شكلي بكنسل السفرة للمغرب!!
 

السلام عليكم,

كيفكم يا احلى مزاعيط, أنا عندي سفرة للمغرب بشهر 3 ميلادي, المشكلة أني من كثر ما افكر بهالسفرة أحس اني عفتها.

عاد قلت مالي الا الله ثم انتم وبأخذ بشوركم أن شاء الله,

أنا أن شاء الله طالع 8 ليال انا وخويي فقط مراكش, لاكن خويي يقول بنجلس 4 ايام مراكش 4 ايام اغادير! وانا اشوف ان 8 ايام مو كافيه اني امترالخطوط واسافر من مدينه الى مدينة اخرى, أنتم شرايكم؟

وسؤال ثاني: لو احجز غرفتين بالنخيل من السعودية لمدة اربع ايام, واذا الوضع حلو ابغى امدد, هل يطلبون سعر اغلى؟ او بنفس السعر الي قبل؟

سؤا اخير :26:

من كازا الى مراكش, وش الافضل, قطار أو طاكسي؟

وشششكرا :18:

من رأيي تقسيمكم جيد خلها 4 ايام بمراكش و4 في اغادير والمسافه بينهم ساعتين ونص وانا مع تنويع المدن في اول سفره .. بخصوص سؤالك الثاني تقدر اكيد. شوف احد المعلنين هنا وتواصل معه وشف كم يعطيك في السعر.
السؤال الأخير القطار ارخص لك والتاكسي لابأس به وان كنت افضل تستأجر سياره وتسوقها بنفسك افضل وان كنت من النوع اللي يخاف من السواقه في بلد غريب خذ لك سياره مع سواق من احد المعلنين هنا مثل يوسف او الشمري.

ماقصر اخوي سلطان ووفى وكفى
احب اضيف ,, بما انه اول مره شوف احد الثقات , يظبطك بتاكسي او سيارة بسواق افضل لك
تحياتي

شكلي بكنسل السفرة للمغرب!!
 

وعليكم السلام

افضل دائما تحجز قبل الرحلة بوقت قصير لانه لا سمح

وصار لك ظرف وتكنسلت الرحلة تبي تجيك ردة فعل نفسية تاثر عليك

٨ ليال اشوف كافيه بمدينة وحدة لا تشتت نفسك والا بتخسر وقت وجهد على الفاضي

سعر النخيل ثابت بيعطونك نفس السعر

مراكش يفضل تكون معك سيارة اذا سكنت بالنخيل

لان التكاسي بتاخذ عليك مبالغ كبيرة للمشاوير

الا اذا سكنت داخل مراكش ما اعتقد تحتاج السيارة

اتمنى لك رحلة سعيدة وممتعه

اذا بتجلس في مراكش بفضل يكون معاك سيارة

خلك بمراكش كلها 8 ايام ما يمديك تمل من مراكش

احد عنده رقم النخيل ٣ او روزقاردن

يالغالي ليه تفكر كثير
انا خلال شهرين رحت لمراكش ٤ مرات وبكرا ان شاء الله رايح لمراكش على طيران ايزي جت جاي من مانشستر
الامور سهالات وكل شي والله ارتبه بالتلفون بس انت وشطارتك ومن افضل الاسعار ضروري تكون لي علاقات خدميه هناك ومايخدمش بخيل .
من المطار الى السياره الى السكن الى الطاولات و الطباخه
مشكلتنا يالسعوديين ثقافتنا بالسفر داجة . انا مع الانكليز وشفت نظامهم والله الريال مايدفعونه الا بشق الانفس ولا احد يقدر يستغلهم . لكن احنا او الغالبيه شعب للأسف بس يدفع ونص ميزانياتنا بالسفر لأشياء ماتستحق نص ثمنها .
السياره خذ ب ٢٥٠
السكن فلل خاصه كثيره طريق اطلس
الطاولات اعرف كيف تفاوض ومين تفاوض

انصحك كنسل السفره دامها 8 ايام .. شكلك اول مره تروح ..

ترتيبك ممتاز ورتب السكن اهم شيء عن طريق بوكنج اضمن وأفضل