|
تخطيط رحلة المغرب
صباح/ مساء الخير يالربع
بخصوص رحلة المغرب .. قررت احجز بمراكش مع الاهل ! لكن فندق مب منتجع .. نصحني شخص عنده خبرة بالموضوع.. وحن بنطلع نتمشى بالمناطق ونشوف المناظر الخلابه https://www.mza3et.com/images/smilies/8.gif هالمهم .. 1.بخصوص المطاعم وش افضل المططاعم هناك وهل توجد ماكولاتنا العربية المعروفة والا كلها مغربية؟ 2. الانتنرت وش وضعه ؟ والشريحة هل اشتري شريحة جديدة مؤقته ولاوش؟ واعذروني على كثرة الأسئلة |
ارحب المطاعم اكيد بتلقى ان شاء الله العرب منتشرين فيه مطعم معلنين عنه واظن انه ل شمري من ربعنا تفضل هنا ( مطعم المجلس الخليجي بمراكش ) الشريحة تشتغل بخطوط المغرب اظن او تفضل هنا ( استفسار بخصوص شركات الاتصالات) *واعذروني على كثرة الأسئلة * ي رجال خذ راحتك الموقع لك وللجميع وحياك |
كعائلة افضل لك الشمال بشكل عام ولا يعني كلامي بأن مراكش سيئة
واقترح عليك تدخل بوابة السياحة ولسفر الى مراكش الحمراء قسم مطاعم مراكش على هذ الربابط قسم مطاعم مراكش - مزاعيط المغرب - السفر الى المغرب فسوف تجد الأجابة فيما يخص المطاعم في مراكش |
اذا هي رحله عائليه انصحك ب افران وطنجه
الطبيعه والجو الحلو.. والبحر والهدوء .. ما انصحك تروح مراكش لانه ما اشوف من رأيي انه فيها شي يستاهل لعائله . |
ما ينصح بمراكش للعائلة !!!!!!!!!!!!!!!!!!!!!!!!!!!!!!!! اجل اوريكا واوكيمدن وستي فاطمة وللا تكركوست وجامع الفنا وحدائق المنارة وحدائق ماجوريل وغيرها من الأماكن الجميلة الخاصة بالمقام الأول للعوائل ايش تقولوا عنها ؟؟ كيف ما تستاهل مراكش!! بالنسبة للفنادق راح ارشح لك كذا فندق وانت والميزانية حقتك وكلها 5 نجوم لكن فيه تفوات بالمستويات 1. فندق الميرديان وهذا فيه غرف تطل على الحديقة الداخلية رائعة وفندق هادي وجميل ونظيف 2. فندق الفورسيزن وهذا فندق رائع جداً ممتاز وكبير وفيه الكثير والكثير من الخدمات الممتازة 3. فندق ليه جاردينز دي لا الكتبية قريب من ساحة جامع الفنا 4. فندق سرين بوتيك وهذا فندق جميل في حدائق وواجه على جبال الاطلس 5. فندق حدائق المدينة Les Jardins De La Médina وهذا فندق جبار 6. فندق قصر عزيزة بمنطقة النخيل وهذا فندق شاعري وهدية لك أنت والأهل لو الرحلة شهر عسل 7. فندق ماندارين أورينتال خطير 8. منتجع نمسكار وهذا غالي لكن ما راح تنساه 9. قصر الغول وهذا خارج مراكش وخرافي وطبعا فيه نشاطات بمراكش مثل رحلات جبلية وتسلقها ورحلات على ظهور الخيل أو بالدباب الرباعي وعندك ملعب كرات الصباغه (paintball) ورحلات تخييم وغيرها من النشاطات وممكن تبحث في جوجل أو بعد ما تحجز الفندق هم يرتبون لك جدولك هذا غير انه ممكن ترتب لك رحلة للصويرة أو بحيرة بين الويدان وهنا فيه فنادق جميلة والعاب مائية وغيرها من النشاطات اما المطاعم فهي كثيرة بمراكش منها الفرنسي والايطالي والمغربي اما الصيني لا تقرب منه والياباني جيد جداً وفيه مطاعم شعبية كثيرة وممتازة وحتى المقاهي كثير منها مقهى الساعة وهذا ضروري تزورة لان فيه رقص شعبي وعندك حديقة الالعاب المائية خارج مراكش شوي وبعض المنتزهات بس انت ابحث بالمنتدى وراح تلقى الكثير المهمل من الشباب والاعضاء ماغير محتاج لك كم ساعة بحث مع تمنياتي لك برحلة سعيدة وتسافروا وترجعوا بالسلامة |
اقتباس:
وبالنسبه للفنادق عندك رويال منصور والمامونيه ماتم ذكرهم و رويال منصور كاين فيه لابيسين خاص فيك |
اقتباس:
يا أبو عبدالله مراكش مليانه وصعب احصرها في مشاركة وحده ولهذا السبب قلت لصاحب الموضوع يبحث في المنتدى وفعلا فيه البرازيلي اللي في النخيل واسمه فوجوديشاو وهذا فيه شوو راقص جميل وفيه البرازيلي في الحي الشتوي وفيه ثالث قريب من ديسكو الباشا وبالنسبة للصيني جربت واحد في جليز ومن بعدها حرمت اصلا اجرب صيني في المغرب يا اخي مو ذاك الأكل وفعلا مثل ما تفضلت يا ابو عبدالله فيه اللي خلف مرجان وفيه كثير أمور لكن كل شخص وطبعه واللي يرتاح له وعندكم المنتدى مليان بالتفصيل عن مراكش وفيه الشيخ جوجل هذا لوحده موسوعة مغربية ما غير أسأل |
اقتباس:
|
وبالنسبة للرقص الشعبي في مقهى o cloque أو مقهى الساعه فقط يوم السبت
|
| الساعة الآن 04:42 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط