اليوم السادس ....
صحيت على الساعه ٢ ظهر ))) مدري ايش صحى اهلي بدري بس عاد صحيت وطار النوم .. والشعب كله نايم .. وطيري نايم .. قمت جوعان ومالي نفس بالشكشوكه والمعلبات دقيت على السواق ومرني ورحت معاه لوحدي .. رحت اشتريت غدا من مطعم الفاسيه اللي بقليز .. ورجعت المرجان على ٣ العصر اخذت بعض النواقص ... تصدقون ان متعه المغرب لما تصحى من ظهر وتروح تشتري او تكمل اغراضك .. ورجعت الفيلا والشعب رايقين وكل واحد بزقارته واللي بالمسبح هههههههههههههه يوم شموا ريحه الاكل طيران .. واحلى غدا ي حلوين وبعده احلى شاي مغربي من ايد الشغاله .. الطيور مشيوا وبقينا لوحدنا وتكينا على المسبح لين مغرب وسواليف وكل واحد يحكي ايش صار معاه امس ههههههههههههههه . المهم العصير نوع منه خلص طلعنا نشتري العصير ومرينا صالون مو لي لخوينا يبغى يسوي قصه بشعره مدري ايش يبغى عالم رايقه هههههههه .. على العشا رحنا محلات تبيع طواجن على طريق كازا كأنك خارج من مراكش واحد فينا بيشتري طواجن هدايا
.. هاليوم مسميه يوم التمسيكات العجيبه عند اخوياي هههههههه .. بعد ما اشترينا الطواجن .. رحنا كوفي نسيت اسمه والله وحتى شارعه ناسيه بس قريب .. من شارع محمد الخامس .. دخلناه وليتنا مادخلناه بصراحه .. كله مغاربه ولا فيهم عيب والنعم فيهم .. بس ي جماعه عليهم نظرات غريبه بغيت اشرق بالقهوه اللي كنت اشربها .. والله ماطولنا ومشينا على ستار بكس جلسنا حق ابو ساعه اللي يصيد واللي بس يبغى روقان وكوفي ومنظر الرايح والجاي .. رجعنا بعدها الفيلا .. واحلى شور ولبسنا لبس السهره طبعا هاليوم في كاش وتم الحجز من العصر عن طريق التلفون .. طاوله ثلاث اشخاص ب ١٦٠٠ درهم مع العصير وكذا طلب ... عجبني جو كاش مو بطال .. بس احس السعودي كارهينه في هالمكان مدري ليش ...... ي انا فيني شي ويتهيألي ي هم فيهم شي ههههههه .. خلصت السهره وخرجنا على الفيلا عاد هاليوم لنا اوف ..، سوينا افتر بارتي بروحنا ..، سميناه يوم الراحه العالمي ... وبالفعل كان اجمل يوم ولا تستغربوا .. والله نمت احلى نومه .. خلتني نشيط نشاط مابعده نشاط .. ويوم فاصل بدون ال .. شي جميل ترا ...