صبحكم الله بالخير ,كل ماحصلت وقت ان شاءالله بكتب للكم جزء ,,
دخول/:
قبل شهر ونص تقريبا من هلحين الاحداث هذي:
جالس بشقه وعلي بالخير ومضبط ارقيلة تفاحتين ومشغل اغنية سميه بعلبكي *يامسهرني * وداخل جو
واموري طيبه شوي دق جوالي بوهان يتصل بك: ملاحظه (الاسم الحركي بوهان من اعز اصدقائي دايم
مفهي واطلقت عليه اسم بوهان تدليع ابله واخف بنطق) نرجع للاتصال:
انا :ارحب يابوهان
بوهان:وينك ياكرشاف مسوي ثقيل انت وجهك وينك فيه
انا:ياالليل وش ثقيل ياجدي وين بكون بشقه مستكن مع روحي تعال حياك
بوهان:مستكن مع روحك بعدين وش مشغل مسوي رايق والله لوانك وسط طنجه
انا:ئيييييه بس خذا الله عدو هلوجه انت ليه ماتنثبر ليش تنقض جروحي احد امسلطك علي.
ملاحظه في هلحظه بوهان (يضحك ضحكته الخبيثه الي مقصده منها ازين ذكرتك) ..
بوهان : المهم جايك تبي شي اجيبه معي .
انا: حياك ابد سلامتك ,
انتهى الاتصال اخذت نفس عميق تخالطه ونه من اخر الجوف حذفت للي المعسل فتحت النت دخلت ع الحجوزات من غير تفكير واحصل حجز وقتها عرض اعتقد حق اليوم الوطني واحوس شوي واطب بحجز اب
1560 ريال جده كازا كازا جده وانا اتنح شوي وقسم ماستوعبت واخذ نفس واحاتسي روحي ياولد هذا كيف هذا صدز ولاتسذب مستحيل ياااايمه المهم وطق طق ابي احجز واالفيزا حقتي مدري وشفيها وانجن قلت هلحين يروح علي الحجز قسم بدون تفكير واقعد اطامر شوي في هلحظه طق الباب بوهان وصل
انا هلا بوهان الله حيوه اقلط
بوهان هلابك البقى ,
انا :اجلس تقهوى ترى انا عن اذنك مشغول شوي لاتزعجني انت وصوتك الكالح
بوهان:الله اكبر ياالراجحي خف علينا عطني الدله وطس
في هلحظه انا منسجم وداخل بجو حوسه وحجز واتصالات المهم ماضبطت الامور في هلحظه مودي تعكر لاني لامسكت براسي امسكت,
بوهان: كرررشاف كرشاف ياولد انت وشفيك متقروش وحالتك حاله,
أنا: كله منك ماتعرفني مطفوق نوب مسكت المغرب براسي وجالس احجز قسم,
بوهان:يارجل انت صادق قسم مريض توك جاي ماكملت شهرين لابالله انهبلت وفلوسك زايده ياهامل,
انا:بوهان لاتزعجني يرحم جدي قسم غير بكره الصباح امر المكتب وحجز ,الفيزا بنت الكلب ماهيب راضيه تحجز ولاابي ادق على احد من الربع بكره وخير ان شاءالله,,
بوهان:اقول الله يخلف بس ماعندك عشاء بس,
تعشينا وعلينا بالخير وليلي لليل احاتسي روحي تخيل يروح هلعرض وتصير اب 3 الاف وانت طفران وحالتك حاله انت ليه ماتعقل وتنثبر وشوي اعصب ع روحي قسم غير احجز عاد بالي هي,
وجاء الصباح ورحت المكتب ومن شافني عند الباب قال كازا قلت اي بالله كازا ياصديقي
وبحكم اني عندي دوام من 8 الى 2. والعصر عندي دوام من 5 الى 11 بالجامعه ومرتبط جداا,
قلت خلها في الاجازه الاسبوع وطبعا كانت في الاجازه الاسبوع من الاحد الى الاحد ,,13/نوفمبر وحجزنا وسدد نفس المبلغ او زياده بسيطه من مكتب الطيار ,
طلعت من المكتب بقمة النشوه المعتاده بعد الحجز ركبت الموتر شغلت اغنية مساعد البلوشي نجوم الليل .مدري وش جابها ع بالي برغم من حبي للفنان هذا جدا,
المهم في هلحظه جلست احاتسي روحي ياولد انت وش سويت لاعندك فلوس وتوك جاي من سفره وبعدين الاجازه الاسبوع عندك زواجات مهمه وشلون وامي اكيد بتفصل علي بسبة هسفرات ,
وجات النقطه الاهم وين الخوي الي بيخاويك .
المهم تلخب عندي التفكير وقلت ياااعمي المغرب مثل العرس بس اعزم وانوي وربي تمشي اموورك وارفع صوت مسااعد يوم قال: نجوم الليل والغربه تذكرني زمان فات تذكرني ربيع العمر واسترجع ملفاتي,,
في هلحظه جاء في بالي صديقي الغالي على قلبي جدا من حائل اورنس الشمال ,
صح ليه مااتصل ع اورو الشمال
ملاحظه(ابوسلطان صديقي الغالي الي جدا انبسط معه نسافر كثير انا وياه ونقنص كثير ونجلس بالبر والمقناص انا وياه احيان 15 يوم للحالنا عمره 55 يعمل اعمال حره عند محلات واموره طيبه ربي يزيده ان شاءالله الاسم الحركي اورنس الشمال
صفاته مطنوخ كريم راعي مزح راعي دين راعي زحف اي كلها قسم فيه هههه)
خرووج/:
اخذت الجوال باتصل عليه اكملكم في الجزء الجاي اتصالي مع اورو الشمال ,,
انتظرررروني
2016-11-21, 11:30 AM
.gif "Morocco 5 (40)")
.gif "Maroc (1066)")
المواضيع المتشابهه للموضوع: سفره تبي مرثيه للديار المغربيه في مراكش واقادير زادت همومي عليه(ابشرو بتفاصيل )
العرض العادي
الدرهم المغربي مقابل عملات الخليج