من هم السماسره

السماسره بعض من الأشخاص لديهم فلل او شقق او غيره

يتصيدون السائح الخليجي تحديدا . بما انا ع قولهم انتهم براميل نفط متحركه او تجار

لو فرضنا ان مثلا الفيلا تبع صاحب العقار الحقيقي الاول يبغالها ب 2000 درهم
مثلا
انت فاضي يوم من الأيام في بيتك وسفرتك قريبه جالس تبحث عن سكن مناسب حصلت فيلا

السمسار الاول ....
تحصل الفيلا معروضه عند 15 سمسار وانت بالحالة ذي مطفي نورك وتبي تسكن . جاك السمسار الاول وقال هاذي من الاخر ب 4000درهم ع شانك وحنا دافعين لدرك فلوس ومظبطين وضعنا . وهو والله بس تسكن سحب عليك وفي حريقه انت ولي معك ... ويحط الفلوس في جيبه ويعطي صاحب العقار الاول 2000 درهم وفي جيبه 2000 درهم .

السمسار الثاني ....
تكلمه الو . حنا خليجين ونبغاء نسكن في فيلا كذا وكذا . يرد السمسار كم يوم ... تقول مثلا 10 ايام يقول اوك .... ويرسل نفس الفيلا الي شفتها مع السمسار الاول صاحبنا .... ويقول لك والله مانكريها الى بمبلغ 4500 .. كم زادت يامزاعيط . زادت 500 . تقول ياخي كثير يقول أمان ومضبطين الدرك . طبعا للزم يلعب ع وتر الدرك . وفيلا زوينه . وانت مطفي نورك .... بالحظه ذي
عطى صاحب الفيلا الحقيقي 2000 وحط في جيبه 2500 ياسلااااااام عزيزي المزعوط

السمسار الثالث .....
تكلمه الو حنا من الخليج ونبغاء سكن في فيلا كذا وكذا . يرد السمسار اهلًا اهلًا اهلًا اخي.... انا يجون عندنا خليجين بزاف وعندنا خدامه تعمل كبسه
عاد انت كذا تطير من الفرحه . كبسه الله . المهم .. تقول ارسل صور الفيلا يرسل نفس الصور الي عند السمسار الاول والسمسار الثاني سبحان الله
ويقول ع شانك بخليها لك ب 5000 درهم ... تقول ياخي كثير .... لا والله مازودت عليك بس فيها ديسكو وظبطين الدرك وتدفع لهم .. ركز معي الوتر ذَا دايم شغال الدرك .... بالحظه ذي عطى صاحب الفيلا الحقيقي 2000 درهم ... وحط في جيبه 3000 درهم ياسلاااااااام وحنا دفيعه

السمسار الرابع ...... هاذا الرأس الكبير الي مايرد عليك وشبعان منا
تكلمه الو حنا من الخليج ونبغاء سكن في فيلا كذا وكذا يقول بكره أرد لك اشوف شي متاح .. المهم ارسل لك الصور في الواتس .نفس الفيلا حقت السمسار الاول السمسار والثاني والسمسار والثالث ...... يالطيف لطفك
يقول لاتشيل هم حنا في خدمتك ليل نهار والفيلا يجونها خليجين كثير واعرف الامير الفلاني الشيخ الفلاني . وعندنا خدامه تعمل كبسه .. وانا ادفع للدرك وامان .وتر الأمان شغال . لحظ عزيزي المزعوط ... تقول بكم وانت الضحكه شاقه وجهك .. يقول ب 6000 .... طبعا انت ترد يخرب بيت الزرف الى ع اصوله ..
يقول والله ناجرها ب 7000 درهم بس ع شانك ب 6000
بالحظه ذي عطى صاحب الحقيقي 2000 وحط في جيبه 4000درهم


ملاحظه ...... الكلام ليس موجه الى كل حبايبي السماسره .. البعض منهم



عزيزي المزعوط ... خلك فطين وخلك أسد وخذ الرحله بطناخه وانتزع من قلبك الخوف . ولا يلعبون عليك بوتر الأمان الدعوه سهلات اذا وضعك تمام وشغلك مرتب ومنسق وخلك رايق وفيه اكثر من 10000 عقار سوء فيلا او شقه في اي مدينه .. ابحث وقارن بنفسك


عزيزي السمسار .... اسرقني بس اسرقني بأدب وخذ شي معقول وخذ اتعابك من حقك .... بس مو بالصوره البشعه ذي . حنا متلحطين خلقه طال عمرك .... حبيبي انت يالسمسار العزيز

يسلم فمك ..
قالوا لي ب 4000 وطلعت ب 1400
جشع مذهل وخاصة من اللي لك بهم معرفة سابقة

مشاء الله عليك والله ورب الكعبة كلامك صح الله يحفضك

كلام صحيح يامسألة وقت فلة تأجر من مكتب ب 40 الف في الشهر.. تطلع باليوم 1333 اذا زدت عليها مصاريف التشغيل والخدمة الخ المفروض تأجر ب2800 لكنها تأجر ب 4000 الى 6000 !!!!
------------------------------'--'------'
اخذت فلة بالمحمدية قبل 6 سنوات ب800 درهم
اخذت فلة بالقنيطرة ب700 درهم
يعني ضروري السائح اللي يعشق المغرب يوجد البدائل والحلول خاصة اللي له معارف لأن مراكش بالذات فيها سلخ بالأسعار والمشكلة كثير من الخليجين يعتقد ان هذا السعر هو الطبيعي

عن نفسي شخصياً ما اعتمد عالسمسار
دائماً اختار الطيران الي يوصل اول الصبح
استلم السيارة من المطار و عطول على الحراس اسألهم اذا فية شقق فاضية فالعمارة يتصل على صاحب العمارة و نتفق معة
فية مرة اخذنا شقة ب700
الأشخاص الي معنا بنفس العمارة ما خذينها ب1200 نفس العمارة و نفس الدور ،،

السماسرة في المغرب غالبا يهتمون بالزبون لاول مرة
و بعدها ... لا عيش ولا ملح .... ولا يهتم فيك ... بالعكس كل ما كررت التعامل معه صار اكثر جشعا

كن دائما زبون المرة الواحدة ......

__________________

مكشلتنا ناس ماتخطط وتحجز قبل تسافر
واحنا لنا وجهة معينة لشقق معينة وهذا خطأ
في المغرب مافيه أكثر من اجار الشقق
وكثير من الشقق يعطونك اسعار قريبة من الاسعار اللي تعطى للمواطنين، لكن مشكلتنا نروح برجليننا عند باب السماسرة
فيه مليون ألف طريقة تحجز وبأمان
حالياً مخطط على شقة غرفتين وصالة وراقية وعلى البحر سعرها مايتعدى 400 درهم باليوم، ولو ابي أقل كان حصلت
مشكلتنا أيضاً في موضوع الأمان
الأمان فقط ضبط الحارس 200 درهم وتصير امورك بالسليم
لاتسبب ازعاج للعمارة
ولا شوشرة
وخل الطيور تدخل عندك بهدوء كما تدخل الطيور لأعشاشها بسلام :)
الاسعار اللي تخذونها انتم يالخليجيين لو درى عنها أي مواطن مغربي بسيط كان جته سكتة قلبية من يسمع بس الرقم
لذلك تأكدوا انها مدبلوة بشكل رهيب
وعلشان أقرب لك الصورة تخيل لو قالك أحد فيه شقة مفروشة عادية في منفوحة سعرها باليوم 2500 ريال << وش شعورك أيها المواطن :)

لا والله قل دبره ودرعمه مع غشامه

لا والله قل دبره ودرعمه مع غشامه

الله يستر عليكم