مراكش بداية ديسمبر
السلام عليكم ورحمة الله وبركاته
كيف حالك ياشباب... انا عندي استفسار وابي منكم المشوره انا رايح مراكش اول ديسمبر ومعاي ثنين من الشباب يعني مجموعنا 3 وابي مشورتكم فالسكن من ناحية الامان والاثاث والاسعار في الوقت الحالي انا تقريباً رسيت على الروز قاردن مع اني مش مقتنع فيه لنا اخر مره جيت مراكش سكنت فيه ومعاجبني ابداً غالي على الفاضي اثاثه متهالك وتعبان بس هو الوحيد الي اعرفه اذا عندكم راي فيدوني ... |
منوار النخيل اشوف يمدحونه
|
والشباب ما يقصرون مع الجميع
بالمساعدة |
نصيحتي لاتسكن في الروز وغالي من غير فايدة
|
ما انصحك في الروز قاردن
اثاث متهالك ازعاج وغيره |
لاتسكن في الروز قاردن في مواضيع تحذر منه بخصوص البوابين وغالي وعالفاضي
|
مراكش بداية ديسمبر
السلام عليكم اخوي
شف ماراح اتكلم عن الي حصل لي بالروز قاردن لكن نصيحه غالي على غير سنع وانتم ثلاث اشخاص يعني تقدرون تاخذون فله وتكون حر نفسك ومايتحكم فيكم اي بواب او يدخل بخصوصياتكم كما احذر ان تدفع كامل المده مقدماً مع اي شخص وخل نظام الدفع يوم او يومين بالكثير علشان اذا ماجاز لك الوضع تطلع والخيارات كثيرة بمراكش ترى اكثر مدينه فيها خيارات سكن واقترح ان تدخل تتصفح بالموقع وفي كثير معلنيين بما فيهم الاخ ابو سلمان وكالة البيت بيتك وكثير من الاعضاء مجربينه ويمدحونه اخذ لك فله وذكر شروطك كلها واشرط انها تكون امنه وثق حجزك بالمنتدى وامورك هانيه ان شاء الله واتمنى لك رحلة موفقه ان شاء الله لك ولبقيه القروب |
منوار النخيل بس ما عندهم فله ٣ غرف بتاخذ فله ٤ غرف السعر بيطلع غالي عليك او مالك الا الدرقاوي
|
ماقلت لنا نظامك انت واصحابك يعني سهركم بيكون في السكن ولا المراقص يعني انتم تحبون الصوت الصاخب ولا صوت معقول السهر هو اللي يحكم نوع السكن
|
هلا بالشيخ
الجواب الصحيح يعتمد على اشياء للحين مجهوله منها كم بتجلسون وكم اعماركم وايش نظامكم في السهر وكم الميزانيه وهل تهمكم الخصوصيه اما اذا تبي جواب معلب وجاهز فاتوقع حصلت عليه. تحياتي |
الساعة الآن 08:32 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط