محتار في السكن بين مجموعة خيارات في مراكش واغادير ( تكفى فزعتكم )
السلام عليكم ورحمة الله وبركاتة اسعد الله صباحكم لمن يشاهدو موضوعي الصباح :32: واسعد الله مسأكم لمن يشاهدو موضوعي في المساء كيفكم يامزاعيط ان شاء الله طيبين قصتي:- بعد عدة محاولات تم اقناعي بترك القاهرة و الذهاب للمغرب انا وثلاث من الزملاء كنا نذهب القاهرة باستمرار .....الخ المهم مالنا في طوالتها احترنا في السكن بين مجموعة اماكن وسالت وقرات في اكثر من مكان وقولت مالي غير المزاعيط هم عندهم الخبر اليقين اولاً:- مراكش الجميع اتفقو على الروز قاردن ,و, النخيل وبصراحة سمعت ناس مايمدحو فيها وسمعت ناس يقولو الاسعار غالية وبصراحة احنا ندور المكان الي فيه امان وحرية اولا واخرا واذا في اماكن غيرها ياليت تفيدوني لاني اتوقع المكانين ذي استهلكت وياليت نبذة عن الاسعار ثانياً :- اغادير الجميع اتفقو على ثلاث فنادق مارينا اطلس مارينا رويال اماديل ولم اخذ فكرة عن الاسعار حتى الان انتو يامزاعيط ياحبايب قلبي ايش تنصحوني فيه بحكم احنا الثلاثة اول مرا نطلع المغرب والي سمعت الاوضاع في المغرب مو زي القاهرة احنا متعودين في القاهرة على شقق و الوضع فيها تمام التمام واحنا ندور حاجه محد يقولنا عينكم فوق راسكم بصراحه وياليت كمان تفيدوني على الاسعار بالذات الروز والنخيل غرفتين وصالة موعد السفرة في بداية نوفمبر ولكم مني جزيل الشكر وخالص ودي واحترامي <<<< على شان محد ينساني هههههه:maroc (1090): |
اذا انتم اول مره تطلعون وكل اهتمامكم الامان وتاخذون راحتكم
فانصحك في مراكش بالروز وميزته عن النخيل هو تاخذ راحتك بالصوت وغيره لكن اثاثه لك عليه مو سيئ لهذه الدرجة وعندهم فلل جديده رشحته لك فقط عشانكم اول مره تطلعون للمغرب وابعدوا عن الشقق بحكم انكم جدد ومراح تخارجون اعماركم اذا في شي طرى عليكم بخصوص اكادير ارشح لك اماديل ولك الخيار انت |
وفي معلومه اخترتوا اسؤا وقت للسفر لمراكش
عندهم في نوفمبر مؤتمر دولي والدنيا بتكون مقلوبه وتشديد فاذا تقدر تغيرون وجهتكم لاكادير طول مدة سفركم يكون افضل اذا تبي تاخذون راحتكم ابعد عن مراكش في شهر نوفمبر |
رحله موفقه عزيزي ..نصيحه لكن ماهي نصيحة مجرب بل نصيحه اخذتها من الأخوان أصحاب الخبرة .. ابتعد عن الفلل الخاصه .. الفلل اللي بتكون على طريق فاس أو طريق تاركه أو طريق ورزرات .. طبعا راح تجيك رسائل خاصه من السماسره بعنوان تواصل معنا لدينا فلل خاصه او شقق خاصه بأسعار حلوه وأمان..الأمان فى الفلل الخاصه او الشقق والله مو مضمون حسب رأي اهل الخبرة لأنك بتكون بدون حصانه مو مثل المنتجعات فى بوابه وحرس والخ ... لكن بإمكانك تستفر من اهل الخبره وتسألهم ورحله سعيده عزيزي
|
بالنسبة للنخيل اذا انتوا ثلاثة ما تقدر تاخذ شقه غرفتين
وثاني شي بالنسبة للاسعار ثلاث غرف تقريبا ٣٠٠٠ درهم اما الفنادق الغرفة بحدود ١٤٠٠ درهم وحولها بالنسبة للثلاثي المرح واي استفسار حاضرين |
وعليكم السلام ورحمة الله
اغادير انت ذكرت اغلب الاماكن وانا عن تجربه اسكن اماديل ..مراكش تقدروا تاخذوا شقه في غيليز اذا كنتوا نظام روقان ومافيه ازعاج للي حواليكم والا اخذوا منتجع او فله خاصه والمعلنين كثار بالمنتدى ووثقوا حجزكم ... ورحله سعيده |
عزيزي بما انكم شباب اهل فله وتبون هيصه ومحد يقولكم ثلث الثلاثه كم وتبون
الحريه بالصوت الروز هو الخيار الاول لكم بما انكم اول مره تجون المغرب وما تبون احد يزعجكم طبعا الاسعار اغلي من اماكن اخري لكن بما انه ما عندكم خبره هو احسن مكان لكم اما بالنسبه لاغادير اماديل خيار جيد تحياتي |
اقتباس:
اخي العزيز فيصل الله يعطيك الف عافيه على اهتمامك ونصيحتك بس الي سمعت انو الروز نظام صالة الجلوس فيه دايما صغيره وماتخلي الواحد ياخذ راحته ومادري من هالكلام ياليت المجربين يفيدونا اما بالنسبة لاماديل دخلت على بوكينج بس مالقيت عندو نظام شقق من غرفتين وصالة لاحظت نظامو بس سويت او جناح فقط اما بالنسبة للشقق مادري جاني عرض من واحد في المنتدى ومادري من مدى صدق عروضو |
اقتباس:
لانو نظامي في مصر دايم شقق |
اقتباس:
يعني نظامهم كل غرفة بي 1000 درهم اما الفنادق نظامهم معقد وغبي بصراحه تاخذ غرفة وكل واحد غرفة راح طعم الجمعه الثلاثية الي طالعينها الاستفسارات افضل شخص استطيع اني اقدر استاجر منو في المنتدى وشخص مجرب اممممم << جالس يفكر في استفسار ثاني بس اصبر علي هههههههه ربي مايحرمني من خدماتك |
الساعة الآن 12:37 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط