عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


موسوعه السفر الى المغرب كل ما يهم المسافرين الجدد الى المغرب من معلومات

اغسطس 2015 قصص و خواطر

إضافة رد
 الصورة الرمزية دروبك يا السفر
دروبك يا السفر
مزعوط نشيط
المشاركات: 53
تاريخ التسجيل: Nov 2016
دروبك يا السفر غير متواجد حالياً  
قديم 2016-11-02, 12:34 PM
  المشاركه #1
Unhappy اغسطس 2015 قصص و خواطر

السلام عليكم


شهر 8 -2015

قررت و بدون سابق إنذار ان أسافر و بحكم إني سافرت الى 19 دوله كانت اكثر سفراتي ماابالغ لو قلت عباره عن قرارات مفاجئه

وانا في الإستراحه ابحث في مواقع الطيران و حصلت سعر مناسب للمغرب من جده و جده تبعد عني 700 كيلو و قررت إني اجي جده قبل يوم من الرحله

ملاحظه : أربطو الأحزمه و أستعدو لأنواع المفاجأت

ذهبت و قبلها بيوم المهم استعديت للسفر من كل النواحي

و اتصل بي صديق قديم و هو مزعوط قديم ايضاً

و قالي عليك ب طنجه.. للشلوح

و انا متعود على الرباط لأني أفضل الإستكنااان و لالي في وجع الراس

المهم قال لي راح يرتب الامور من ناحية السكن

و بينا ألو

قلت له : تممم

نمت بدري و قبل الرحله بثلاث ساعات توجهت للمطار

جيت ابقص البوردنق و يصير موقف و الله مااحسددد عليه

تخيلو طلعت الجوازات و اعطيه الموظف و قال: بلاش عبط يا رايق

انا : اي عبط الله يحييك
الموظف : جايبلي جواز منتهي و مخرم و تبي بوردنق
و طالعت الجواز الا هو جوازي القديم

هنا و قفت وقفة واحد منصددددم و الحل؟!!

فكرت اكنسل الرحله و اتصلت بصاحبي وكان هذا الحوار

انا: سلام

هو: عليك السلام ضبطت لك السكن

انا : خل عنك السكن الحين الجواز في البيت و انا في مطار جده .. وش السواه؟

هو : من جدددك؟

انا : ايوالله هذا و ماصار

هو : خلاص كنسلها و رح لبيتك و ريح يوم و اطلع من الرياض

انا : مالي الا كذا

و قلت لموظف الخطوط المغربيه في مكتبهم ابي اقرب رحله من الرياض

بعد ماعلمته بالسالفه

قال فيه الليله بس و الله مايمديك تروح لبيتك ( القصيم ) و بعدها على الرياض الا طيران قلت : وسيارتي؟!

المهم حجزت و تليتها للقصيم و اخذت الجواز الجديد

و توجهت للرياض و لااشوف بين عيوني الا طنجه


لحديثنا ... تكمله
رد مع اقتباس
 الصورة الرمزية كازويه منسمه
كازويه منسمه
مزعوط مبتدء
المشاركات: 34
تاريخ التسجيل: Nov 2016
كازويه منسمه غير متواجد حالياً  
قديم 2016-11-02, 12:42 PM
  المشاركه #2
تعور قلبي مكانه المسكين ، للاامانه موقف لا يحسد عليه "̯ ليته ناسي الشنطه ولا نسى الجواز
رد مع اقتباس
 الصورة الرمزية دروبك يا السفر
دروبك يا السفر
مزعوط نشيط
المشاركات: 53
تاريخ التسجيل: Nov 2016
دروبك يا السفر غير متواجد حالياً  
قديم 2016-11-02, 02:05 PM
  المشاركه #3
اقتباس:
المشاركة الأصلية كتبت بواسطة كازويه منسمه مشاهدة المشاركة
تعور قلبي مكانه المسكين ، للاامانه موقف لا يحسد عليه "̯ ليته ناسي الشنطه ولا نسى الجواز
ايوالله انوااااع الاكشن ماجاك شي
رد مع اقتباس
 الصورة الرمزية دروبك يا السفر
دروبك يا السفر
مزعوط نشيط
المشاركات: 53
تاريخ التسجيل: Nov 2016
دروبك يا السفر غير متواجد حالياً  
قديم 2016-11-02, 02:07 PM
  المشاركه #4
عدنا لكم

طلعت لمطار الملك خالد في الرياض

و نادو على الرحله و طلعت الطيار

و انا اقول في نفسي تستااااهل المغرب كل هالتعب...


المقعد اللي جنبي فيه طيرر ملاااائكي������


و هون علي السفر كانت سوالفنا بررريئه جداً

مره سياسه مره الكتب اللي قريتها و اللي قرتها هي و مره عن المغرب و السعوديه

و ماتخلى سوالفنا من الشطحااااات������

من ضمنها قلت ؛ عافاك ممكن الرقم ديالك راني اووول مره ازور بلادكم و غريب و يتيم������

الطير ؛ عندي الرقم ديال ابو ولدي استفسر منه������

انا : تزوجتي يالخاااينه ������

قالت : اييييه يا مسطي������

انا : مالكش في الطيب نصيييب������

هي : صاافي قلب الطيب عااامر بالبقوصات

و بعد هالحوار نادو بربط الاحزمه استعداداً للهبوط

و انا اقول في نفسي اقول مااااااابغينااا

نزلت و لا بخششت و لاهم يحزنون

و يرررتفع ضغطي من الدراري ديالنا يدفعون للرايح و الجاي و بيني و بينكم كذا راح يطمع فيك اي واحد و راح يشوفون دولار يمشي

و صرفت و اخذت لي شريحة اتصال و نت بعدها رحت للقطار و حجزت ع طنجه

و قالي بعد ساعه و اروح للكوفي و قلت فرصه الواحد يريح المهم الموقف الثاني اللي صار لي مع الأمن اللي يوقف عند البوابه ديال القطار في المطار


قلت له خويا فيه كهربا راني باغي اشحن الموبايل متاعي

قال ؛ صافي اعطيني موبايلك و الشاحن

تذكرت ان مامعي صرف و قلت له لا مايحتاج تتعب نفسك بس قولي وينه شوي الا يتغير علي ���������������� �

و يرفع صوته و قال لي خويا كلللكم يا السعوديين خاااايبين بالزاف

قلت : علاااش؟؟!!

قال : مفكرين ان الناس ما يساعدونكم الا باغيين مقابل

بيني و بينكم هو يحاول يحرجني لكن ماعطيته مجال قلت له وييين المشرف هنا

الا و يجي واحد قال : خير خويا اقدر اخدمك بشئ

قلت : ايه وين الكهربا اذا فيه ابي اشحن الموبايل و صاحبنا مو راضي يقول لي

قال : لا حشومااا راهو هناك و اذا بغيتي حاجه مكتبي داخل تقدر تجيني

قلت : صافي و يعطيك الصحه

و حارس الأمن يطالع فيني بحقد ������ قلت خويا

قال : نعم

قلت : خلاااص ماابيك تقولي وين الكهربا������������

و يقول لي : سير في حالك

هنا تدخلت وحده و تتكلم معه قالت هادا ماشي ساعودي من اليمن ������

جيت لعندها و قلت علاش يماني قالت السعوديين كرماااااء و اغنيااااء بالزاف انتي كتعصبت مع الراجل عشان ماتعطيه شي


هنا ارتفع ضغطي و قلت لازززم اعدي هاليوم ع خير

جاء القطار و طلعت الا و تجيبني الصدف عند ثنتين و واحد اوربي

نام الاوربي و حنا هاااتك يالسوالف قالو لي من وين الاخ

قلت من كولومبيا

قالت اللي في نجد او في الحجاز������

قلت لها علاش تسأليني طيب


المهم وصلت بعد عناااااء طويل و اتصل ع صاحبي و يوم وصلت كنت تعبااااان

مانمت و اخذت لي شقه حدا ماكدونالدز و كانت ب٨٠٠ و اخذتها عشان الموقع + اني كنت مواااصل و حالتي يرثالها من الاكشن اللي صار لي البارح

و اول مااخذتها الا و يتصل صاحبي قالي يالحبيب صاحب الشقه ابي اتصل عليه و انت ريح في الكوفي

قلت والله تعباان و اباخذ الشقه اللي حصلتها قال بكم و علمته عنها و عن سعرها

قال و الله موقعك خطيررر توكل على الله و اخذ اول ثلاث ايام و اذا بغيت تغيرها بلغني قلت صافي

( كان الملك سلمان في طنجه وقتها )

و لعلي اذكر موقف صار لي

جاني واحد قال انت ساكن في الدور الثاني شقه رقم كذا و كذا و قلت علاش تسأل و صاحبه يقول لا تكلمه كذا هذا مع حاشية الملك ديالهم اقرى ع التيشرت دياله مكتوب بوليس و اطالع فيه الا والله صادق ������ قلت نعم انا من الحاشيه و لو ماتسير في حالك اقدر اديرلك موصييبه ماابيه يزعجني والا يجيني الشقه

شوي الا ويتغير بقوووه في طريقة كلامه

والله خاف مني و قالي انت ضيف عزيززز علينا و و و و

وختمها بعزيمه عنده في البيت و رفضت المهم قال طيب الكوفي و قلت صااافي و رحنا انا و هو و صديقه و حاسب الكوفي

بعدين اكتشفت ان والدته مريضه الله يسااااااامحني و يبي علاج لها ع نفقة الملك ديالنا


هنا استحيت اقوله اكذب قلت والله صعبه و تاخذ فتره طويله مثل هالشغلات

قال عاااادي انا دقايق بأجيب التقارير و انت انتظرني هنا و قلت في خاطري مثل مايسوي محقق و عرف شقتي اردها له قلت صافي ( الله يساااامحني ) و الله لو ماعطيته امل لينشب لي������

و راح و نص ساعه الا هو عندي بالتقاريرقلت والله ياصاحبي مااضمن لك شي لكن عندي سؤال من دلك على شقتي قال لي انسسسى الهدرا ديال الشقه و عاااادي اذا بتجيب طيور او انا اجيب لك الدنيا هااانيه راك في طنجه يا صاااحبي

هههههه

المهم جلس جنبي طير و معه طفل رضيع و انواع الابتسامات من الطير و طفيت الزقاره عشان الطفل اللي معه المهم قال علاشش طفيتها راني ابوق مع الطفل هذا ���������������� �������

المهم اخذت رقم الطير و قال لي تروح معي على سيارتي افرجيك على طنجه هنا قلت لا صاحبي بيجي و مره ثانيه ان شاء الله


و من ضمن المواقف ٣ طيور ع اللوكيطا واحد منهم قال لي بقوووصااا قمت اتبسم و سرت في حالي و بعد ماتعدتني بشوي قالت بصوتها كله ماااا اقصدك انت ���������������� �

و صار موقف ثاااني امووووت مانسيته


مشرمل ازعجني و رفضت اعطيه شي و قال انا جوعان حاسب المطعم و كانت ملااابسه رايحه فيها المهم ماعطيته و هاتك يا سب و زودها يمشي و راي و يسب السعوديه و انا و و و ماخلا كلمه الا و قالها لي هنا وقفت و التفت فيه و يحط خشمه عند خشمي و ادفه و الله طلع سكيييين الحيوان و يلفها على وجهه و قال تذكر هادا الوجه هنا قلت و الله مااتركها معه مسكت يده و العالم اجتمعت علينا و جاه حارس عسكري كان عند العماره ديالنا و يضربه قدام العالم ضرب مجنون و ياخذ منه السكين و رحت للمكتب اللي استاجرت منه و قالي اللي في المكتب و هو يضحك حراام عليك هذا مسكيييين ماراح يسوي شي بس يجرب معك يبيك تخاف منه������


و الله مااقتنعت من كلامه الا بعدها بثلاث ايام شفته في الشارع و هو مايبيني اشوفه المهم جيته و عطيته ٢٠ درهم و قلت سير في حالك و اخذها و هو فرحان ومشى������


المهم الاماكن اللي زرتها مقهى الحافه و حمام بوغاز

و تقريباً كل مقاهي طنجه كل ساعتين في مقهى

و كنت مقل في السهر خارج الشقه

والامور هانيه هناك ركبت طاكسي و كان فيه طير ورى و راجل قدام وانا ركبت ورى و انا ساكت مديت الجوال و قالت شفيه قلت ااء ااء و تعيد علي السؤال هههههه

المهم سجل رقمه الطير و انا نازل قلت مع السلامه و هنا بغت تموت من الضحك

و كان هالطير معظظظطم وقتي معه ���������������� �������

وهنا عندي ملااااااااااحظه ياااليت ياخذون بها الشباب ركدو الرمي على قولتهم و كللل الامور هانيه يعني بلااااش شغلات المهايط و البخاشيش و الله لتمشي امورك بشي ماتصدقون به

المهم قضيت تقريباً ٦ ايام و كانت ايام حلوه بصراحه

و بعدها رجعت للحبيباا ديالي الرباط


و راح اتكلم عنها في التقرير الجاي

التعديل الأخير تم بواسطة دروبك يا السفر ; 2016-11-02 الساعة 02:15 PM
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 650
تاريخ التسجيل: Sep 2013
الدولة: شرقاوي للنخاع
ولد الشرقية غير متواجد حالياً  
قديم 2016-11-02, 04:13 PM
  المشاركه #5
الللللللللللللللللللللللل لللللللللله

نسيت الجواز

لاياشيخ

الله يعوضك خير يا صاحبي
رد مع اقتباس
 الصورة الرمزية Bin Tamim
Bin Tamim

اغسطس 2015 قصص و خواطر

المشاركات: 214
تاريخ التسجيل: Feb 2014
Bin Tamim غير متواجد حالياً  
قديم 2016-11-02, 04:33 PM
  المشاركه #6
سوالفك حلوة
رد مع اقتباس
 الصورة الرمزية دروبك يا السفر
دروبك يا السفر
مزعوط نشيط
المشاركات: 53
تاريخ التسجيل: Nov 2016
دروبك يا السفر غير متواجد حالياً  
قديم 2016-11-02, 05:03 PM
  المشاركه #7
اقتباس:
المشاركة الأصلية كتبت بواسطة ولد الشرقية مشاهدة المشاركة
الللللللللللللللللللللللل لللللللللله

نسيت الجواز

لاياشيخ

الله يعوضك خير يا صاحبي
ايوالله شيخ لكن القديم معي بالتخريم
رد مع اقتباس
 الصورة الرمزية دروبك يا السفر
دروبك يا السفر
مزعوط نشيط
المشاركات: 53
تاريخ التسجيل: Nov 2016
دروبك يا السفر غير متواجد حالياً  
قديم 2016-11-02, 05:05 PM
  المشاركه #8
اقتباس:
المشاركة الأصلية كتبت بواسطة Bin Tamim مشاهدة المشاركة
سوالفك حلوة
انت مو بس سوالفك حتى انت حلوو
رد مع اقتباس
ناصر -777
موقوف
المشاركات: 3,852
تاريخ التسجيل: Dec 2015
ناصر -777 غير متواجد حالياً  
قديم 2016-11-14, 10:20 AM
  المشاركه #9
الله يهداك جوازك القديم وش تبي به مخليه عندك انتهي خلاص شققه واحذفه ولا تدخل في هالمتاهات اتعس شي انه تكون في المطار ومتشوق للرحله وتنتظر بس متي تركب الطياره وتخلص ويجيك شي يردك من الرحله شعور محبط جدا وعشته قبل
بانتظارك يا بطل
رد مع اقتباس
 الصورة الرمزية مستر روقان
مستر روقان
مزعوط قدير
المشاركات: 215
تاريخ التسجيل: Mar 2016
مستر روقان غير متواجد حالياً  
قديم 2016-11-14, 10:44 AM
  المشاركه #10
شكلي يبي لي ارقمك
محتاج خبير بطنجه قريبا.
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: اغسطس 2015 قصص و خواطر
الموضوع آخر مشاركة
مسافر في 2 اغسطس والعودة 9 اغسطس ابغى نصائحكم وارائكم لا هنتوووو ،،، 2016-08-01 10:02 AM
الرباط في شهر اغسطس 2015 2015-09-30 02:17 AM
خواطر حب 2013-08-14 12:47 AM
خواطر *ي* 2013-04-22 06:22 PM
خواطر 2011-09-30 01:53 PM


الساعة الآن 05:30 PM