رد: تقرير عن سفرتنا لدار البيضاء ( كازا بلنكا )
عدنا
نومنا نومه حقت السفره كلها من التعب انا شخصيا صحيت تقريبا على الساعه عشره الصبح فلتيها نومه تقريبا فوق 11 ساعه ههههههههه طبعا نمنا في الصاله .
والا زال الخوي نائم قمت تروشت وطلعت من الشقه قلت يا ولد خذ لك لفه على الحاره الى انت فيها وكان الجو يساعد الشمس ماهي ذيك السخونه تعرفون في شهر مارس المهم الشقه على شارع عام كبير الزرقطوني على اخره طلعت من الشقه على اليسار لفيت شوي الا فلل سكنيه واشجار نخيل كبيره قلت ما يبى لها ابغي اشوف بشر انا ما جيت اشوف فلل وشجر .
لفيت ورجعت يسار الشقه وامشي وامشي واطيح لي في سوق يبعون فيه حبال وفرش واالاسلاك حقت الشبوك حقت الغنم ههههههه الى يعجبك في المغربه مطبقين المغربه مو زين الله يخلف علي السعوده ههههههه المهم بتلت وامشي والقي لي ذاك الحمام المغربي عند مسجد وانزل تحت الحمام في البدروم حق المسجد وانزل التسعر واشوف اسعارهم . بس ما لقيت فيه مساج والا شي خذت بلوشور من عند البنت الي في الرسبشن قلت اكيد لكم زياره هههههههه ولاعاد شافت رقعه وجهي .
المهم مشيت لين رجلينى تنفخت الحين حامل هم الرجعه لشقه بعد الف وحدي .
تصبرت ومشيت على نفس طريق العوده لين وصلت الشقه والا الخوي مكبر الوساده تقريبا على الساعه 11 ونص صحيته . شوي والا جت الشغاله .
المهم سوا لنا رزه الماصخ تغدينا على مضض ووبعدها خذنا السياره وكان المخطط ان نذهب الخطوط المصريه في نص البلد عشان ناكد الحجز .
بعد ما حركنا بالسياره اخر شارع الزرقطوني الخط سيد واحد رايح جاي وفيه خط في المنتصف هههههه المهم بغينا نلف ما لقينا مكان نلف منه نمشي ونمشي المهم لقينا واحد مع اودي لف من فوق الخط الابيض ولفينا معه شوي والا يطلعنا ذاك الشرطي وقفنا ووقف راعي الاودي .
جلسنا في السياره والا راعي الاودي مشى ما قال له شي وجاء عندنا يتلفسف ارتفع ضغطنا وقام الخوي معه يقول ليه تمشي راعي الاودي وحنا تمسكنا والا الدعوه فيها وفيها المهم راح هو واياه لاخر الشارع يسولفي مدري وش حصل بينهم . يوم رجع قلنا من وين نلف ما فيه مكان نلف منه . قال لفو من الدوار قلنا ورنا الدوار الى نلف منه . شوي والا نشوف خط ابيض على شكل دائره هههههههههههه قال تلفو من هنا قلنا ذا دواركم .
عموما حنا كنا ناوين نخربها قلنا ودنا القسم وقمنا نرفع الصوت . هجد الشرطي اخر شي قال خلصو وبفككم عطوني أي شي هههههههه يوم شاف الصمله المهم عطيناه كسره عين خمسين درهم هلل . بعدها قررنا ان نرجع السياره بلا وجع راس والمشكله انا الى اسوق والخوي يتعذر ما يعرف يسوق اتماتيك . كنت كل ما امشي اتلفت لا يطلع علينا واحد منهم ههههههه وهو جالس يضحك يقول شوفه وراء السياره شفه وراء الشجره هههههههه انخرشت صراحه منهم ولمزت نرجع السياره في اليوم الثاني بلا هم بلا وجع قلب .
طالع فينا وهو حاقد قلنا مالك الا ذي وما عندنا فكه ابد تبيها او براحتك . المهم مشينا من عنده . وتوجهنا للخطوط المصريه اكدنا الحجز .
وبعدها رحنا مقاهي قريبه من نص البلد للى يعرف المنطقه والله ما تحضرنى اسمها شربنا القهوه . والا يمرون الى يبعون الساعات المسروقه وحقين الى يمسحو الجزم .
انسبطنا صراحه في القهوه ذيك وهات من شرب القهوه لين تنفخت بطونا .
بعدها على العصريه توجهنا لكورنيش عين ذياب وكان زحمه موووت اضن كان عندهم اجازه تفككو كلهم على الشاطي يالله لقينا موقف لسياره وكان فيه ناس ينظمون وقوف السيارات ويحرسونها وتعطيهم أي شي ما تشرطو .
جلسنا في الكورنيش مع زحمه الناس والناس الرايحه والجايه الى المغربيه وشوي الا الجوال يدق اثر الطير حق الخوي يقول له انه بيجي اليوم في المساء وهو الان عند يتزبط يا عينى يا عنيى .
يوم خلصت المغربيه توجهنا لشقه . بس ذاك اليوم كان يوم زحمه الشوارع غاصت بالناس حسب كازا ذاك اليوم بتطيح من كثر البشر الى يمشون .
عموما نكمل وقت ثاني