التاكسي للجديده

السلام عليكم

كم سعر التاكسي من مطار محمد الخامس الى الجديدة؟

وهل يوصل uber للمطار واسعاره افضل من التاكسي العادي؟

شكرا جزيلا

__________________

هلا بك بريستيجه و منوره بعد غيبه

Uber هي سيارات خاصه و اتوقع يوصلو للمطار و تقدري تطلبي و يبين معاك من اول ما توصلي لجل يكون عندك بديل

و اتوقع من المطار للجديده ما يتجاوز السعر الـ 800 او 1000 درهم

و متاكد راح يجي مخربها و يعطيك تفاصيل اكثر

و ببحث لك و ارد لك خبر باذن الله

بعد الاتصال و السؤال ..
اتوقع ان فيه توصيل حتى الى الجديده من المطار
عن طريق كريم و uber

مرحبا مشرفنا
الفندق بيوفر لنا شتل مجاني بس بعد ٣ ساعات من وصول الطياره
وانا احس في قراره نفسي ان الطياره بتتاخر نص ساعه الى ٤٥ دقيقه وعلى ما نخلص الجوازات وتطلع شنطنا اللي تطلع بالقطاره ونخلص جمارك يمكن اخلص على قريب ١٠ او ١٠ ونص
بس حبيت اخلي اكثر من خيار جدامي عشان ما اتوه
الفندق عرض علي توصيله خاصه بس اشوف سعرها جدا غالي ١١٨٧ درهم
فشنو رايك بهذا الموضوع؟

وكريم واوبر لازم انترنت وما اعرف اذا بحصل شركه اتصالات المغرب بالمطار
قبل سنتين دورت عليها وما حصلتها :(

هل اروح بالشتل واذا فاتني لا سمح الله اخذ تاكسي؟
او اقبل بعرض الفندق؟

__________________

الغيبه بسبب المشاغل
والف مبروك على الاشراف
تستاهل

__________________

خلي عندك مثل ما قلتي اكثر من خيار
تحسب لـ اي ضرف
حتى سكنك حطي احتمال يكون ليله في كازا

و انتي ما ينخاف عليك عندك الحس السياحي و واعيه
و سبق زرتي المغرب فعندك خبره

المبلغ اشوفه كثير

تواصلي مع احد المعلنين في تاجير سياره من المطار و توصلك للجديده مع سائق و راح تكون ممكن بنصف السعر تزيد او تنقص

اتصالات المغرب احبها و عندهم فرع بالمطار تطمني بعد بوابة تفتيش الشنط

التكسي ما انصحك فيه لاسباب منها الخوف عليكم بحكم انكم بنات

و اي استفسار ابشري

شورك وهدايه الله
بتواصل وبشوف الاسعار

وبعدها اقرر

__________________

بالتوفيق ..
و رحله سعيده
عديمه من المنغصات

السعر 800 درهم لحد الجديدة
الأفضل إستئجار سيارة بسائق بسعر لايتجاوز 500 درهم مع السائق مع 150 درهم ديزل +6 دراهم محطة الأداء الخاصة بالمطار و28 درهم ثمن محطة أداء الجديدة يعني تقريباً بحدود 800 درهم والميزة بتستفيدوا من السيارة 24 ساعة
في طريقة اخرى رخيصة جداً إذا وصولكم بالصباح أو الظهر وهي القطار من المطار لكازا
ومن كازا للجديدة ثمن التذكرة 35 درهم والرحلات كل ساعتين وأخر رحلة تطلع من كازا 7:30 مساءً
ومهم جداً الوصول للجديدة قبل الليل لأن محطة القطار خارج مدينة الجديدة والوصول المتأخر وخاصة بالرحلة الأخيرة أحياناً يكون مشكلة بسبب ندرة التكاسي والمكان موحش

نقطة مهمه جداً الجديدة تحتاج سيارة لأن المواصلات فيها صعبة جداً والتاكسي الصغير عددهم قليل ومايطلعوا خارج الجديدة حتى سيدي بوزيد رغم أن المسافة اللي بينها وبين الجديدة ماتتجاوز 3كم مايدخلها التاكسي الصغير ولازم تاكسي كبير

بالتوفيق

__________________

مابعد كلامك كلام يابو بدر
وعودا حميدا