مراكش بين الماضي والحاضر

اكيد لحقت على ورق العنب والملفوف اللي كان بكرم ههههه
اذكر معاناة السفر من مراكش لاغادير صعب جدا مع الطريق القديم
بدون مبالغة يزيد عن خمس ساعات ويصل الى ست ساعات بسبب الطريق السيء
اللي لو زل الكفر والله مايردك غير الوادي ههههه يعني انسى تسافر مع الطريق هذاك بالنهار
تلاقي قدامك ابو عربية والا سيارة محملة اعلاف تمشي عشرين ودبابات يمينك ويسارك
وفي الليل اذا مسكت الطريق اهون شوي يمكن تصل باربع ساعات ،،،
وطول الطريق اللي قدامك يكبس لك النور اذا مارديت له الكبسة ياويلك يستلمك تكبيس لين يفقع عيونك لانه يفتكرك نايم والروح غالية هههههه!
ولامنك وصلت للديرة تحس فعلا انك مسافر وجاي متشفق.
. اول لما تشوف واحد من ديرتك يفز له قلبك وودك تسولف معه من قلتهم وتشوف برنامجه وتتبادلون المعلومات كانت المعلومه فعلا قيمة عكس الان كلن يفتي من عنده وطرق سيارة ورغم ذلك مافي مثل وناسة اول!!
موقف ايضا كنا راجعين من اغادير لمراكش ويوم وصلنا مراكش الا الشرطي قام يستلكع علينا يبي بخشيش لان الاصطب الخلفي فيه كسر
قلنا له مامعنا ولا درهم قال والو قلنا له والو والو
المهم اخر شيء طابت نفسه وطلب منا كاسيت لمحمد عبده بنت النور وعطيناه له هههههههه.
اذكر موقف مرة ثلاث طيور في جيليز طلبوا مننا نوصلهم لبيوتهم وهاتك يالفلفة يمين يسار لين طبينا
على بيوت شعبية وبعضها من الصفيح المهم وصلناهم لمكانهم قالوا انتظرونا ربع ساعة ونبي نرجع معاكم شوي الا هم جايين وجايبين معهم ربعهم وراكبين فوق بعض وجايبين مسجل كاسيت لونه سماوي والباب حقه مكسووور التفت لخوي وجلسنا نضحك وش رايك يالبرنس قال الراي رايك!! هاه وين تبون قالو معاكم والسيارة كانت دايو 2000 صغيرة وكنا ساكنين بشارع محمد الخامس عند مصنع التبغ بملحق فوق السطوح بالدور السابع والسطح تابع للشقة والمطعم تحتنا وكل الطاقم حق المطعم هكاليوم طلع فوق ولابسين طواقيهم حقت الطبخ واللي يزين الطاولة ويحط عليها من هالمشاوي واللي يحط السلطات ودقيناها صحبة مع الربع وصرنا صحبة مع اهل هالبلاصة مافيه منهم اللي ماعزمناه ههههههه حتى صاحب العمارة والمطعم جازله الوضع وصار مايفارقنا ودقها صحبة معنا والامور كانت سهالات بالحيل ،،، والله في مواقف كثيرة بعضها يفطس من الضحك لكن اكتفي بهذا القدر.

يمكن ردي شطح شوي بس قلنا نعيد الزمن ورى شوي

__________________

والله اذا جينا للحق ، الاسعار بكل مكان ارتفعت مو بس بمراكش.. صحيح ان اللي حاصل فيه زيادة مبالغة بالاسعار
لكن الامان ما يصبح شماعة الارتفاع، انا واحد من الناس ما حب اني اسكن برا المنتجعات لعدة اسباب ومن اهمها ان محد يزعجني عشان الصوت .. فيها شوية اريحية المنتجعات
وبالنسبة للماضي < الكل يحب ذكرياته بشكل عام سواء بالمغرب او حتى بالصين :)

الله الله عليك اخوي معانق السحاب ذكريات لزمن جميل واذ ممكن تسوي لنا موضوع تكتب فيه سرد لسفراتك القديمه وكيف كانت المغريب بيكون تقرير مشوق ... كانت السفره عالم اخر بكل شي زينه طيور وغيره وكانت البساطه في كل شي حتي كان الخليجي هناك شي مميز وقليل درات الدنيا وصار مكروه والكل يخطط عليه من يوصل المطار كيف يزرفه طبعا مااتكلم عن عامه الشعب
اقصد الناس اللي يخالطهم من ناس السهر ات والسكن وغيره

هههههه الله علي باب المسجل المكسور اجمل ذكريات ومغامرات

ههههههههههههههههه انت ماجربت الطريق القديم بالحافلة من كثر اللف بالجبال. ...تجيك دوخة وكل شوي ترجع ههههههههههههههههه .........ماكان في اصلا غير الساتيام ولاساطاس ههههههههههههه

مازلت أقول أنه فيه طرق كثيرة تستطيع أن تستمتع بالسياحة في المغرب بأرخص الأسعار
الأهم لاتكون كالثور الهائج اللي محبوسٌ عن بقرته سنة
مو بالضرورة تسكن بمنتجع
مو بالضرورة ترفع الأغاني حتى يسمعك اللي برى المدينة
ابحث ثم ابحث ثم ابحث ستجد السعر المناسب

المغرب بلد رخيص حينما نستثني الأشياء التي يتم استغلال السائح الخليجي بها وهي معروفة

يكفي أنه تستطيع أن تسكن في شقة لمدة شهر بمبلغ لايتجاوز ألف وخمس مية ريال
أو تستأجر شقة لاتتجاوز بالسنة عشرة آلاف ريال
وتعال لها متى مابغيت وأكثر مايكلفك تذكرة الطياران

هذي خطتي المستقبلية، بعد ما اكتشف بزيارتي القادمة المدن المغربي وأشوف وش أفضل مدينة أتوافق معها وأحس ذاتي بها، وبعدها ستكثر زياراتي أربع مرات في السنة، تكفي عن زيارة مهايطي واحد أو إنسان لايفكر ولا يستخدم عقله لمدة أسبوع في سفرة واحدة.

امتعتنا بهذا الطرح المميز