر مواري
وانا عليها صار ليلي نهاري || من نظرة(ن) تجرح بليا سكاكين

ليلى مثل ليلى وانا لها مثل قيس || والها خدود(ن) مثل ضو الفوانيس
لو شافها شيخ(ن) تعوّذ من ابليس || غدا له ابليس(ن) من الربع الادنين

ولبنى لصحتها ثلاثة عشر كاس || يحيا بها ناس(ن) وماتوا بها ناس
ذات الخدود اللي ولا لون قرطاس || فيها كتبنا من القصايد دواوين

وندى ندى عمري حسين التعاجيب || ياحلو رص نهودها بالتلابيب
لو شافها طفل(ن) غزا راسه الشيب || شفته على جال المخده يشاتين

وسميره اللي عذبتني من ازمان || والها خصر والله ولا مطرق البان
وخدودها ياابوك لولو ومرجان || سمرا هواها وطن الصعب توطين

ومريم هواها بالمعاليق فله || لو شافها شيخ(ن) توضى وصلى
خلى صلاته ثم رحّب وهلى || وعوّد يغني اه ياليل ياعين

وفاطمه حسن (ن) يجنن يجنن || سبحان من في حسن خلقه تفنن
وعيونها سلّت حسام(ن) مسنن || لولاه ماقالوا مع الناس ميتين

ومن ياجمال كاملات سجاياه || الاخرس الاخرس قصد به وحيّاه
والاصقه الاصقه سمع عن مزاياه || وحتى العمى وهو عمى لو طالعه زين

وسهام في توصيفها وش نقولي || غير انها شي(ن) عجيب(ن) يهولي
موت(ن) حمر وتضيع اهل العقولي || لبّاسة الجوخ الحمر والزوابين

هذي نهاية قصتي ياجماعه || مع ديرة(ن) فيها حفظت الوداعه
باربع ميه شطر(ن) سمع(ن) وطاعه || كل قاف(ن) مروبع بنيته على إين

هذا الكلام اللي يقوله السبيعي || وعلى النبي المصطفى هو شفيعي

*** ناصر الفراعنه***
رد مع اقتباس
مزعوط خبير
المشاركات: 2,777
تاريخ التسجيل: Jul 2016
! .. بـــوح .. ! غير متواجد حالياً  
قديم 2016-08-18, 01:52 AM
  المشاركه #2
اجل تاكد ان ناصر الفراعنـه حاجز من الشمري كار و السكن من ابو سلمان و اخذ فيلا في طريق اوريكا

قصيده جزلا صح لسانـه .. و علا مكانك
رد مع اقتباس
 الصورة الرمزية Bo3abdullaah
مزعوط مميز
المشاركات: 322
تاريخ التسجيل: Aug 2016
Bo3abdullaah غير متواجد حالياً  
قديم 2016-08-18, 01:55 AM
  المشاركه #3
اقتباس:
المشاركة الأصلية كتبت بواسطة أشرف مشاهدة المشاركة
اجل تاكد ان ناصر الفراعنـه حاجز من الشمري كار و السكن من ابو سلمان و اخذ فيلا في طريق اوريكا

قصيده جزلا صح لسانـه .. و علا مكانك
ورفع شانك.. ونورت مكانك ؛)
رد مع اقتباس
مزعوط قدير
المشاركات: 194
تاريخ التسجيل: Aug 2016
سوسي 33 غير متواجد حالياً  
قديم 2016-08-18, 02:24 AM
  المشاركه #4
القصيدة هذي كانت من اسباب سفري للمغرب اول مرة واذكر اول مرة سمعتها 2007 كانت اشبه بخارطة طريق لنا في المغرب خصوصا يوم تكلم عن الكندرة وماتلاها.
ذكريات حلوة واختيار موفق يابو عبدالله لشاعر اعتبره بالنسبة لي اسطورة زمانة
رد مع اقتباس
مزعوط ذهبي
المشاركات: 1,098
تاريخ التسجيل: Apr 2011
ابو سيف الخيماوي غير متواجد حالياً  
قديم 2016-08-18, 02:40 AM
  المشاركه #5
صح لسانك
اهم سي لاجاء الصبح في مكدونالد مرابيش
__________________
على قدر أهل العزم تأتي العزائم
وتأتي على قدر الكرام المكارم
رد مع اقتباس
 الصورة الرمزية أحمد الشمالي
مزعوط خبير
المشاركات: 1,507
تاريخ التسجيل: Feb 2014
أحمد الشمالي غير متواجد حالياً  
قديم 2016-08-18, 06:34 AM
  المشاركه #6
صح لسانة
وصحت اناملك للنقل
رد مع اقتباس
 الصورة الرمزية أحمد الشمالي
مزعوط خبير
المشاركات: 1,507
تاريخ التسجيل: Feb 2014
أحمد الشمالي غير متواجد حالياً  
قديم 2016-08-18, 06:35 AM
  المشاركه #7
ناصر الفراعنة يعرف العيادي شكلة
رد مع اقتباس
 الصورة الرمزية فهد احياناً
مزعوط فضي
المشاركات: 737
تاريخ التسجيل: Mar 2016
فهد احياناً غير متواجد حالياً  
قديم 2016-08-18, 09:47 AM
  المشاركه #8
تسلم يمينك على النقل
القصيده قديمه جداً انا سمعتها عام ٩٨ ايام الكاسيت

وفيها خطة سير عجيبه للي اول مره يسافر
رد مع اقتباس
 الصورة الرمزية Bo3abdullaah
مزعوط مميز
المشاركات: 322
تاريخ التسجيل: Aug 2016
Bo3abdullaah غير متواجد حالياً  
قديم 2016-08-18, 12:02 PM
  المشاركه #9
اقتباس:
المشاركة الأصلية كتبت بواسطة فهد الروقي مشاهدة المشاركة
تسلم يمينك على النقل
القصيده قديمه جداً انا سمعتها عام ٩٨ ايام الكاسيت

وفيها خطة سير عجيبه للي اول مره يسافر
الله يحفظك خويا فهد... مرحبا فيك
رد مع اقتباس
 الصورة الرمزية جداااوي
مزعوط فضي
المشاركات: 882
تاريخ التسجيل: Jan 2016
جداااوي غير متواجد حالياً  
قديم 2016-08-18, 12:05 PM
  المشاركه #10
صح لسان الشاعر

وسلمت يمناك على النقل ....
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة المغرب اشكيد صاله عشاق المغرب العامة 11 2016-09-09 02:40 AM
قصيدة في المغرب الحبيبة nasserwmw الاستراحه 2 2013-09-01 01:41 PM
قصيدة عن المغرب عزوز الجبيل الاستراحه 7 2011-12-21 12:21 AM
قصيدة المغرب الوافي الاستراحه 7 2011-07-21 01:59 PM
قصيدة عن المغرب ابو الجود صاله عشاق المغرب العامة 12 2011-05-12 03:31 AM


الساعة الآن 09:24 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83