مراكش والسكن ..... المشكله الأزلية
 

شباب صباح الخير
حبيت اطرح موضوع مهم جدا الا وهو موضوع السكن في مراكش ماتلاحظون معي ان مساله ارتفاع اسعار السكن بسببنا والسبب انه كل مارحنا مكان قلنا نبي سكن واهم شي الامان وهما اخذوها حجه ورفعوا الاسعار بشكل جنوني وصدقوني الامان من الله ماهو من عندهم والا لو طبت حمله تفتيش والله مادروا عنك وصدقوني السكن كله امن بس ياغريب خلك اديب بدون رفع صوت وازعاج ولفت نظر واستعراض صدقوني امورنا طيبه احنا اصلا ماذبحنا الا الخوف وصرنا صيد سهل لاصحاب الطمع والثراء السريع على ظهورنا كخليجيين
ودمتم بود

كلامك صحيح والامان عند الله قبل كل شيء هم يمسكونك مع اليد الي توجوعك اذا سمعك تقوله ابغى شيء امان قام يستغلك ويرفع السعر بحكم انو السكن امان وهو ماعنده سالفه لو يصيرلك شيء سحب عليك الا من رحم الله
اكثر شيء قريته فالمنتدى كلمة ( الامان )
يعني فرضاً اخذتلك شقه وكنت محترم جيرانك ومازعجتهم بيشتكون عليك ؟مستحيل احد يجيك من الباب لطاقه وانت ماسويت شيء غلط وبالنسبه الي يقول انو الصوت ماينفع نرفعه في الشقق اسمع بصوت كويس لازم تسمع جيرانك ..! حط نفسك محل جيرانك عندهم اطفال نايمين وقومه الصباح وتزعجهم
ما اقول اني الشخص المثالي الي ماخطي لاكن احترم تُحترم ..
الموضوع ومافيه كلن وجوه ومزاجه وقناعته
شكراً مزعوط ع طرحك ..

ياجماعه شسالفتكم ع الامان مراكش كلها امان بعد الله منت بأثيوبيا ترا اي مكان تسكن خذ راحتك فيه وجيب الي تبي ولكن باحترام وبدون ازعاج ونا عن نفسي سكنت بشقه بقيليز سعره رخيص وجيراني مغاربه وماخذ راحتي لاني ما ازعجتهم ولا شي ولكن انتو ماذبحكم الا المنتجعات مثل الدرقاوي والروز وشلته يارجل الدرقاوي قبل 3 سنين الشقه 1300 درهم والحين 2200 درهم ماحط السعر هذا الا انتو باعتقادكم ان الامان عنده روح وسط مراكش وابحث بنفسك راح تنصدم بالرخص والفخامه

وتقبلو تحياتي واشواقي

كلامك صحيح اسعدني مرورك والاروع تعليقك دمت بود

صباح الخير
والله صح كلامك صج مشكله بس من فتره هذي المشكله
وبخصوص اخوي تقول لو في حالك متسوي ازعاج محد له شغل فيك اخوي ممكن كلامك صح يكون بس صار معاي موقف مره كنت ساكن في شقه في جليز وانا مب من الي يسون ازعاج وسوي سهره في شقتي حدي ادخل ضيوف واذا بسهر في شقتي افلام امريكيه وعشا وبس
بس الي ساكن فوقي اشتكا علي من غير اي سبب وحتا العساس قالهم هذي مب مسوي اي ازعاج
وهددوني بيتصلون في شرطه وانا قلت بتصل في سفاره بخليهم يتصرفون معاكم لاني كنت دافع المبلغ كامل

الشكر لله وهذا واجبنا تجاه المنتدى و اعضاء المنتدى الذين لهم الفضل بعد الله سبحانه وتعالي على الرد على استفساراتنا برحب وسعة صدر اسعدتني كلماتك بقدر مااسعدني مرورك دمت بود

ممكن الشي هذا يصير بس نادرا والا الغالب اذا مافيه ازعاج ماحد يمك والشي الثاني اخوي اكبر غلط الواحد يستاجر شقهاو فيلا ويدفع المبلغ كامل لانك لو دفعت المبلغ كامل صرت تحت رحمته بس انت ادفع يومين رضي رضي مارضي معالسلامه غيره كثير

اعجبتني كلمة الامان من الله على اساس بالفله جالس تشرح لضيوفك صحيح البخاري الله يهدينا ويهديكم بس

أسعد الله صباحكم
أتمنى اني أكون خفيف ومفيد لهذا المنتدى الشامخ .. يا اخوان اول مادخلته شميت الطواجن ������������

رحلتي بعد 15 يوم لمراكش .. ووين تنصحوني أسكن العدد 2 أو 3 اشخاص
وفي سهرات ������