️ قصتي الأولى مع المغرب (( وحيداً))

مساء الخيرات جميعا ..



في طريقي إلى مراكش اتصلت بـ صديق أبو مراد كان الجوال مغلق ، استوحشت بعض الشي كانت الرحله كئيبه و متعبه تخللتها بعض التنقلات ، ندمت أني لم آتي بوقت مبكر لأشاهد المناظر الجميله في الطريق ، عند وصولي إلى مراكش كانت الساعه تقريبا 10:05 .

أخذت شنطتي وقفت تاكسي ، و على أقرب فندق كان "فندق آيبيس"، نزلت للفندق كان تعامل الرسيبشن سريع و ممتاز ، أخذت غرفه أرتاح فيها كان سعرها 400 درهم ، الغرفه كانت نظيفه أضبط. منبه جوالي على الساعه 12 ، أخذت بنادول تحسباً لأي صداع القادم ، وصلني اتصال من سميره كانت تسأل إش صار معي ، أخبرتها إني اتصلت على جوال " شريف " صديق أبو مراد
كان جواله مقفل و إني أخذت فندق قريب من محطة القطار و الآن برتاح .

انتهت المكالمه بيننا ، غطيت بالنوم صحيت على صوت المنبه ، "شريف" مكالمتين لم يرد عليها ، غسلت وجهي و اتصلت عليه
رد و رحب فيني و اعتذر بأنه كان خارج مراكش و الشبكه ما كانت جيده ، قال نتقابل في قيليز ، أخبرته إني أتضور جوعاً ، قال ولا يهمك يا صاحبي فيه ماكدونلدز قريب من المكان ، لبست و أخذت جوالي ومحفظتي و انطلقت سريعاً على أول تاكسي ، تواصلت معه ، كان في منتصف الثلاثينيات ومعاه ابنه الصغير رحب فيني ، دخلنا ماكدونلدز طلبت ثلاث وجبات ، كان واضح على وجهي التعب ، سألني كم مدة مكوثي في مراكش أخبرته إنها راح تكون على حسب المزاج ، طلعنا من المطعم على المنطقه السكنيه بحي قيليز ، ما كانت بعيده عن ماكدونلدز " حذفة حصى " .


طلعنا على الشقه كانت أثاثها نظيف جداً ، أخبرني إن سعرها 800 درهم ، لكن لمعرفته بـ أبو مراد خفض السعر لـ 600 درهم مع الخادمه إذا رغبت بوجودها ، اتصلت على سميره أسألها هل السعر مناسب ولا لا ، طلبت مني أنها تكلم الأخ شريف ، نزل السعر الى 550 درهم كانت غرفة نوم كبيره و صاله ومطبخ اتفقت أنا وياه إن اليوم الأول يبدأ من بكره ، سلمني ثلاث مفاتيح للشقه و غادرنا .

وقفت تاكسي سألته عن أقرب مكان جوه رايق ، أخذني التاكسي لمطعم و مقهى مونت كريستو ، طلعت كان الجو جميل و المكان رايق طلبت معسل تفاحتين ، كنت أراقب المكان و بدون مقدمات ينضم إلي ضيف جديد ويوصل قبل الطلب ، رحبت فيها سألتني ليش جالس لوحدك ، قلت ما أدري يمكن كنت انتظرك ، كان لهجتها صعبه، و أنا دماغي توقف عن الترجمه ، قلت لها سجلي رقمك فـ الجوال أنا طالع بعد شوي ، نتفاهم على السهره ، وصل المعسل ، شيشت على خفيف , حاسبت وتركت المكان أخذت تاكسي و اتجهت للشقه ، اتصلت على ضيفتي ، طلبتني أوصف لها الشقه ، ولم تتأخر نزلت لاستقبلها لم تكن بمفردها ، كان حارس العماره في غاية الإحترام و الذوق، قدمت له 50 درهم ، وصعدنا الشقه .

فاصل و نواصل ..

أبشر يا بعد راسي أنت تآمر أمر ..

معاك يابو فالح قلبا وقالبا افضل تقريرين الى الآن مع احترامي للكل
وحسيت ودك تقول لولد الهواشم أطلق أشرف اللذي بداخلك ههههه

هذا التقرير ولا بلاش ماشاء الله تبارك الله ودك انه مايخلص ️
باللهي ولد الهواشم لاهنت اذا خلصت القصه تكفى لاتوقف كمل وقلنا تقارير ثانيه

اسلوب رائع الله يسعدك بانتظار باقي التقرير المميز ..تحياتي

تحبون التقرير اللي تعطيكم الزبده على طول.

خلو الرجال يسترسل سياحيا (-:

في انتظارك لا تتأخر

اسلوب رائع بانتظارك . تحياتي

لا يطول الفاصل يا مبدع حنا الظاهر تقاريركم انت واشرف بتصير مثل مسلسل
ارطغرل التركي فوق ستين حلقه ههههه

متابعين ياولد الهواشم لتقريرك الجميل