اقتباس:
المشاركة الأصلية كتبت بواسطة aboghazal
السلام عليكم ورحمة الله وبركاته
كل عام وانتم بخير
أولا انا جربت اسافر لبلدان كثيرة إلا المغرب قلت اعتزال بس من تعليقاتكم حسيت انه مافي
اعتزال لاني حجزت التذاكر وشكلها نشب الموس فاللحية ايش نصايحكم ابي أفلها
ثانيا معي شباب أجبرتهم ع المغرب نفس وضعي واخاف يلوموني بعدين أبيهم ينبسطون وجونا مو طيور ابدا ممكن سهر مره وحدة بس وحمامات وكذا يعني
ثالثا : الرحلة 10 ايام في نوفمبر
رابعا : التخطيط اول يوم في كازا وبعدين 3 ايام في مراكش وبعدين 3 في أغادير والباقي نرجع لكازا
خامسا : ابي تساعدوني فالسكن والمواصلات
الميزانية 20000 الف ريال سعودي فقط لاغير
وامروني باللي تبون
اخوكم / أبو غزل
شف عزيزي بفصلها لك على قد فلوسكم وانت الحكم:
سيارة اكسنت 350 لليوم درهم مغربي
اجار شقه 3 اشخاص 1500 درهم مغربي..او فندق 3 او4 نجوم تحصل اسعارهم قريبه من المبلغ ذا
مصاريف اكل وشرب لليوم نقول 900 درهم
للسهر يوم ورى يوم 1600 درهم
معدل الصرف اليومي لكم 1392 اضربها بعشرة تطلع 13921
يبقى عندك مبلغ بحدود 6000 ريال 15500 درهم مغربي لو بغى الواحد يسوي منكم حمام مغربي او يتقضى حاجات من المغرب بسيطة مثل زيت ارغان وصابون مغربي او جلباب او بلغه يعني اشياء مما خف ثمنه وسعره للذكرى.
مبلغكم يكفيكم وزيادة والله ولامانع من الاحتياط.بالمغرب تقدرون تصرف في سفرتكم 20 الف ريال واقل وممكن تصرفون اكثر بكثير من هذا المبلغ وانا دائما اقول من الذكاء بمكان ان الشخص يبرمج رحلته على ميزانيته ولاينظر لغيره.
بخصوص السكن والمواصلات عندك معلنيين هنا بيساعدوك وتحصلهم في قسم العروض السياحية بالمنتدى.