اقتباس:
المشاركة الأصلية كتبت بواسطة ta3bt
وش سالفه الكهرب اللي يطفى في كازا هذا يمكن ثالث موضوع اقرأه انه انقطع الكهرب ويضطر انه يبخشش علشان يشغلون الكهرب مره ثانيه !!!!
سلامات لهالدرجه وصلت الجشع في بعض اصحاب الشقق والعماير لعمل مثل هذا العمل الدني !!!
انا والله لو يصير لي هالموقف يمكن ماعاد افكر مجرد تفكير بالسفر مره اخرى لاي بلد يحدث لي فيه مثل هالموقف !!
حتى موضوع المكهرب صار معي شخصياً
اخذنا شقة في كازا وكان آخر يومين لنا بالمغرب
دخلنا الشقة و سبحنا و طلعنا نتعشى برع و اول ما رجعنا تفاجأنا انة الشقة بدون كهرب
اتصلنا على المالك
قال لنا الكهرب مقطوعة
قلنا و الحل ؟
قال يا تدفعوا للكهرب او تضلوا بدون كهرب
او تشوفوا شقة ثانية بدون استرجاع المبلغ
قلنا لة كم حق الكهرب قالنا 500 درهم
قلنا لة بندفع،،
عطيتية المبلغ و بعد نص ساعة شغل الكهرب
بعد ما جات الكهرب اتصلت فية و شكرتة انة رجع الكهرب بسرعة و عزمتة معنا بسبب الخدمة السريعة الي قدمها لنا بس رفض يجي
انا اكلمة وأخلي نفسي مبسوط منة و فرحان ،،
نحن ثلاثة و واحد فينا A/C مكانيك
قبل لا نطلع بساعتين بدينا نشتغل فالشقة بسبب وقاحت المالك و نصبة علينا لانة بالأساس هو الي قاطع الكهرب بالعمد ليستغلنا،،
المهم بدينا نأخذ حقنا بعدة خطوات :
1) طلعنا اشترينا سكروب ( مفك )
فكينا الثلاجة و عطلنا الكمبريسر
2) فكينا الغسالة و عطلنا الدينمو
كل هذا بسبب تعامل صاحب الشقة معنا ،،
بعد ما وصلت البلد بيومين اتصل علي يخبرنا عن الأعطال
قلت له صلحهم و ارسل لك المبلغ كامل
قالي خلاص صلحتهم
سألتة بكم قالي بـ2000
قلت لة نص ساعة و المبلغ معك
المهم تقريباً خمس مرات اخلية يتردد الى الصرافة
و بعدها قلت لة رجع لي مبلغ الكهرب و بعدها ارجع لك مبلغ الأعطال
جلس يسب و يشتم